الحمدلله على السلامه بغيتي تروحين فيها والحمدلله ان لحقك ولد زوجك ولا يمديك رحتي فيها بعدين حبيبتي كيف ساكنه لحالك ماتخافين اذا زوجك غاب عن البيت خلي احد يجلس معك ياخالاتك يابنات زوجك او باتي عند جدتك اهم شي لاتجلسين لوحدك
وزوجك لايتنازل عن حقك خليه يشتكي ويفضحه عشان يبطل هالشغله وزوجته لاتكلمينها لانها اكيد مضغوطه الحين دامك كلمتي اختها خلاص انتهت مهمتك والمفروض هي اللي تعتذر لك

لازم يوصل الخبر لجارتك انو انتي مالك ذنب وانه زوجها اللي بدا وان زوجك بعد عنده خبر باللي كلن يسويه زوجها ووكلي التصرف لزوجك وخليه
يتصرف باللي يناسبه واللي يشوفه صح والله يرزقك كل خير وحاولي تقرين الاذكار وتداومين عليها افرضي يسويلك زوج هذيك بلا ولاشي
ينتقم يعني الله لايقوله بس ابيك تاخذين حذرك وعلي طول شغلي سورة البقره في بيتك وانتبهي السالفه لاتطلع لاحد لانها لو طلعت بيزيدون
الناس عليها ويقولون اشيا ماصارت  وانتبهي لاتتجاوبين مع اي حقير زي هذاك وخليك مخلصه لزوجك والله يوفك في حياتك ويرزقك الذريه
الصالحه

لله يحفظلك زوجك اهم شيء وانتي ماشاءالله عليك واضح انك واعية وفاهمة
وزين انك علمتيه من البداية
الله ينصرك ويسخرلك زوجك
والله حنيت عليك لاني جربت اليتم :44:
الله يعوضك خير :)
ولاتحكي لاحد من اللي تعرفيهم يحسدونك عن حياتك معه :26:

مرحبا ألم وجروووح

كيفك ؟ وكيف أمورك ؟ أن شاء الله تماااام ،،، كنت متابعة قصتك الاولى قلبا وقالب ،، ودعيت لك ،،، لاتنسي تدعي لي بالذرية الصالحة .

آه ياقلبي عليك ،،، ماتشوفي شر ،،،

بالنسبة لموقفك اللي حصل ،، صراحة ،، مدري وش أقولك ،، بس كويس انك متابعة مع زوجك ،، وكويس انك علمتي أختها ،،

وهذا ان دل دل على انك فاهمة وواعية وصادقة بكل مشاعرك ،،، وكمان يدل على انك ماتحبي الشر ولا المشاكل او الوقوع فيها ،، وأهنيك على رجاحة عقلك مع صغر سنك ،،،

وانتي أصبري ،،، حتى تهدأ شوي ،، يمكن تفهمها أختها ،،، وان شاء الله تتضح لها السالفة ،،، وحسبي الله على كل من أراد تخريب البيوت وأفسادها ،،، وصدقيني الله معك وربي ينصرك

،، واهتمي بدراستك ،،،

والله يوفقك ويسعدك في الدنيا والاخرة ،،

يا قلبي عليك سلامتك
الله يعينك ويصبر جارتك والله صدمه
بس خلي زوجك يوقفه عند حده عشان يتوب بكره يروح لغيرك ويخرب بيوت الناس الله يهديه