كيفكم بنات..
انا امس سجلت معكم مع اني صار لي سنين ادخل المنتدى بس مادريت ان باب التسجيل مفتوح الا امس قلت اجرب حظي..<<سامعه اشاعه انه مقفل باب التسجيل هنا
عموما لحسن حظي اني انتسبت لكم..
لاني مرات كثيرة احس ودي ارد او شي لكني كنت مجرد زائرة..
المهم حيا الله كل وحدة دخلت موضوعي..اسفرت وانورت..
جايبة قهوتي معي عشان تحبوني ههههه
بصراحة يابنات ابيكم في خدمة..
انا وحدة كسولة وودي اصير رشيقة..
بس مشكلتي احب الأكل واحترمه جدا..
الشي الاول ياعزيزاتي ابي زي اللي بتواقيعكم اللي فيه الوزن السابق والوزن المطلوب وبعدين يتحرك..
يعني يعلمك كم نقصتي ابي زيه..
لاني حاولت وماعرفت..
علموني كيف اسويه..
والشي الثاني انا اول كان وزني بالخمسينات مايوصل 55 بس الفترة الاخيرة وصل لحد 60 ووقف..
صرت احاول اني اخفف اكل واسوي رجيم وكذا ولكن هو هو مايتغير..
لدرجة اني مرة تحطمت وكرهت شي اسمه رجيم ورجعت اكل زي او واكثر يمكن..<<من الحرة
لكن خلال فترة شهرين يمكن زدت تقريبا 4 كيلووووووو وخايفة ازوود اكثر..
والان احاول اني اكل بدل الغداء زبادي وتمر او سلطة وشوربة..
لكن مشكلتي بالعشاء اتعشى وجبات سريعة..
وحتى بين الوجبات خففت الاكل عن اول..
لكن وزني ماينقص..
والرياضة مااسوي رياضة غير المشي ولكن جاء الصيف وصرت اكسل امشي بالحر..
وسمعت عن رجيم الحليب اللي في يوم ينقص 2 كيلو كنت ابي اسويه لكن الان مشكلتي اخذ ادوية..
وصعب اسوي رجيمات قوية معها..
بس قريت اليوم عن رجيم اللي ثلاث ايام سوائل ويوم اكل..
وعجبني ودخل راسي مررررة..
وايضا قريت عن خل التفاح لشد البطن وغيره..
ومدري محتارة وش اسوووي..
وش تقترحوون علي..
بالذات اننا احتمال نسافر خلال اسبوعين او ثلاثة وابي انحف قبلها..
الله لايهينكم نتساااعد..
لاني زي ماقلت جديدة وعجزت اعرف وش القصة..بالذات المسابقات ومدري ايش ودي اشارك لكن ماعرف..
بانتظار ردودكم لاااهنتووا الله يجزاكم كل خير..
واسفه على الاطالة..اسسسسسسسسفه..
تحيتي..
