وكل شي ريحته شينه
حتى الجدران صار لها ريحه :icon33:
الله يرحم حالك يا امي انتي وهالوحم
بقولكم يا بنات كيف صاير بيتنااا
امي برمضان تاخرت عليها الدوره
وصارت حامل ماشاء الله
طبعا امي تتاخر بالحمل
انا بالجامعه :27:
وعندي اخ واحد بالابتدائي وماعندي غيره
امي دكتوره وتشتغل بمستشفى
المهم عرفنا برمضان ان امي حاااامل
كللللللللللللللللوش
ياحليلنا اثر المسلسلات صادقين
اذا حملت الوحده تركض ع المغسله تستفرغ
والله احسبهم يستهبلووون
لين شفت امي وصدقت هههههههه
المهم من رمضان امي تغير خشمهاااا
كل شي فيه ريحـــــــــــــه
واللي خلاني اكتب هالموضوع
اليوم يوم جيت من الجامعه
ودخلت باخذ شور
ما لقيت اغراضي انا حاطتها ب سله داخل الحمام وانتم بكرامه
الشمبو ومزيل العرق وصابونه للوجه وشمبو للجسم وخرابيط البنات اللي ماتخلص
واروح غرفتي بشووووف وينهاااا
تسررررررريحتي فاضيه
وين كريماتي !!! وين عطوراتي !!!
مافيه الا المكياج
قلت اكيد داخل حرامي الصبح وقاش كل شي
بسس وش هالحرامي الخكري اللي ماخذ شامبو ولوشنات
ومخلي اللاب توب >> اهم شي لاب توبها
وانزل اسال الشغاله وين اغراضي
قالت انا مافيه شوف انا مافيه ياخذ بغت تصيح
قلت ادري انك ما اخذتيهااا بس ماشفتيها هنا والا هناااا :44:
قالت لالالالا انا نظفت البيت الصباح مافي شوف :angry:
قلت يالله انتظر لين تجي امي واسالهاااا
بسسس ماش ودي اخذ شور وش يصبرني ساعه لين تجي امي
وادرعم لغرفة امي باخذ من حمامهاااا شمبووو
وادخل ونفس مأساة حمامي
ماااااااافيه ولا اثر لاي شمبو :35:
واروح لحمام اخوي برضوا الشمبو منقرض بالبيت :mad:
قلت بقلبي وش السالفه اليوم يوم القذاره العالمي والا وشو
واروح للمطبخ وتطيح عيني على الفيري
بغيت اتسبح فيه بس خفت اصير خشبه يابسه
وانا سارحه بافكاري دخلت امي كللللوش
ومعاها كيس فيه ذاك الشمبو الاحمر القديم اللي بقزازه
مدري تعرفونه والا لا
انا كنت اشوفه بحمام جدتي ههههههههه هو شمبو قديم
قال امسكي !!!! قلت وين شمبواتي !!!
قااااااااالت من اليوم ورايح لاتستعملين الا هذا عشان ريحته خفيفه
ومافيه مزيل عرق حطي ليموووووووون
لييييييييه يممممممممممه ليييييييييييييه
قالت ريحت الشمبو خيااااس
مابي اي روائح بالبيت
قلت يايمه ياحبيبتي لك اربعين سنه وانتي تتسبحين بشامبو
توك اكتشفتي انه خايسس !!!
