امطار الرياض اللهم سلم سلم

السلام عليكم ورحمة الله وبركاتة
كيف حالكم بنات عقب الامطار ان شاء الله حيين:hahaha:
بعذري والله انا كنت بمطبخي ماعندي من الشيطان طريق فجئة ضلمت الدنيا حوالي الساعة 2 او 2ونص فجئة هواء قوي زي الريح الله يستر وكنت مفتحة كل درايش شقتي مادريت إلا الهوى يطير البيت اقصد الشقة مع كل جهه الستاير طارت والبيبات طخ طيخ وصوت الهواء يطير العقل مرة يخوف فجئة المكيفات والدرايش طخ طخ طخ وش ذا وش اللي جانا مادريت عن نفسي بديت اراكض يمين ويسار وقول اللهم سقيا رحمة لاشقيا عذاب وانا اصيييييح :eek:والله العظيم اصيح من الروعة ورجلي بدوام افكر بوضعة بشارع كيف بيجي:06: الحمد لله ماعندي عيال يدرسون قلت ابي اميييييييييي:06::hahaha: وطل مع دريشة المجلس هي الوحيدة اللي تحسسني بالعالم الخارجي كللللل المحلات مسكرة والشجر طايحة وضبااااااب واللع العظيم يبنات ان السطح العمارة اللي بجمبنا ابيييييض من البرد فجئة اسمع طخ طخ اروح لصالة وش السالفة فتحة الهوى حقت السبلت يدخل معة البرد على الصالة بعدة:eek:انهبلت وش ذا الله يرحمنا برحمتة ولا صديقتي الاميرة الصغيرة22 تعرفونة محررة عندكم تقول على بالي انة غضب من سمعت البرد من قوتة على الدرايش والمكيفات احسبة حجارة بسم الله علينا يارب ترحمنا برحمتك ودق على امي وشرحلهم اللي صار لنا تقول حنا بالقصيم من امس طلعو البزارين من المدارس واخوي يقول صارت حالة وفيات عند كبري مدري وشو والله نسيت وزوجي غرقت سيارتة وطفت عيت تشتغل وحالنا مايعلم بة الا الله بس الحمد لله كن الوضع الحين هادي مااسمع صوت امطار الساعة الحين9 ونص والحمد لله على كل حاااااااااااااااااال