امنيتي التافهه صارت مستحيييله ومافي شي مستحيل عن الله ... تعالو

السلام عليكم ورحمة الله وبركاته



كيفكم يا حلوين ان شاء الله بخير




دايم ادخل القسم هذا واقرأ مواضيعكم ومشاكلكم و اقرأ امنياتكم وكل شي تكتبونه




كثير منكم يتوقع ان الي تصور في الانستقرام و السناب وتعتبر من المشاهير انها انسانه عايشه ومبسوطه

وكثير منكم يشوف الي تطلع دايم وتروح وتجي مولات ومطاعم وسفريات انها مرتاحه نفسيا وماديا

ترى كل هذه اوهام

والله اوهام

يعني مثلا لو انا صورت قهوتي والحلى والجلسه الي جالسته مع اهلي او زوجي او صديقاتي اني مبسوطه ومرتاحه وفالتها ووووالخ

او تشوفو تصويري في المطعم و البحر والمولات اني مرتاحه

بالعكس انا وانتو وكلنا محد خالي من المنغصات في حياته ومحد كامل الا الله سبحانه وتعالى ومحد خالي من الامراض و الهموم والمصايب و الحزن ومحد سعيييييد ومبسوووووط طول حياته







بقولكم امنيتي التافهه جداااا تافهه بس كانت هذه الامنيه كبيره في نظري




زوجي انسان طيب الحمدلله وخلوق ومحافظ ومن عائله محافظه جدا يعني عندهم مايصير البنت او الزوجه او الاخت تطلع لحالها مطعم او سوق لازم يكون معها ابوها او اخوها او زوجها ولا مستحيل تطلع لحالها مهما وش صار

وانا اهلي غير عادي اطلع مع صديقاتي نتسوق او نفطر او نتعشا بمطعم او اروح اتقضى من السوق لحالي

المهم حاولت في بداية زواجي اني اطلع مع صديقاتي مطعم وكان يرفض حاولت اروح معهم للمول وكان يرفض يقول تطلعين معي او مع امك او اخوك يعني احد كبير معي بالعربي

وكانت كل امنيتي اني اطلع مع صديقاتي لحالي بدون تدخلات احد وهذا كان حلمي التافهه




الحين اطلع كل مكان بروحي انا وبناتي مطاعم مولات بحر تماشي كل مكان بدون زوجي وزوجي صار مايرفض ابدااااا

لان زوجي جاته اصابه وقدر الله انه يكون عاجز عن المشي ولا يتحرك الا على كرسي الله المستعان

الحين حلمي تبدل اتمننننى من كل قلبي اني اطلع مع زوجي زي زمان اروح معاه اسواق واروح مطاعم و اسافر زي زمان لاكن هالشي مستحيل بنظري وصار امنيه




يعني امنيتي تبدلت من تافهه الى شي مستحيل




عشان كذا لا تحكمون على الناس بمظاهرهم بلبسهم او طلعاتهم او صورهم وسناباتهم وتتعبون نفسيا و تحسون ان غيركم احسن منكم وانتو اقل منهم وانتو محرومين ووووووالخ




ترى كل البرامج هذه اوهاااااام والله العظيم




كتبت لكم هالموضوع لاني بسمع و بشوف وبقرأ كلام الناس وهم يشتكون دايم انهم اقل من غيرهم وان فلانه راحت وسافرت واكلت وشربت واشترت وووو وهي اقل منها وتتعب نفسيتها وتتهاوش مع زوجها بسبب هالامور

حبيبت اوضح للاخوات الي دايم يشتكون ويتشكون انهم اقل من غيرهم وناسيين انهم في نعمه او بالاصح نعم كثيره غافلين عنها و خلو تفكيرهم محدود بالسناب شات و الانستقرام ومراقبه الناس و المقارانات الكذابه








وبس :)




والحين اتمنى منكم الدعاء بشفاء زوجي و الستر و الغنى والذريه الصالحه