امهات اطفال التوحد او اللي تعرف احد مصااب بالتوحد تكفوون ادخلوا

السلام عليكم

بنات انا خايفه على ولدي

عمره سنه ونص والاحظ فيه عدم مبالاه

يعني اناديه مايرد علي ولا يلتفت لي

وبسم الله عليه حركي ومايحب يجلس الا اذا حطيت له طيور الجنه والا مايجلس

ولما اقوله باااي مايأشر لي بيده

ولما اسأله مثلا وين الكوره مايأشر بيده ولا يرد علي

سألت دكتوره عن النطق قالت طبيعي توه صغير الى سنتين ونص عاااادي

هو بس يقول دادا وبابا واول كان يقوم ماما بس الحين مايقولها

يحب اللعب مره لحاله ومع اخته بس الاحظ ان الاطفال مايجذبون له انتباهه

الاحظ لو غبت عن البيت يفقدني واذا جيت يجيني يركض

يحب يلعب فوق الكنبات ولاصرت عالكنب يجي وراء ظهري ويبعدني برجوله

لما اسوي له حركات بوجهي يضحك بس مايقلدها ومايقلد حركات اخته

الاحظه دايم يطلع صوت كأنه يتذمر من شي

ودايم يحرك يدينه يرفرف فيهم

وفيه اناشيد معينه لاشافها يضحك بقوه عليها

ويحب يلعب باواني المطبخ ويرميها بقوووه لما تطلع صوت مزعج

ويضرب الباب بقووه بالجدار وهذا لاكان يلعب يعني مو معصب

ولا طلعت معه برا يبيني اشيله انا بس مايرضى لابوه ياخذه

وقبل ماكان يرضى يمشي لاصرنا برا يبي اشيله بس الفتره الاخيره امسكه بيده ويمشي معي

اما في البيت يحب يركض ويلعب وينزل بالدرج ويلعب بالحوش

تكفووون طمنوني

ولدي طبيعي والا فيه شي من اعراض التوحد؟؟

للعلم وديته لطبيبة اذن وقالت معه التهاب في الاذن الوسطى ويمكن هذا الشي اللي يخليه مايلتفت لي لما اناديه