امهات ازواجكم كذا ولا ام زوجي بس الحقيره؟

ام زوجي من يوم تزوجت يصادف ان انا وهي نحضر اعراس سوى
ونفس الشي العزايم نروح انا وهي مع بعض او جمعات الحريم اجباري لان ام زوجي تقربلي بالله ياليت اللي تقرا تركز هي قريبتي ولازم اغلب المناسبات نروح سوى
تخيلوا على سنين زواجي لي 5 سنوات متزوجه ومقهوره وحاسه ودي اذبحها والله عيب عليها عيييييييب
تخيلوا تتفشل مني؟ اقولكم شلون كلما جاتنا دعوة عرس او عزومه كبيره او جمعة حريم لو زوجي بالبيت ما تتصل عليه ولا يدق جواله تنتظره لين يداوم الصباح ويرجعلي من الدوام معفوس وجهه ويحقق معي وش ناويه تلبسين؟ وش راح تجهزين؟ ويكون متنرفز
لي خمس سنوات على هالحال بكل مناسبه كبيره اذا امه معزومه معي على طول اعرف ان فيه تحقيق من زوجي على مظهري عرفت انها مستعره وتخاف لا افشلها صدق انها ماتستحي هذا وانا قدام عيونها انخطبت مرتين من اهتمامي بنفسي وبكشختي عمري ما اهملت مظهري من قبل حتى لا اشوف خشتها من وانا بنت انيقه واهتم بنفسي ولا ارضى على نفسي اكون مبهذله حتى ببيتي ما احب اشوف شكلي مبهذل والله عييييب عليها عيييب
المصيبه كلما حضرت معها مناسبه القى البنات المتزوجات كشختهم حلوه وبعضهم ماتكشخ مره بس عمتها رازتها بجمبها بكل فخر اما انا على حسب اذا كانت كشختي عاديه تهرب مني واذا صرت كاشخه حدي جات رزت نفسها جمبي ولما انخطبت مره بوحده من المناسبات قدامها طااارت عيون عمتي وصارت تتلصق بي ومع ذلك كلما انعزمنا الرعب والشك مني مايفارقها
هي مو حب فيني الا حب لنفسها لاني زوجة ولدها تخاف مني لا اطيح وجهها بين الناس والله ما انسى بعد ولادتي زاااد وزني قسم اني حقدت عليها حقد ماراح انساه لها طول العمر صارت ماتحضر المناسبات عشان لا اكون محسوبه عليها زوجة ولدها ولو اضطرت تجي تجلس بعيييد عني و مكشره وكارهتني وماتبيني اقرب جمبها

لي خمس سنوات وهي ماغير تنبه ولدها يراقبني قبل كل مناسبه طيب شلون تأكدت انها خايفه مني؟ حصل قبل اني اروح اعراس لحالي وصادف اني رحت عزايم لحالي تكون عمتي مو معزومه مثلا وبهالحاله اللي اروح فيها لحالي زوجي ولااااااااايسأل عني حتى لو البس خيشه لايمكن يهتم عكس يوم تكون هي بتروح معي القى اتصالات ويتوشوشون ويجيني يسأل ويتاكد ويتفحص وهنا عرفت انها لعينه خايفه على صورتها قدام الناس ليه يعني انا شي يستعر منه ؟؟ يمين بالله اني حقدت حقد ومو من فراغ اقولكم لما زاد وزني بعد ولادتي صارت تعتذر عن حضور المناسبات واذا حضرت تجلس بعيييييد عني والله اني صرت من حركاتها اكرهها من قلبي حسبي الله ونعم الوكيل من كل انسان يحاسب الناس على مظهرها حسبي الله ونعم الوكيل حسبي الله ونعم الوكيل
تخيلوا لما ام زوجي خطبتني لولدها وش قالت لامي؟ قالت اسمعي ترانا لو نبي الزين ندل طريقه!!! تخيلوا؟ انا قلت لامي ما ابي هالخطبه قالت امي الخطبه بتتم ورجلك فوق رقبتك وزوجتني ولدها وهذه النتيجه ام زوجي مستعره ومتفشله مني ولها خمس سنوات ماتغيرت نظرتها فيني على كل اللي شافته مني
اللي ترد رد يغث ياليت تكرمنا بسكوتها