الماسة السوداء

هلا فيك اختي
المشكله ان امي عصبيه الله يهديها ... ومره وحده سألتها وش سبب كرهك له ؟ ثارت وزعلت وصارت تجيب لي حكايات صارت من 30 سنه حتى قبل زوجي لا ينولد .... وانا ما لاحظت اي معارضه منها يوم خطبوني بالعكس كانت عاديه جدا .... يعني ما ادري وين كان كل هالكره ؟؟

وجزاك الله خير على ردك



غادة الكاميليا


فعلا اختي انتي جبتي نقطه مهمه وهي مسبة الاب عند عياله ... انا الحين ما عندي الا طفل عمره سنتين وحامل يعني ما عندي احد يفهم بس بكرى بيكبرون ويصيرون يفهمون ... عسى الله يهديها والله اني ادعي ليل نهار ان الله يهدي سرها
تسلمين اختي وجزاك الله خير



ناثرة الورد


هلا فيك اختي
والله اني تعبت من كثر ما اقول لأمي وش كثر هو يحترمها وهي اصلا تشوف الشي هذا بعيونها .. بس انها تكرهه ..
عساها ان شاء الله تتغير مع الايام ........ والله اني اتعب اذا صار هو يتكلم بالخير عنها قدامي وهي العكس

وجزاك الله خير اختي



beautylady


الظاهر يا اختي كرهها لامه يرجع لسنين جدي على قولتهم ..... وامي الله يهديها عصبيه ما تتحمل اني افاتحها بالموضوع هذا او حتى اجيب سيرة امه على طول تثور وتزعل . وما تتحمل اني ادافع عنه او حتى امدحه قدامها
الله يهديها
مشكوره اختي وجزاك الله خير



ام مسلم


هلا فيك اختي
والله يجزاك خير على الرد
وهذا اللي انا قاعده اسويه .. ساكته واحاول اتجاهل الكلام اللي تقوله ... وادعي ربي ليل نهار
والظاهر اختي هذا هو الحل .... اني ما اكلمها عنه ولا عن امه .. وحتى احلول اخليه يخفف هداياه وزياراته
والله يعين ويوفقنا اجمعين



ولي رجعه مع البقيه جزاهم الله خير

اختي ام فايز :
والله انا برايي لا تحكي ولا تتكلمي مع امك لانها راح تبقى امك وترى الايام هي اللي بتغير الانسان
اكيد مع الايام بتتغير صدقيني
وعلى كل يا اختي انتي حالتك اهون من حالتي
انا حالتي العكس عندك
زوجي اذا امي نطقت كلمه يفسرها الف تفسير واقعدي انتي راضي بيه لحد باكر وما كو فايدة
الليس براسة براسة
وانا اعرف امي ما تقصد اي شيء بكلامها
لاني امي انسانه جدا بسيطة
بس شسوي
الله يرحمنا برحمته يا اخي
والله حتى امي دايما تسويله الاكل اللي يحبه وتدزله اياه بس هو دايما ما كو شيء يعجبة
الله يشيل همك وهمنا جميعا
وهاذي مني لكي :26:

السلام عليكم...
مع احترامي لبعض الاراء اللي قالت انك ما تكلمين امك بالموضوع... بس انا اعارضهم
اول شي ان امك ترتكب شي محرم وظلم وهو انها قاعده تسيء لشخص و تتكلم عنه وتذمه قدام الناس وهو ما اساء لها
فلازم تذكريها بأن هذا حرام وما يجوز ويغضب رب العباد
وطبعا لازم تكلمينها بالموضوع و كل هذا يكون باحترام وبرفق ولين واكرر باحترام ورفق ولين لانها امك ....
ودايما ادعي لها بالهدايه

وفي نقطه ثانيه... ما دامها تسبه وتسب اهله وتذمه عند الناس فحاولي انك تشوفي حل
للموضوع لان الكلام لو وصل لزوجك ( بما انها تذمه عند الناس) فراح تكون مشكله كبيره
وبتكون ردة فعل زوجك غير متوقعه ( بسم الله عليك)

اتمنى اني وفقت في نصيحتي... والله يوفقك اختي ويهدي امك.