امك ذبحها النوم وماتدري عنك

السلام عليكم
بنتي بصف ثالث مستواها متدني بالدراسه والاطفال قدرات دايم زوجي يلومني انتي ماتعطينها من وقتك انتي خلك بدال الساعتين اربع ساعات لا تقارنينها بخواتها اما غيرها ٢ الله يصلحهن مستواهن ممتاز
لكن بنتي هذي غير مو هذا موضوعي رغم انها مضيقه خلقي وابوها اعند منها انا بالرياضيات مااعرف اوصل المعلومه ماتفعم مني مافيني فن التدريس زي البعض ماشاءالله عليهم واقول الابوها اعرف مدرسة تأسيس خصوصيه للرياضيات و الاملاء يقولي انتي وش شغلتك انا عندي طفلين غيرها والبنت صعبه ومقدر عليها وعنيده وماتجي الا بطلعه ولا هديه فلست من وراها الله يصلحها
وهو عناد ماني جايبلها معلمه رغم عنده القدره المادية لكن تفكيره انه انتي وش شغلتك ليش اريحك
انا ماعندي مشكله ادرسها لكن ماتستجيب ماتعرف ماتركز عجزت تعبت اللي حصل
اليوم بنتي تقولي المعلمه تسمعلي قرأن ولخبطت قالت حافظه قلت شوي بس
عاد تمتم بينها وبين نفسها وتقول مو منك من امك ماغير نوم مادرت عنك
وتجي بنتي تعلمتي
قسم بالله اشتبت كبدي قبل امهاتنا اميه لايقرون ولا يكتبون وما اسسنا الا المعلمات دوركم تأسسون وتعلمون مو تعطون الدرس وتطقطقون بالجوال وثم تنقدون علينا انه ننام ودي افضحها رفعت ضغطي
وقسم بالله لو بنتي توصل الكلام الابوها عاد هذاك من الله شايش ويدور الزله علي ان يمسكها علي ويقول حتى المعلمه تشوف انك مقصره تعرفون الرجال عاد
كيف تتجرء تتكلم عند بنتي كذا
نلقاها من زوج مايقدر ولا يساعد ولا من معلمه
أقطع نفسي
بنتي متعبه هذي قدرتها انا وش بيدي اسوي تعبت
وتشوفني بنتي زعلت قالت اخاف تعلمين المعلمه وتزعل مني تكفين لا اقولين لها شي