عالم حواء كان المنتدى المفضل لي ، لكن في الفتره الاخيره وتقريبا من سنتين
تغير وضع المنتدى ونزل للاسف للحضيـض ،،
سوري ممكن كلامي مايعجبكم بس انا كتبته لمصلحه المنتدى
قسم الحياه الاسريه :
صار قسم لمشاكل من نسج الخيال ،،
ملفات تنفتح بس للارانب والهياط

قسم ملتقى الفتيات :
اقترح يتغير اسمه لقسم نبي نعرس
كذا مره اكون طفشانه واقول ابغى اوسع صدري واشوف البنات وسواليفهم الفله
دخلت وانصدمت ، كل المواضيع زواج وخطبه ومتى اتزوج ويابنات مين حلمت حلم وتزوجت بعده هههههه
قسم بالله ماتوقعت يوصل تفكير بناتنا كذا

المكياج والعطور :
مواضيع مغبرررره ، ومستحيل تلقين اي منتج جديد او تعرفين عنه هنا
من ١٠ سنوات والى يومك هذا وهم يكررون نفس السؤال ،
ابغى لمعه حواجب ذهبيه ؟ مااااتوا اللي يسالون هالسوال
ابي كحل مايسيل ،،،،

الازياء وتجهيز العروس :
تعالوا شوفوا لبس العيد ؟؟
لبسي احلى لبس ؟
قسم كل القسم نفس هالمواضيع
مفروض لما يقرب العيد يكون موضوع مثبت للملابس والمشتريات
وكل وحده تجي وتحط الصور
كذا يترتب القسم ويصير تمااااام التماااام

ملاحظه ،
كلمه رفع + اب + الله يعينك + ماعندي خير بس حبين ارفع موضوعك
روعه + يسلمو

كل هالردود مفروض تحذف ، لازم الرد يكون له معنى
ويفيد صاحبه الموضوع
صدقوني بيصير المنتدى خفيف وممتاز وكل الردود مفيده ،،

وسوري اذا كلامي مش معجبكم ، لكن الحقيقه ماتزعل ياعسولات

عموما حطوني مشرفه والله لاسنع لكم ركن التجميل كله بإاذن الله>>>>> برااا  

ادخل قسم الاسريه ابي ساتفيد واطلع معبى راسي بالمشاكل
وافكحاري تصير سلبيه

افتحوا قسم للمشاكل الزوجه وهذا للحيااااااااااه (تكفي معنى الحياه)نبي حياه صح استفيد منها ببيتي ولزوجي

ممكن اقامت مسابقات كيف تطورين اسرتك كيف تحتوينها


لو نكتب موضوع عن الاهتمام بالزوج جاتك الشتايم والتمسخر ذبحوكم هالرجال فكري بنفسك اي افكر بنفسي بس بعد ابي اهتم بشريك حياتي من وين اطور حياتي الزوجه برايكم ؟؟؟؟؟؟


اذا كان الزوج خلوق ولا يطق ولا يخون كيف ادلعه


وشاكرين لكم جهودكم

الف شكر للاهتمام
القسم سار كئيب يفتقر للمواضيع الهادفه
نبي شي يرفع معنوياتناااااااااا مويحبطهاااااا
وعندي اقتراح نفتح موضووع يوميات اسره
كل وحده تكتب يوم في حياتهااااااااا او اسبوع كيف نضامهااااااااا في استقبال زوجهل واطفالهااااااااا من المدرسه
كيف تنظم لهم حفلات رحلات
كيف تتعامل مع المقصر كيف تغير جو البيت الى فرح نبي افكار جديده
ودمتم وشكرااا

بارك الله فيكن...
فأن دل على شئ فانما يدل على حرصكن على ما يخدم الاسلام والمسلمات..
بعض الاقتراحات رائعه جدا.....

حره..
حياك الله وبياك....
كلامك يدل على عمق تجربتك في القسم وفي الأشراف...واهتمامك يدل على مدى تفانيك فحفظك الله ورعاك...


وبأذن الله لن يكون هناك أي تجاوز لأي اقتراح

هذا واتمنى بالفعل....التبليغ عن كل رد مسئ بمجرد رؤيته(قمع أي فتنه بسرعه) فالخير والشر موجود..والأهم ان لانغمض أعيننا عن الباطل فنسكت وعن الحق فلا نشجع!!!

مساء/صباح الخير مشرفاتنا العزيزات
ياالله كم انا منقهرة جد جد صاير الوضع نووكومنت
الحين اقراء من ردودكم نبغا رقي نبغى مواضيع هادفه بس للاسف انة في مواضيع هادفه بس الردود زيرو
وعلى الجهه المقابلة في مواضيع مشاكل وهوشات الردود بالمئات
سويت موضع قبل امس تعبت فيه شريت كتاب بخصوص كيف تدار الحياة ببراعة وكانت فكره الموضوع اني اقتبس من الكتاب الاشياء الي عجبتني وحسيت ان النساء هنا محتاجين يطلعو عليه وتعبت وانا انقل وكتبت نهايه موضوعي ابغى يكون الموضوع نقاش+اقتباسات من اي كتاب عن الحياة الزوجية كنت متحمسة ومتفائلة انة بيكون فيه صالون ادبي حلو نتحاور ونتناقش ونتبادل نضريات وكلمات من مدونات اعجبتنا بس للاسف مافي ردود 3ردود كانت جزاك الله خير والباقي انا رفعتة لين حسيت اني فشلت من نفسي وتمنيت ان الارض تنشق وتبلعني قبل اكتب موضوع واحرج نفسي

اقتراحاتي
انة المواضيع المثبتة تكون اكثر من كذا يعني يكون دور المشرفات اكبر من الناحية يعني بالاسبوع تختارون 5مواضيع هادفة متكاملة وتثبتونها الاسبوع الجاي تغيرون ويكون المواضيع المثبتة العنوانين اغمق بشوي عشان تبين
ثانيا/
يكون في نضام كروت للرود المخالفه من نضام الدعواي والتحسب وماالى ذلك عشان العضوة تكون اكثر وعي لما ترد


+عاد ياريت احد يرد علي دايم اتحمس واكتب من قلبي وماحد يعطين وجه:hahaha: