اختي اساور الشرق جزاك الله خير على ردك وذكر حالتك فمعانات امك معك هي شبيه بمعاناتي بولدي لكن اسال الله ان لايحرمنا الاجر وان يلهمنا الصبر ويرشدنا لما فيه خير انفسنا واولادنا
وننتظرك حتى تكملي لاننا في شوق لمعرفة كيفية تطورك وما وجهته في الحياة حتى نستفيد
وجزاك الله خير

kmds
مشكوره عزيزتي على كلامك وتشجيعك ..
انا ولدي ولدته متشنج وصار معه نفص اوكسجين هو اللي سبب له اعاقه سمعيه
عانيت كثير من ناحية علاجه كنت اذيب حبوب واخلطها مع حليبه هي منومه واستمرينا عليها ثلاث شهور
تخيلي طفلي معي وبرعايتي لكن نائم كل الوقت لايبكي اذا جاع او مرض الى يومي هذا
بعد 6اشهر تقريبا بدأ يصدر صرخات بسيطه .. تأخر في الجلوس والمشي
الحمد لله على كل حال ربي انجاه من اشياء كثيره بس كل ام تتمنى يكون طفلهاا كامل الصحه
مااعرف اتعامل معه ولا افهمه وش ابي او ممنوع
عصبي وعنيد ويجيييييييه وقت يضربني ويشد شعري عند الناس يفشلني
جلسنا 3 سنوات نراجع في المستشفى من موعد لموعد .. كنت في البدايه ماني مصدقه انه مايسمع
قلت يمكن ثقبل دم مايضحك ولايفرفش مثل الاطفال يمكن لسانه ثقيل بعد نتيجة اختبارات السمع انهرت بكيت
قلت شكله خلاص من الصم البكم ..بس الدكتور طمنا وقال فيه امل بعملية زراعة القوقعه
كنت خايفه منها حيل .. يوم قررو له العمليه بكيت وخفت ..
يوم العمليه كان اصعب يوم في حياتي .. مر شريط حياتي معه مرت علي لحظات لعبي معه وضربي له وقسوته علي
لانه مايفهمني ولا افهمه .. جلس 8 ساعات في غرفة العمليات
يوم طلع مابكى مثل غيره من الاطفال .. ولا حتى دمعة عينه يستفرغ ويتألم بس مايقدر يعبر عن المه الا بالصراخ
بعد العمليه صار عصبي مررررره جاني وقت مااقدر اهديه كانه مجنون مادري لانه يتألم ولا يقدر يبيكي
يوم تركيب الجهاز كان رهيب شوي خاصه يوم قالت لي الدكتوره هذا الجهاز حافظي عليه مثل ماتحافظين على ابنك
ياربي رحمتك هذي مسؤوليه جديده يارب تعيني عليهاااااا واكون قدها
بعد اول جلسات التخاطب عانيت الولد مايستجيب هواجيس تروح وتجي يمكن مانجحت العمليه يمكن ولدي فيه عله ثانيه
بس كل اللي اسألهم يقووولون اصبري فيه اطفال يطولون
وهذاني صابره ماتقبل الجهاز الا بطلعت الرووح بدأ يعضض فيه ويرميه
ابوه يهاوشني انتبهي اهتمي .. احس اني احيانا ابنهاار
بس اقرأ اورادي واستغفر وادعي ربي ..
ولا زالت الهواجيس توديني وتجيبني
يارب صبرني وصبر كل ام في هذا التجمع يارب ياكريم يامنان يارحييييم
لاتجعل تعبنا وجهدنا يروح هباء يارب عجل بالفرج
يارب اكتب لنا الاجر والمثوبه لتعبنا وجهدنا مع اطفالنا
اللهم امين

(هذي قصتي مع ابني البكر ومعاناتي واسفه ع الاطاله )

حبيبتي اساور الشوق انافي انتظار بقية القصة

اب

اختي kmdshا سمحي لي مادري ايش فيه الكمبيوتر المهم
اول نقطه انك تدربينه على الجلوس في المكان ويركز على اي عمل يحبه من حلال الالعاب اللي يحبها جيبي له طاوله صغيره مع الكرسي خقها وحطيها بزاوية الغرفه وقفلي عليه تماما بحيث انه مايقدر يطلع ولازم تمون الغرفه خاليه من اي موثرات يعني مافيه تلفزيون او يكون مطفئ ويمون اننتي وحدك او انتي ابوها بس اخوانه لا لانه لازمه الهدوء التام علشان يساعده على التركيز