شوفي ياقلبي انا كان ولدي معاناه مع الامساك من طلعت من المستشفى والسبب الحليب ومعروف حليب سيميلاك انو يسبب امساك اول شي انتبهي تتمسكي بالحليب وهو مش مناسب لبنتك لانك بكذا راح تضريها انا رحت لاستشاري وكتبلي حليب رونالاك اس تي خاص للامساك من اول اسبوعين من الولاده وانا استخدمه لولدي والحين عمر ولدي ثلاث شهور وهو عليه وناسبه بالمره وماشاء الله يزيد وزن البيبي عليه وقريت مره وحده كاتبه نفس الكلام انو وزن طفلها زاد عليه وصدقيني لو تعطينها يانسون من هنا الى بكرا والحليب ماغيرتيه يمكن ينفعها بنفس اللحظه يعني مؤقت لكن ماراح ينهي معاناتها مع الامساك على طول غيري لها الحليب وجيبي من الصيدليه تحاميل جلسرين للاطفال واقسميها بالطول من النص واستخدميلها نص وحده باليوم مدة ثلاث ايام ورى بعض بنفس التوقيت يعني اذا اعطيتيها العصر اعطيها اليومين اللي بعدها العصربس ثلاث ايام ويكونوا ورى بعض عشان تتعود على الاخراج بس مش اكثر من كذا وطبعا اليانسون زي ماقالوا البنات رضعه كل يوم او كل يومين ,, ولاتنسي الماء شربيها ماء بالذات اذا ترضعيها صناعي كثير وحاولي يكون وقت رضعاتها مرتب كل ساعتين بالضبط

فعلا مثل ماقلت الاخت تحاميل جلسرين رررروعه بمعنى الكلمه ومالها اثار جانبيه ابد وتريحه بخلال عشر دقاق

السلام عليكم ورحمة الله وبركاته
اختي اغلي مويه وحطيها في كوب وحطي
فوقها ملعقه ينسون ومكعبين سكر نبات وخليها
لغاية ماتدفئ وشربيها مفعوله سريع ومريح
ويجيب كمان النعاس