قلت طيب وين عطوراتي
قااااااااااااااالت عطيتهن ((( ام مصعب )) >>>وحده فقيره الله يرزقها اذا صار عندنا شي نعطيهاااا
قلت لييييييييييييش
قالت مابي اشم اي ريحه
اهئ اهئ
تصدقون ذاك السبوع شميت عطر وبغيت اشتريه
اشوى اني ماشريته كان راح مع بقيت الاسرى
المهم يا امهااااااااات
وش تحسون فيه انتم وهالنسااااااااات
وليه تتغير خشومكم
على فكره امي شرت هذاك شسمه اللي يحطه دكتور الاسنان على خشمه
اللي زي الكمامه
لي اسبوعين ماشفت خشت امي
حتى تنام فيهااااا
وصارت تكره ريحة المعقمات اللي بالمستشفى
وتتعب بدوامهااا الله ياجرهااا
امي عيت تقتنع ان المشكله بخشمهااا
كله كوووووم والوحم كوم
برمضان بالليل اشتهت جريش وحده من حريم الجيران
وامي تموووون عليهاا بس كان الوقت متاخر واستحت تقولها
لان الجريش يبيله وقت
ماصدقت يجي الصبح وتتصل امي على جارتهاااا
وتسولف هي وياهاااا وقالت لهااا يا ام فلان
والله اني متوحمه ابي جريشك
واني ماقدرت انام الليل من الشهووووه
قالت ام الجيران هوووو ابشري وابركها من ساعه
ابد ان شالله قبل المغرب والجريش عندك
وامي كل الظهرررر تطقطق اصابعها تحتري هالجريش
ههههههههه منظرهاااا شي
وقبل المغرب بعشر دقايق وتجي حافظة الجريش
وفوقها الكشنه والحباحررر الحمر اغراء
وامي تحظنهااا تحتري الاذان
شفتوا الام اذا ضاع ولدها ويوم لقته حظنته
ابد امي كانت حاضنه الحافظه بهالشكل وتحتري الاذان
ويذن وتاكل تمره وبعدهاتبدا بالجريش
وتاكل يابعد قلبي وتاكل وتنسدح شوي همن تقوم ترجع تاكل
لين عشررر وهي مستلمه الحافظه هههه
وانا اقولها يمه خلاص ثقيل ترا عليك
وبقى شوي وقالت حطي الباقي بقدر بالثلاجه
اخاف اشتهيه بكراااا
واحطه بقدررر وبالثلاجه
ونمناااااا مادريت الا امي تقومني الساعه 2 بالليل
تقووووول قومي بسرعه طلعي القدر بالشارع
همن تروح تستفرغ وانتم بكرامه
وانا اقولها وش قدره
قالت حق الجررررررريش مابي اشوفه
قلت ورااااااااااااه وش سوالك هالقدر الضعيف طيب
قالت بسررررعه طلعيه
وانزل بحط الجريش بكيس النعمه
قالت لالالالا طلعي القدر بكبره بالشارع مابي اشوفه
قلت وش يطلعني بهالليول
قالت حطيه برا عند الباب وابوك اذا قام يتسحر يشيله
قلت امس ماتقدرين تنامين لانك مشتهيته
واليوم تقولين طلعيه بالشاااااااااارع
والله يالحوامل عليكم خطمات
حتى القدر ماتبي تشوفه
ههههههههه وهي كل الليل تاكل منه عساه بالعافيه
اااااه بسسس يوه منه هالفصعون اثره يسوي هوايل
هذا حالناااا من شهر هههههه
عسى ربي يقوم كل الحوامل بالسلامه
ويرزق كل محررررومه يارب بالحمل
وتجي تكتب لناااا وش مشتهيه هههه
ودي اعرف شي واحد
لو كانت ام الجيران مسافره
وامي اشتهت جريشهاااا كان وش السوات :icon33::icon33:
يله انتم يالحوامل علمونا ان كنتوا اشتهيتو شي بشكل هستيري
وهل حصلتي عليه
والا جلستي تطقطقين اصابعك لين ولدتي وانتي ما اكلتيه
وحده تزوجت وسافرت على طول امريكاااا
وحملت بعد شهرررر
تقول اني اشتهيت كبسة امهاااا مع ليمون
تحلف انهااااا تصيح من كثر ماهي تشتهيهااا
بصراحه حااااااااااااله
يالله موضوعي مجرد فضفضه وفرفشه
دعواتكم ان امي يرجع خشمها الطبيعي
وفدوه لهااااا شمبواتي وعطوراتي
وترا قدرنا والله جديد
اللي تبيه تروح تاخذه
واذا لقيتوا قدر بالشارع اعرفوا انه حقنااا هههههه
ادري موضوعي حوسه وملخبط
بسسس تحملوني مجرد فضفضه
الله يقومها بالسلامه ****لله