امـــــــــــــــــــــــــــي

السلام عليكم ما اعرف من وين ابدا
بس بحكي، انا الان 14 سنه، لما كان عمري
11 سنه تقريباً امي قعدت تقول لابي
اني مجنونه فيه شي بعقلي يعني واقنعته
انها توديني لدكتور مخ واعصاب وفعلاً
ودتني لدكتور مخ واعصاب وقالتله
اني مشاغبه وادعي وكلام كثير، مع
اني والله كنت هاديه وما اكلم احد،
المهم الدكتور ركب لي اسلاك بها
الوان براسي ما اعرف ليش ركبها
براسي وبعدين طلعت نتيجة التحاليل
وقالي ان سليمه وما فيني شيء،
المهم سكتنا علي هذا وانا وقتها
ما كنت اعرف ليش اصلا كشفت
هذيك المره بس بعدين عرفت
طبعا محد قالي عرفت من النت
ان هذا دكتور مخ واعصاب ولما
كنا رايحين وقتها امي ما علمتني
ولا احد علمني بس علمت اخي
الصغير كانت وقتها تسع سنين
عملته ليش رايحين هذا المشوار
وما علمتني، انا ما خذت الموضوع
بهذا الاهميه وقتها بس الان مو قادره
اتخطي انها شكت بيوم اني مجنونه
و يوم اقولها اعملي لاخي مثل
ما عملتيلي تقولي لا هو مو مجنون،،
الموضوع هذا اثر عليَّ الان وخلي
ثقتي بنفسي ضعيفه وما اقدر
اكون صداقانت ولا اتكلم مع احد حتي
المدرسه كرهتها عمري ما تكلمت
مع اي بنت في فصلي حتي اللي معي
من الروضه ما قدرت اكلم اي احد فيهم للان حتي كلام عادي ما اعرف وطول الوقت قاعده بحالي،، حتي بالبيت ابن خالتي بعمري
تقريباً يقول لأمه هي عندها توحد؟!،،،
وامي بعدها كنا رايحين مشوار عزيمه
فأنا ما رضيت اروح راحت قالت لي
انتي ما تبي تطلعي من البيت والناس
يقولون اني حابستك، حتي ان وحده قالت
لي بنتك عندها توحد، انا قلتلها من
قال عني كذا(وقتها ما كنت اعرف من
اللي قال) هي ما رضت تقولي وقعدت
تقولي انتي عندك توحد ومجنونه
وهذي احسن منك وبنت عمك احسن
منك،، بس بعدين عرفت ان هو اللي
قال اني عندي توحد، ما اعرف
ليش طيب حتي انا بالبيت عادي اتكلم
واتفاعل وما اكون مثل ما اكون في
المدرسه كرهت نفسي من وقتها انا
حقيقي ما حد يحبني ومريضه
نفسيا مثل ما تقول امي و مجنونه،
وفوق هذا كله تضربني، لحد ما صار
عندي تبلد عاطفي يعني عادي تضربني
يوم كامب ما اتحرك ولا ابكي ولا اي
شيء وهي تقولي اني ما بحس
ما يمضي يوم الا ونتخانق وكل مشكله
تحصل تسحب مني الجوال،، وتهددني
انها تكسره، حتي من كم سنه قبل ما ابوي
يتوفي من سنتين تقريباً قالها انه
بيحط لي فلوس بالبنك هي ما رضت
وقالت له مو لازم وبعد ما مات ابوي
اخدت الفلوس وعملت بيها بيت لأخويا
اللي عمره الان 12 سنه،، ويوم قال الدكتور
اني لازم اعمل عملية لـرجولي عملية
منظار هي قالت لي هاتي الحلق والخاتم
اللي معك ابيعهم واعملك العمليه
وقالت كذا قدام خالتي،، ولما بعدها
قلتلها ليش تقولي كذا قدام احد
قالت عادي ما فيها شي، وانا وقتها
قلتلها اني ما بعمل هذي العمليه ابدا،
وهي ما قالت شي، بس بعدها بشهر
قالتلي اعملها لك عشان ما تتعبين اكثر
بس طبعا ما رضيت بس احس رجولي
توجعني اكثر من اول وما اقدر امشي
كثير، الظاهر اني دخلت بموضوع
غير اللي كنت اتكلم فيه،، انا حكيت
كل اللي بخاطري والان ابيكم تقولون
لي من الغلطان لانها تقولي اني لما
اكبر ما بتوفق في حياتي لاني اعصيها
وما اسمع كلامها وربنا بيعاقبني.
صح نسيت اقولكم امي عمرها 50 سنه
هي مو متعلمه،، من شهر تقريبا بدأت اتعلم
اللغه الالمانيه ولما قلتلها قالت بتسحب مني
الجوال لاني بفضحهم وما يصير اعمل
كذا والجوال بيخربني. ســلام.