السلام عليكم
اول شي ماحلل اللي تنقل الموضوع للانستقرام او اي مكان ثاني غير عالم حوااء رجاء
نصيحه لوجه الله خواتي حبيباتي لاتسعون في خطبة او زواج احد صحيح نيتكم انكم تجمعون راسين بالحلال وممكن تقومون نصيب بنات مايجيهم احد بمدحكم لهم عند احد او تدلون ناس عليهم وتكون نيتكم زينه
اللي بتلكم عنها من معاناه وحده انظلمت
هذي سلمكم الله واحد من جماعتنا عنده بنات ويبي يزوجهم ويطمن عليهم قبل لاياخذ امانته ويزوج بناته بعمر صغير يعني ٢٠ ٢١ وهم يدرسون وهو رجال عنده خير بس بناته زوجهم ناس اقل من مستواهم الاجتماعي والتعليمي ماتفرق معاه يقول انه يشتري الرياجيل ماهمه كم عندهم من فلوس و شهايد طبعا ازواجهم موظفين بس كلهم ماخذوا شهاده جامعيه
زوج بناته من جماعتنا وطبعا الزواج يتم عن طريق الرجال يعني ابوها يوافق خلاص يشوف هو المناسب لهم بس ابوهم مايزوج على الرجال نفسه اللي بياخذ بنته يزوج عشان ابوه يعني لجا ابو الولد عطاه مايرده ويزوجهم باي مهر يحدده ابو الولد مايتشرط يقول بس يبي اللي يصون بناته
وحده من بناته اخذت واحد من جماعتنا بس بعيد اخذته عن طريق زوجة اخوه سعت بخطبة الولد لانه امه حرمه كبيره وماعنده خوات الرجال كان بداية الزواج ماشي تمام وكل شي قبل سنه الرجال قلب وصار يشرب الله لايبلانا وسكران اغلب وقته وهي جايبه منه ولد يعني حرام انظلمت وانظلم ولدها مالهم ذنب من عرفت سوالفه صارت تاخذ مانع وودها بالطلاق اليوم قبل بكره بس عند اهلها ظروف ماتسمح انه تطلق وقاعده وتحسب دايم على اللي زوجوها منه وسعوا بزواجها وتقول ماهي مسامحتهم
نصيحتي لكم خواتي لاتسعون بزواج احد وتخطبون وتصيرون في وجه المدفع
💣💣💣
لؤلؤه20 @loloh20_1
عضوة فعالة
يلزم عليك تسجيل الدخول أولًا لكتابة تعليق.
لؤلؤه20
•
عطوني وجهات نظركم عن هذا الموضوع من القهر نسيت اكتبه جد مقهوره ع البنت المسكينه 🙈
كـاچـو
•
لا يمكنك مشاهدة هذا التعليق لانتهاكه شروط الاستخدام.
احنا ماندري عن ظروفهم وكيف زوجوها
انا اتكلم عن اللي لهن راي يوافقن وبالاخير يدعن على اللي سعى بالزواج هو مجرد وسيط خير ماجبروا احد ع الزواج واهلك سالوا عنه وانتي وافقتي برضاك ليش تدعين عليهم 🤔
اما اللي بالقصة تقول ابوهن يزوجهن يعني ممكن مغصوبات او مايحبن يردنه
انا اتكلم عن اللي لهن راي يوافقن وبالاخير يدعن على اللي سعى بالزواج هو مجرد وسيط خير ماجبروا احد ع الزواج واهلك سالوا عنه وانتي وافقتي برضاك ليش تدعين عليهم 🤔
اما اللي بالقصة تقول ابوهن يزوجهن يعني ممكن مغصوبات او مايحبن يردنه
كـاچـو
•
لا يمكنك مشاهدة هذا التعليق لانتهاكه شروط الاستخدام.
وكلامك سليم انا اقتبست عشان اكمل كلامك 😅😅تحمست شوي
الصفحة الأخيرة