امس بالقوه نجوت من فتنتها 😞

اخت زوجي عندها ولد عمره ٤
وانا ولدي الكبير ٣ سنوات ونص في الطالع والنازل ولدها يضرب ولدي ويعنفه ويهينه ويدفه يطيحه بالارض
دايم ادافع عنه
حتى اقرص ذاك الولد من اذنه وابعده بالقوه وامه ما تفتح فمها مبسوطه لان ولدها حمشششش وولدي مايدافع عن نفسه
وقلت بعلم ولدي الحماشه واوريها
امس بعزيمتي وقدام الحريم كلهم
جاء ولدي يشكي منه لانه انضرب انا بالعاده احضنه واخليه عندي بس هالمره قلت لولدي اضربه ياحبيبي لا تسكت عضه ولا اخمش وجهه لا تسكت عليه وتجي عندي تشتكي وتبكي
الي ضربك روح اضربه ولا تخاف انا موجوده وراك
حبيبي اخذ جزمه 😂😂وراح ضربه فيها وبكى واحسن يستاهل
قامت امه وهي منطمه واخذت ولدها وراحت لزوجي تشتكي مني وانقلعت لبيتها
وبالقوه نجوت من غضبه قلت له انت تشوف كيف ولدها يعامل ولدي ماقلت الا الصدق والي يضرب ولدي ينضرب ولدها مو احسن من ولدي وكلام كثيييير اتكلم ومقهوره واقتنع كان مره معصب وناوي يكسر راسي
بس الحمدلله 🙈🥲
الحين كيف تخلون اولادكم الصغار اقوياء ! بدون ما يتجهون الضعيفين المساكين الي في حالهم !
يعني اقوياء بالحق الي عندها اقتراحات تقول
وانصح اي ام لا تخلين ولدك ينهان على حساب المجاملات بيكبر وهو مهاااان خليه ياخذ حقه بأي طريقه خليه يضرب الي ضربه
امس ولدي كان مبسوط وثقته بنفسه كبيره حتى بقية الاطفال التفوا عليه بعد ما كان هادي ومسحوب عليه لانه هادي ومسالم