بنت عز

هلابك وشاكرة مررورك غلاي


شيهانه

ربي يحفظهملك ويقر عينك ببرهم وصلاحهم ورفعة شانهم

بنتي انا باول متوسط والثانية بخامس والثالث بثاني

ووبنتي تمهيدي

الله يخليهم لنا ويكافينا الشر واياكم

انتي البنت اللي بأولى متوسط بأي شعبة ؟ أنا بنتي بـ و

و اللي بثاني ابتدائي بأي شعبة ؟ أنا بـ ج


ما يندرى يمكن يكونون عيالنا و بناتنا أصدقا :)

هلابك

اللي بثاني بشعبةو

واللي باول متوسط هـ او د



وين التفاعل؟
ولا بس انا وانتي اللي عيالنا بنجد

الله يعين اختبارات اللغه تبداء السبت وانا حايسة ابي معلمة صح..وش تشورين علي؟

عفواً للمداخلة المتأخرة ...

نقلاً عن زميلة معي في العمل ..أنها اضطرت أنها تطلع ولدها من نجد بسبب فرق المعاملة بين الطلبة..هذا ولد فلان المعروف ..وهذا ولد ناس عاديين..ودائما الحق مع ولد فلان المعروف..وتقول يضاً أنهكتني المظاهر..الحفلات التي تقام في بيوت بعض ابناء العائلات ويُدعى إليها باقي الطلبة..جعلت ابنها يحس بالدونية..وإذا منعته يحكي عليه زملاء الفصل ماحصل...فيحزن على نفسه!!! (أنا لااعلم هل واجهتكم هذه المشكلة؟؟).

وآمل أن يتسع صدركم لسؤالي التالي!!

على اي اساس حكمتوا على أن مدرسة نجد من أفضل مدارس الرياض في اللغة الانجليزية وفي العربي؟؟؟

هل جربتوا غيرها .... علشان تحطونها في المقدمة؟؟!!!وعلى أي اساس هل بحثتوا في مدارس الرياض كلها؟؟!

أنا ماراح أذكر أسماء مدارس أخرى نهائياً... بس أنا سألت الإدارة الرئيسة في الرياض(التعليم الموازي ـ الأهلي ـ) عن أفضل مدرسة وخاصة في الانجليزي ..ذكروا لي مدرسة وهي في المقدمة بلا منازع(عربي وانجليزي)..(علماً بأن مبانيها رديئة جداً ..لاتُقارن بنجد ) كما استفسرت من مكتب الاشراف التربوي الذي تتبع له المدرستين(حالياً كل مدرسة تتبع مكتب)..ووجدت أن أكثر من مشرفة في هذا المكتب يدخلون ابناءهم في مرحلة رياض الأطفال لمدارس نجد وبعدين يخلونهم يكملون في هذه المدرسة.....صح فيها كثير من ابناء الجاليات العربية..وبالمقابل فيها من أبناء السعوديين الكثير ..وأغلبهم من الدكاترة والأكاديمين..

أرجوكم افهموني ..أنا والله ما أقصد اطلع من صلب الموضوع..بس ماأبغاكم تتعاملون مع المشاكل اللي تعانون منها في نجد على اساس أنها الأفضل وأنكم ما تقدرون تستغنون عنها نهائياً لانها الأفضل ومافي أحسن منها...وهذا اللي مكسر مجاديفكم..

ويمكن بعد كم سنة تطلع مدرسة افضل من اللي مدحوها لي الإدارة الرئيسية بعد...كل شي ممكن..

وإذا حسيتوا أن مداخلتي غير مفيدة أو تخليكم تعصبون ..ياليت أخواتي المشرفات يحذفونها..وابداً ماراح أزعل..

والسموحة منك ياصاحبة الموضوع...
وأعتذر إن كنت أغضبتك..أو غيرت مجرى الموضوع..
مع شكري لك على سعة صدرك..

ليه نعصب يا اختي :)
هذا رايك من حقك تقولينه و من واجبنا نحترمه ..
فاختلاف الاراء لا يفسد للود قضية

بالنسبة للمظاهر نعم هناك ناس اثرياء ..
و هناك ناس بسطاء بالكاد يستطيعون دفع اقساط المدرسة

و هذا لا يشكل مشكلة لمن تكون قريبة من ابنائها و مربيتهم على الثقة

انا شخصيا يذهب ابنائي لاصدقائهم الاعلى مستوى منهم
و اعمل حفلات ايضا يدعون فيها من هم اعلى منهم مستوى
و عمره ما شكل مشكلة عند عيالي و لله الحمد

مربيتهم على انه فيه ناس اغنياء و ناس اكثر غنى
و فيه ناس فقراء و فيه الافقر .. و لكن مفهمتهم ان السعادة ما تنجاب بالفلوس
و القناعة و الرضى في السعادة الحقيقية هذا المبدأ اللي رسخته عندهم

لان الحياة يا رعاك الله كلها نماذج زي كذا !
اذا ما احتك فيهم بالدراسة بيحتك فيهم بالحياة المستقبلية

بالعكس خليه يكون من البداية متعود على مخالطة كل الطبقات
و انتي بتربيتك تقدرين تخلينه سويّ و متوازن
و تقدرين بعد تخلين الموضوع حساس و مصدر تعقيد :)

و بالنسبة لسؤالك كيف حكمنا و احنا ما جربنا غيرها
اجيبك بالاصالة عن نفسي ..
1- اني سألت مدرسات درسوا بعدة مدارس خاصة متعددة من ضمنها نجد
عن رأيهم بمن مروا بهن من المدارس فيجيبون بأن نجد هي الافضل

2- و كذلك دائما اسال قريباتي و صديقاتي اللاتي يدرسون ابنائهن في مدارس مختلفة عن طريقة واجبات ابنائهن و طريقة تقييمهم

3- و كذلك اسال قريباتي الطالبات الكبار -طالبات ثانوي- اللي غيروا عن نجد لظروف مختلفة فيقولون نعم هي قوية و هالمدرسة فرق عن نجد

بذلك يا عزيزتي كونت فكرة عن المدارس الاخرى


و بالعكس يا اختي الغالية .. قولي رايك بكل حرية .. احنا مثلنا مثلك نبي الزين لعيالنا

و تأكدي لو لقينا مدرسة بهالكفاءة أول من ينقل عياله لها أنا و رائعة الكلمة :)

و كم هي سعادتنا ستكون عظيمة إذا كانت سعودية 100 %