كوبونات الراقية تسجيل الدخول

PINK SMILE
PINK SMILE •
والله كلامك صحيح وسمعته من قريبات ليا

انا خالتي ادارية في مكتب اشراف الشمال وكانت من المنظمات للحفل المقا العام الماضي م وتقول انو في تكريم المميزات وعلى فكرة كان التكريم في مدارس المملكة

تقول كل اللي كرموهم من مدارس نجد اجنبيات ..

تقول لدرجة اني سألت احدهم وقلت معقوله ماعندكم سعوديات متميزات ..قالت هذا ترشيح الادارة وهي تعرف الافضل ..

شوفي كيف التمييز والتفرقه حسبي الله عليهم ..

من جد لاعبين فيها
تسنيم2
تسنيم2 •
والله ياعيوني مستحيل ادخل عيالي مدرسه بهالاخلاقيات لو وش ماكانت ؟؟؟

كانو فيها اخواني زمااان ايام عزها وتقديرهم للناس وكان لنا عليهم ملاحظات بعد !
والان انا ماافكر احط عيالي فيها وخصوصا بعد كلامك عن تصرفاتهم الجديده فعلا شلتها من راسي

بعدين ليش تخانقين على البنات ؟؟ الدعوه اخذ وعطا وش انتي خسرانه ؟؟؟؟؟
انتي فتحتي الصفحه ولا قلتي ولا كلمه تشفع لهالمدرسه وهم من باب التعاطف معك ابدو ارائهم ...وسعي صدرك ياعيني

بعدين هم صادقين الى متى مستعبدينكم ذا اللبنانيين وتدورون لهم الف حجه وحجه ؟؟؟؟
الكوافيرات والمدرسات وووو

وان جيتي للمنطق اللغه ماتعتمد على المدرسه فقط لازم يكون البيت موازي لها بالضبط
بكـــــــــــل الاحوال الا ماتقدرين توصلين لحل بتغيير المدرسه (اخاف اشور عليك تنطين في حلقي مثل ماسويتي في البنات))
مدرسه+مدرسين في البيت+معاهد = لغه بنفس مستوى المدرسه هذي ان ماكان افضل

وصدقيني مااقصد الا ان هالجنسيه تطاولو كثير علينا وحنا راضخين لهم بشكل يرفع الضغط
ولو كل وحده استغنت عن اى شي منهم بيرجعون يستعطفونا او على الاقل يتعاملون معامله مؤدبه ومحترمه !

واخيرا ,,,, ارجع واقول وسعي صدرك ياوخيتي
رائــعــة الكلمة
رائــعــة الكلمة •
PINK SMILE PINK SMILE :
والله كلامك صحيح وسمعته من قريبات ليا انا خالتي ادارية في مكتب اشراف الشمال وكانت من المنظمات للحفل المقا العام الماضي م وتقول انو في تكريم المميزات وعلى فكرة كان التكريم في مدارس المملكة تقول كل اللي كرموهم من مدارس نجد اجنبيات .. تقول لدرجة اني سألت احدهم وقلت معقوله ماعندكم سعوديات متميزات ..قالت هذا ترشيح الادارة وهي تعرف الافضل .. شوفي كيف التمييز والتفرقه حسبي الله عليهم .. من جد لاعبين فيها
والله كلامك صحيح وسمعته من قريبات ليا انا خالتي ادارية في مكتب اشراف الشمال وكانت من المنظمات...
شاكرة مروورك العطر اختي

فعلا الادارة الاجنبية لاترشح الا بنات جنسها حتى لوماكانوا يستاهلو
بس ما انكر ان المعلمات اللي فيها اكفاء من ناحية العطاء
ولكن فيهم شدة نوعا ما
وخاصة الاداريات الله يسامحهم

الف شكر ع المداخلة الحلوة مثلك
ما لقيت اسم
ما لقيت اسم •
انا كنت ناويه ادرس بنتي عندهم وحتى نزلت موضوع اسأل عنها هنا وبحثت عنها في كل مكان وبالاخير غيرت رايي بسبب التحيز للجنسيات العربيه وخفت على بنتي تنظلم فيها لان انا ما استحمل اشوف بنتي يقضى على شخصيتها وقدراتها
* شيهانة *
* شيهانة * •
يا رائعة .. أنا عيالي بمدارس نجد ..

و أرى أنها أحسن الموجود من ناحية الدراسة ..

من ناحية الترفيه صح ما فيها أي نوع من أنواع الترفيه ..

و لكن تدرسيها يشفع لها

شديدة و كنها تجنيد .. بس بصراحة ..
بنات هالزمان يالله يالله ينفع بهم الله يصلحهم يارب

من ناحية طماعين طماعين .. كل شوي زايدين الاقساط

و تراهم كارفين المدرسات كرف .. أختي اشتغلت 9 سنين و تركتهم
بس برضو دخلت عيالها فيها .. لأنها أفضل الموجود ..

من ناحية الانجليزي .. مافيه كلاااام .. من جد ما فيه كلام

بالنسبة للشكاوي بصفة عامة .. أنا اتصل بالمعلمة مباشرة .. أفضل ..
على قد ما تقدرين لا تدخلين الادارة بهالشي عشان ما يصير فيه ضغوط عالمعلمة و تتوتر علاقتها ببنتك -إلا إذا غلبت الروم طبعا-

أنا بناتي مستواهم جيد جدا - جيد جدا مرتفع ..
يعني ما قد تعرضت لحكاية تفضيل المتفوقات ..
يعني موب أنا اللي أعطيك رايي ..


عاد يا رائعة إذا شفت أختي و جلست معها جلسات خاثرة - كونها معلمة سابقة و ام حالية لطلاب في نجد- ناقشنا موضوعك و عطيناك الزبدة :)..