الله يكتب الاجر
****لله تكفير ذنوب
أسأل الله العظيم رب العرش الكريم أن يشفيييييييه وجميع مرضى المسلمين يااربأسأل الله العظيم رب العرش الكريم أن يشفيييييييه وجميع مرضى المسلمين ياارب
السلام عليكم
كيفكم بنات المنتدى له فتره معلق عندي ومو راضي يفتح
أخبار أطفالكم؟؟؟ بنتي هاليومين تعبانه وصدرها زايد عليها فمالها خلق مدرسين ودراسه
كيفكم بنات المنتدى له فتره معلق عندي ومو راضي يفتح
أخبار أطفالكم؟؟؟ بنتي هاليومين تعبانه وصدرها زايد عليها فمالها خلق مدرسين ودراسه
الصفحة الأخيرة
نفس الشخص يقول إنه يروح ألمانيا كل ستة شهور علشان برمجة الجهاز .. وصادف شاب ألماني مسوي زراعة قوقعة .. الشاب يسأله ... يقوله .. تعرف إن الماي له صوت؟ صديق ريلي قال له إي .. الماي له صوت! يقول الشاب .. أنا أول مرة أعرف هالشي .. ويقول إن برمجوا له الجهاز وصار يسمع صوت الماي ...
القوقعة الإلكترونية تحتاج عناية حالها حال أي جهاز إلكتروني ثاني ... ومن ناحية ثانية ... الأم لازم تتابع طفلها اللي مسوي زراعة وتشوف شنهي الأصوات اللي يسمعها وتبلغ ملاحظاتها للأخصائي ... وراح يعدل البرمجة ... أغلب الناس على بالهم إن الطفل من بعد ما يشغلون له جهاز القوقعة الإلكترونية راح يسمع الأصوات حاله حال الطفل الطبيعي!! لكن هاذي المعلومة مش صحيحة ... وأنا قريت وايد مقالات تقول إن سماع الأصوات بالقوقعة يختلف ويحتاج صبر ومراجعات ... المسألة تحتاج وقت ومتابعة ... مثل ما قال لي واحد من الاستشاريين اللي راجعناهم .. إن التأهيل بعد القوقعة ياخذ 4 سنوات، كل أسبوع 3 جلسات ... والصراحة هاذي الفترة مش قصيرة .. وقالوا لي بعد .. إن بعد الزراعة .. لازم اللي يتكلم مع بنتج يكون قريب نوعا ما ... وإذا مثلا ناديتوها من غرفة ثانية .. يمكن ما راح تسمعكم! والله المستعان ... أتمنى إني أفدتج ...
هلا أختي (ولدي كل دنيتي) ... والله أول شي سوينا لروضة الأشعة الطبقية المحورية (C.T Scan) .. وطبعا مثل ماتعرفين قالوا لنا لا تشربونها حليب أو أي شي قبل التخدير بساعة إلى ساعتين ... ويوم شافوا الملابس اللي لابستها ما كان عندهم أي إعتراض عليها من ناحية إن يكون فيها قطع حديد أو ما شابه .. وطولت في غرفة الأشعة لمدة 30 دقيقة تقريبا وما خلونا ندخل ...
لكن في أشعة الرنين المعناطيسي (MRI) كانوا وايد مشددين على موضوع الملابس .. وخلوني أفصخها كل ملابسها حتى الملابس الداخلية لأن فيها قطع حديد صغيرة من تحت ... ولبسوها لبس العمليات مالتهم ... وخدروها وخلوني أدخل غرفة الأشعة وحطيتها على قطعة صغيرة تشبه السرير وثبت راسها ... عقب خلوني أطلع ... وطولت تقريبا في غرفة الأشعة لمدة 45 إلى ساعة تقريبا ... ما أدري إذا شفتي الأجهزة نفسها أقدر أييب لج الصور علشان تتعرفين على كل وحدة منها!
والله المستعان