مشكوره حبيبتي كربوجه
هو صحيح كلامك بس اللي محيرني ليش لما اتمكيج عند الكوافيرات الكاميرا ماتمتص نص المكياج ليش بس مكياجنا اخنا بس الكاميرا تمتصه
حبيبتي كربوجه
انا صار لي من اسبوع ونص مطرشت لج رساله على الخاص بس انتي مارديتي علي واليوم عقب ماشفت رسالتج ابي اطرش لج يقول لي ماتقدرين اتطرشين رساله لكربوجه مب عارفه ليش لكن بعد راح اجرب

ومشكووووره وااايد

عطورات شرقيه

ضحكتيني
في هالزمن كلشي جايز
بس انا لازم انشاء الله اكتشف السر منهم

السلام عليكم أخواتي:27:

كانت عندي نفس المشكلة ولكن أنحلت ، بعد المعاناة من المشكلة قصدت أحدى قريباتي تعمل في صالون وخبرتها أنني سأضع المكياج أمامها وتركتها ترى أخطائي دون أن أتكلم، أنال لا أتقن وضع المكياج جيداً ولكني أضعه بطريقة مقبولة ولكن لماذا يكون لونه باهت ومع أنه من نفس الماركات التي تستخدمها قريبتي وأكتشفت ، أنني أضع المكياج وأنا أدقق في المرآة فتكون كمية اللون كافية لأنني أدقق بها عندما أنتهيت من وضع المكياج أخبرتني قريبتي أنني لم أضع الكمية الكافية ، حيث أن في وضع الشدو خصوصاً يجب أن نضع كمية كافية من اللون وكأننا نرسم على ورقة في البداية سنرى أنفسنا تلفزيون ملون ولاكن في التصوير سيكون جيد وواضح.:42::42:

إذا كانت مشكلتكم مثلي بتنحل إنشاءالله بس لو كانت من شيء ثاني إنشاء الله تلاقون الحل. وجربو ماركة سمر كيك نفسها اللي غالباً ستخدمونها في الصالونات لان لونها قوي وفيها ألوان صج روعة.:27:

مشكوره اختي عطر الخلود
الفرق اللي بيني وبينج اني الحمدلله احط مكياجي مثلهم وبدقه واكني تليفزيون ملون (مثل ماقلتي )
ولكن بعد التصوير ماتنحل مشكلتي
ليش
مادري ؟؟؟؟؟؟


ياليتني اعرف

نصفي الثاني

قوة يا الغالية ...
تدرين هذي مشكلة عالمية ......بس الحمد لله عرفت السر ...بس بعد ملل ....
السر مثل ما قالت الاخت عطر الخلود .... المشكلة مو في الماركة ولا في طريقة الوضع ....

المشكلة في كثافة اللون ...
انا كنت اتعجب احط الشدو حلووووووووو و الكحل سواده فاحم .... والاساس بعد مرتب ... بس تعالي شوفي الصور ..........يييييييييييع:11:
الوجه تقريبا مبقع ... والشدو مختفية الوانه و الكحل مسكين .....

:06:
مع اني مثل ما تقولين استخدم نفس الماركات ...الا احيانا تكون ماركات الصالونات من بو عشرة ...واحنا شانيل وديور ووووو:confused: ....
عاد انا من ناحية الاساس ذكرت ان اللي في الصالون اذا جات تحط الاساس تخلص العلبة على وجهي ....وتحط طبقة كثيييييييييييييفة ....وصحيح حليت المشكلة من هالناحية وصار الاساس مرتب وحلو ومخملي ...بعد ما صرت ادقق كثيييييير اثناء وضعه ....
بس بقيت مشكلة الشدو ......عاد في صباحية اختي فهمت السالفة ...لاني وقفت لى راس اللي كانت تحط الاختي:o ...
كانت تحط من قلب ...تحط وتحط وتحط وتحط من الشدو طبقات ..يعني تخلص الشدو في العين ....وانا اطالع كنت اقول في نفسي وليش كل هالكمية ...خلاص ضبطت العين والرسمة حلوووووووة ليش كل الاصرار على الشدو حتى بدأ لون الشدو ما يتغير ... قلت لاختي تحسين جفنك ثقيل صح ؟؟ قالت احس علبة شدو فوق جفني:07:....
وبعدين في الصور تعالي شوفيها رووووووووووووووووعة ولا ناقص اي شي .... مع ان الماركات اللي كانت تستخدمها عااااااااااااادية يعني ماركاتي احسن الف مرة ...

بس انا وانتي والحبيبات ...اذا حطينا اللون وطلع حلو خلاص ...نشيل الفرشاة من على جفونا ونرجعها مكانها باعتبار ان احنا خلصنا:( .........وهذي مشكلتنا ......
ومع اني عرفت السر والحمد لله بدأت الصور تطلع مضبووووووووووطة بس ايضا اكثر الاحيان خاصة اذا ماكان في الجو تصوير ...احط لي على الطاير وبدون اي كثافة ..... << لان ما في كيمرا تطلع البلاوي :D



الله يوفقك
جربي هالطريقة وانشاء الله تضبط معاك

اتفعل الخاص
ومستنية رسالتك
سلام