امس قلت لكم عارفة زوجي يخوني مع امرأة اخرى << معدل

السلام عليكم اخواتي
امس كتبت موضوع اني عارفة ان زوجي يخوني مع وحدة ××× وما واجهته ...واليوم جاية اقول لكم التطورات
بس قبل التطورات ...اللي سالو عن برنامج المراقبة ....افتحي على اليوتيوب وتلاقين الطريقة ما اعرف اذا من قوانين المنتدى اني اشرحها واخاف تسبب مشاكل بسبي اذا نقلتها ...فسامحوني اكتبي في اليوتيوب وتلاقون الطريقة
امس رجعت من دوامي ...وقاعدة اراقب المحادثات بينهم ...هو مزبط وضعه معاها وعشان يقص على طرش لي ان اليوم في فوتبول وهو بيتاخر لان بيتابعها مع الربع ...وانا شايفة القبلات والاحضان والتفاهة اللي بينهم ارسلت له متى المباراة ما رد علي لانه مشغول معاها مع انه شاف رسالتي ويبين عندي كل شي ...قمت اتصلت فيه رد بعد مدة وسامعة الاصوات اللي حوله فقلت له الخميس والجمعة والسبت انت ترجع الساعة3 اتق الله فينا على طول عصب علي وقلبها مشكلة وسكر التلفون ...اتصلت فيه وقلت له اذا بتروح تحضر الفوتبول مو مشكلة بس رجاءا لا تروح المكان الفلاني ووصفت له وصف دقيق مكان ما الحبشية ساكنة ....هو طبعا حسيت الرجفة من صوته ....وانا ما عرفت مكان البنت من الواتساب لاء عرفته منها هي لما اتصلت فيها وعرفت عنوانها ومن الرجل المصري اللي مشغلهم عرفت بعض المعلومات ...هو مصدوم في البداية سوا نقسه مو مهتم بشي وسوي اللي تبينه ....وسكر التلفون ومسح كل شي من عنده وانا كنت مسوية اسكرين شوت.... اتصلت بابوي وجا عندي البيت ...اتصل زوجي مرة ثانية وقلت له عارفة كل شي عنك وعارفة فلانة وصديقتها فلانة ومديرهم فلان واخوي هو اللي كلمني ...قعد يسال ويموت ويعرف انا من وين عرفت ...المهم قلت انت جاوبني اول وانا بجاوبك من وين عرفت تعرف فلانة قال لاء وتم يكذب قلت له اذا ما اعترفت ما بتعرف مني اي شي قال لي اخذي عيالك واطلعي برا البيت واتركي المفتاح ...قلت له هذا بيتي وانت اللي تطلع ....كل الكلام هذا انا فاتحة الاسبيكر وا ابوي سامع .... المهم ابوي اتشاور مع امي واخواني وكلم زوجي ان اليوم المسا بينكلم رسميا بالموضوع ونحل السالفة البنت ما يخصك فيها ولا تكلمها ...
وطبعا جو كلهم عندي بالبيت واتفقنا على الكلام اللي بنقوله له ...وما تتخيلون كم حبة بنادول انا بالعة ..وعيالي المساكين يروحون ويرجعون ...اعرف اني اتسرعت وكان المفروض اصبر شوي بس هذا اللي صار قدر الله وما شاء فعل ...دعواتكم لي ربي ينصرني عليه وما يفرقني من عيالي ابدا
اليوم انا باخذ موعد مع استشاري الاحوال الاسرية واشوف شنو رايه في الموضوع ...اتذكرت شغله مهمة كنت خايفة زوجي ياخذ الاولاد ويسافر ...اتذكرت ان معممين عليه في شرطة دبي لانه عنده مشكلة شيكات