امنيه حياتي وحلمي الامومه .... ولكن

السلام عليكم بنات
كل عام و انتم بخير والله يتقبل منا و منكم يارب


موضوعي و باختصار .... عمري قارب ال30 .... واحاول اشغل نفسي بحياتي وما افكر فالموضوع ولكن شوقي للامومه مدمر حياتي
المشكله انا حتى مو متزوجه ولا حتى مخطوبه !!! لكن شوقي للامومه مو طبيعي .... من طفولتي اذكر احب العب بالعرايس و اتخيل انهم اولادي و انومهم جنبي .... وبعد ما كبرت كنت احب اتسوق لبيبي بس ارجع الاغراض بعدين (من غير ما احد يدري اهرب ) ولليوم ما اقدر امر قسم ملابس مواليد وما اوقف اتفرج .... افرح كثير اذا صديقاتي حملو ... يكون عندي سبب اتسوق فالقسم احب ملابسهم ... عندي صديقه حامل وكل ما اروح محلات عندي عذر اروح قسم المواليد ودي اشتري كل شي
انا متشوقه للامومه بشكل غير طبيعي لدرجه لما ادعي دايما ابكي ... احب العب مع اطفال الاقارب ولكن مو نفس الشي
انا ودي يكون عندي طفل مني انيمه علي و اصحى اغير له واحممه و اهتم فيه و اربيه مثل ما اتمنى ... تصدقون صديقاتي الامهات احيانا يستشيروني بامور اولادهم لاني اقرا فالتربيه و الاهتمام كثير
بس ما احب ابين لهم انا اقرا في هالمواضيع ما احب احد يحزن علي ... ابين لهم قريت فالجريده بالصدفه او سمعت فالتلفيزون او صديقه ام سمعتها تقول هالكلام
انا احاول اتقبل وضعي واحاول اتقبل لو الله ماكاتب لي اتزوج واصير ام حتى ما اعلق احلامي وانصدم بعدين .... اتمنى لو بايدي اتخلص من هالمشاعر اتمنى اقدر انسى الموضوع