امنيتي وماتحققت

حبيبتي انا عندي طريقه بهار انت تسوينها اذا تبغى ارسلك هي
انا اخذتها من ام زوجي الله يحفظها وسويتها مررره وقسمت على جيراني وخبلو عليها
يالا خبريني اذا تبغى طريقتها

أم نونا الله يخليك
أنا أبي هالطريقة لأن ماعندي بهارات
ماأستخدم إلا الكمون والفلفل الأسود
وقلت لأهلي يرسلون لي بهارات من السعوديه
بس الشركة تقول بهارات مانرسل :icon33: :icon33:

الطماطه ابشري ياقلبي اكتبلك هي
لكن اذا اهلك بيرسلون شي لايقولون مواد غذائيه يقولون اي شي
تعرفي لما جينا بنرسل اغراضنا هنا قالولنا فيه رز قام اخو زوجي قال ايه قامو شالو رز ابوكاس كنت انا حاطته فوق والرز المصري تحت وماانتبهو عليه

نص كيلو فلفل اسود
1 كيلو كمون
1 كيلو كزبره
نص حفنه قرنفل
1 حفنه قرفه بس تكون القرفه قطعع صغيره
حفنه ونص شيبه تحطيها بالفرن تتحمس شويه بس وتنطحن لوحدها
حفنه هيل
حفنتين ورد ناشف ياريت يكون عندك واذا لا عاد مضطرين نبطل منه
بس صراحه يطلع طعم رهيب
7 حبات ليمون اسود مطحون او مجروش وراح ينطحن مع الباقي
الحفنه هي قبضه اليد (يد وحده)
خلاص اطحنيهم مع بعض على دفعات وقلبيهم مزبوط وقسميهم باكياس وبالفريزر
طبا تقدري تقسمي المقادير لانها كثيره
وان شاء الله تكون المقادير عندك

مشكوره يام نونا بس فيه اسئله
وش الشيبه وكم اخليها بالفرن
الورد الناشف وين الاقيه
والليمون الاسود بنواته ولا اطلعه من جواه
واذا ابي نص المقادير كيف اسوي والحفنه مافيه غيرها عشان الايدي تختلف من يد لاخرى
ومافيه قرايب لك بالرياض يسوونها لي واشتريها منهم
<<<<<<<<<<<مصختها خذاني صح
عموما ياقلبي مشكوره الف مره
اللهم ياربي ياذا الجلال والاكرام ارزق ام نونا رزقا من حيث لاتحتسب وارزقها الجنه مع من تحب وارزقها بر اولادها وسخر زوجها والبسها لباس العافيه واسترعيوبها ولا تشمت فيها عدو وانصرها على من عاداها انك على كل شيء قدير وانشر حبها بين المسلمين ولا تجعل لها هما ولا كربا الا جعلت له مخرجا
واجمعنا بها وبمن تحب في الجنه وصلي اللهم وسلم على محمد عليه افضل الصلاة والتسليم"