امنية حياتى حفظ القرأن لكنى فشلت فى المتابعة

كل اللى بعملة دلوقتى من ساعة رمضان هو قراءة القرأن من المصحف ختمت فى رمضان ودلوقتى فى الجزء 18 وبأبدأ من الخلف دايما بداية بالسور الصغيرة واخدت عهد على نفسى انة كل يوم أقرا جزء او حتى سورة حسب مقدرتى وشغل البيت --المهم كل يوم أقرا من المصحف وبعد ما اخلص الختم المرة دى حبدأ أقرا من المصحف مع موقع على النت اخدتة من المنتدى ( جدول تحفيظ القرأن ) علشان تكون قراءتى صحيحة وبالتدريج يمكن تكون البداية لمتابعة الحفظ بعون الله --وانا صايمة انهاردة اخر يوم بالستة البيض--وباذن الله اصوم اثنين وخميس للاسف ما كنتش بصومهم وزوجى ولله الحمد بيصوم حتى ايام العذر الشرعى اللى فطرتهم فى رمضان 8ايام صامهم معايا والستة البيض ربنا يباركلة وياخد ثوابهم الجنة ان شاء الله علشان ما احسش انى صايمة لوحدى بعد رمضان والثواب طبعا الاول
كل معاناتنا فى متابعة الحفظ مش سببها الشيطان فقط المهم يكون الحفظ من البداية من الصغر
كل اللى حفظناة اثناء تعليمنا ما يكملش كام جزء ونسينا اغلبة
يا ريت يعمم حفظ القرأن فى كل المدارس بكل الدول العربية والاسلامية ويبقى مادة اساسية قد اية حيكون سهل الحفظ ساعدونى وعلمونى وجزاكم الله خير عنى وعن غيرى