امهات ارجوكم ساعدوني انا منهاره

السلام عليكم
انا مطلقة من حوالي ١٣ سنه وعندي ولد بهالعمر تطلقت من ابوه وانا حامل فيه وابوه مايعرفه ولا يشوفه الا بالشهر مره كم ساعه ويرجعه ومرات تمر اربع شهور وخمس وست مايدري عنه ياما حاولت اتواصل معه علشان ولده بدون فايده كل ماجيه من رقم يعطيني بلوك حسبي الله عليه يتهرب بشكل ماتتصورونه المهم الولد متربي عندي في بيت امي جعلها بالجنه وامي كانت مربيته معي وتوفت العام الله يغفرلها ويرحمها اهلي عائلة محافظه وعندي اخوي الكبير يسكن بالدور العلوي ملتزم ويخاف الله ..
المهم ولدي الحين بأول متوسط يدرس واحياناً يختلط مع عيال اخواتي واحد عمره ١٧ سنه وواحد عمره ١٤ سنه لكن اللي عمره ١٧ عليه سب وكلام ماينقال وقذف ودايم في صراع مع ولدي لكن الاحظ ولدي يسكت مايعلمني واذا عرفت اهاوشه واصرخ عليه واقول ليش تسكت ومن هالكلام المهم من كم يوم فتشت جوال ولدي لقيت هوايل بالواتس اب قروبات وشله واخوياه بالصف يتكلمون كلام قوي ومقاطع +١٨ وواحد من العيال قايل لولدي كلام مررره قوي واللي فهمته انه متحرش بولدي او فاعل فيه انا من شفت هالكلام صكت فيني الدنيا والله العظيم رحت كلمت مدير المدرسه وعلمته لكن ماشفته حريص على الموضوع اللي سواه استدعى الطلاب وقال مين مسوي قروب واتس ومن هالكلام ومشاهم على اني قايله له احرص على هالموضوع واستدعي اولياء امورهم لكن ما اهتم لهالموضوع وانا قلبي محرووووق على ولدي يشهد ربي صرت انظر له بنظره استحقار واعاير فيه اقول مسلم نفسك للناس يسوون فيك وكلمني وعلمني وهو ينكر ويحلف لكن واضح انه مرتبك واحسه حب هالشي لاحول ولاقوة الابالله مااعرف وش اتصرف ووش اسوي رحت كلمت اخوي وعلمته اخوي بس مسك ولدي وهاوشه وولدي انكر هالشيء واخوي سكت عن الموضوع وانا قلبي شاااب نار مدري شلون اتصرف ياناس والله العظيم مغبونه بموت قهر تخيلوا من عرفت عن هالموضوع بس ابكي ونفسيتي تعبانه ومن ساعه ولدي يلعب مع ولد اخوي اصغر منه بسنه تقريباً واسمع ولد اخوي يقول دخل دخل وهم بالصاله وانط واركض اروح لهم وولدي صار يصارخ يقول ياشرطي ياشرطي شكله خاف او ارتبك لمن انا جيت تعبت من هالافكار وتعبت من كل شي والله العظيم افكر اودي ولدي لدار الملاحظه او الاحداث قلت الحين لعبو فيه ومحد تكلم ومحد وقفهم عند حدهم وانا امرأه مابيدي حيله حسبي الله ونعم الوكيل الله يستر بكره يطيحونه بشراب او دخان لاقدر الله وابوه الله ينتقم منه ملتهي بنفسه ولا يدري عن ولده الله لايوفقه مرررره نفسيتي تعبانه وشايله هم تكفون ارشدوني انا بالرياض عطوني حلول ارجوكم ويا مشرفين امانه امانه نزلوا موضوعي وحسوووا فيني كأم خايفة على ولدها من الضياع لاحول ولاقوة الابالله وحسبي الله ونعم الوكيل ..
صدمني امس صدمممة عمري مسكته بالغرفه وسحبت الكلام منه واعترف ان ولد اختي اللي عمره ١٧ سنه مغتصبه من فتره وسااااكت ياناس ماقال شيء والله العظيم امس جلست ابكي بهستريا واركض بالبيت مثل المجنونه واكلم اخوي اقول تعال اسمع تعال وقف معي بمصيبتي حسبي الله وكفى طلع الولد ملعوب فيه وكل من جاء سوا فيه لاحول ولاقوة الابالله وانا آخر من يعلم قلت لييييش ماعلمتني وقتها اتصرف قال استحيت منك انهرت يا اخوات امس اغمى علي من اللي صار وشالني اخوي وداني لفراشي معد دريت عن نفسي والحين اكتب ويديني ترتجف ماقدرت انام كل شوي افز واصحى واناظر فيه صدري مغموت ضيقة الدنيا كلها فيني وش اسوي دلوني وش اسوي ارشدوني يارب سلمتك امري يارب وحسبي الله ونعم الوكيل