امس شفت الحزن ...لو تدرون كيف شكله شوفو لي اي فلة مستعملة صغيرة

حبيباتي الحوائيات.....انا من امس حاسه بضيقة صدر مو طبيعية...السالفة اني جتني بنت عمي اللي من يوم تزوجت زوجها الثاني ماشفناها.....طبعا الزوج الاول كان مو مقصر بالضرب والاهانة والمذلة بدرجة فظيعة وكانت متمسكة فيه عشان عيالها وعشان فكرة الطلاق امام الناس....طبعا وبعد سلسلة من المذلة والاهانات ورفضها الطلاق مع انه بالصريح يقول لها اصلا لو عندك كرامة كان رحتي بيت اهلك....ولما يئس منها انها تروح جا ورماها عند بيت اهلها.....وطلقها
قلنا احسن فكة منه لاننا كنا مرة مقهورين منها على هبالتها.....تزوجت الثا ني....فرحنا ......قلنا اخيرا جاها انسان طيب مستور........بس اش صار.......الثاني عنده اولاد كثير.......وكلهم مع بنت عمي بشقة وحدة
قلنا معليش عادي......بس المشكلة ان العيال جن وعفاريت...........كل يوم يخترعون سالفة يهبلون ببنت عمي
ذلوها ذل على عيشتها معاهم..........وزوجها طبعا ماعنده شخصية قدامهم........حتى لو ضربهم عادي........يقومو ولا كانه صار لهم شي
المهم .......امس جتني وتحكي لي مأساتها.......تقول فكرت بحل اخير.....لاكنه حلم خيالي اكثر من انه حل...........انه يشتري لهم ببيت ويقسمه بينهم........يعطي اولاده دور وهي دور........لان فكرة استئجار بيتين مستحيلة للضعف المادي..
دقت على مكاتب العقارات قالت لهم شوفو لي اي فلة مستعملة صغيرة المهم ترضو تقسطو لواحد باقي له على التقاعد 9 سنوات وراتبه 8500 وعليه قرض ب3000 ريال
طبعا كل المكاتب رفضو يقسطون عليه اي عقار....صدمة طبعا....

.المستقبل اسود حالك....الوضع سيء...والاولاد كل مايكبرو تزداد مشاكلهم.....والله انها لما حكت لي عن فعايلهم انجنيت.....بذكر لكم واحد منها.....كل واحد من الاولاد شايله سكين يدور بها بالبيت.....طبعا الاب شخصيته ضعيفة ...وبنت عمي خوافة هبلا....فالبيت ساااايب
فتكفون....اللي تقدر تدلها على بيت يمكن يتقسط حسب ظروفهم هاذي تقول.........لان نفسيتها صارت دمااار..بس شغالة بكى...واخاف ترجع تتعب نفسيتها زي ماكانت عند زوجها الاول
يعني مو معقولة من حظ ردي مع زوجها الاول لحظ اردى........متى بتعيش حياتها..........وطلاق لايمكن لان صار عندها طفل ...تشتتو الاولين فما يصير يتشتت هالطفل بعد....خاصة ان زوجها طيب بس مشكلته اولاده
بنات تكفون,,,,,ودي افرحها.....تقول ماابغاإلا باب ينصك علي وعلى ولدي منهم.....حتى لو غرفتين المهم ينقسم لي شيء مستقل عنهم لانهم ذالينها بينهم....حتى الموية ذالينها عليها....مويتنا....بيتنا.....مطبخنا.....موقادرة تتنفس معاهم.....بليز ....من فرج عن مسلم كربة فرج الله عنه كربة من كرب يوم القيامه.......والله ثم والله انها في كربه عظيمة.....قلت لكم شفت الحزن بعيونها...حياتها من تعاسة لتعاسة....لو بيدي شيء ماكنت قصرت.....بس كل اللي فكرت فيه اكتب لكم.....