الحمد لله اختي طفلي رحمة لي انكم حصلتوها والله اني شايله هم وادعي انكم تحصلونا لان مرة غالية واحس ان جميع الشركات قاعدة تستغل الاشخاص ذوي الاعاقة بانواعها اكبر استغلال بدل ما يراعون ويساعدون غير ما نقول الا حسبنا الله ونعم الوكيل

اختي ام اروى الله يعينك وولدك وين كنت تراجعين فيه وليش حولتيه على مدينة الملك فهد الطبية
وياختي الغالية عليك بالاستغفار والصدقة بنية شفاء ابنك وتيسر اموره وقيام الليل لها فضلها العظيم واسال الله لنا ولكم العون والتوفيق لما فيه مصلحة عيالنا لان البكاء ماراح يفيد
وياليت تقولين ايش هي مشكلة ولدك بالضبط يمكن اقدر اساعدك وراح ارجع ادور بين الردود السابقة لعلي اجد قصته واحاول ان افيدك باذن الله

هلا kmdsh اشكرك على شعورك واحساسك بي
ولدي
من الغباء مااكتشفته انه مايسمع الا لما وصل عمره سنتين ونص مادري كنت حاسه لما لاحضت اطفال اصغر منه تكلموا وكنت اقول لبعض قريباتي وكانوا يقولون لاتكبرين الموضوع بس لانه اول واحد وماعنده حوليه اطفال يتكلم معهم وماكان ينطق ولا كلمه وبعدها بفتره كنت معزومه عند جارتي وقابلتني وحده مااعرفها لكني ادعي لها بظهر الغيب كل ماتذكرتها
قالت ليش ولدك مايتكلم قلت مادري يمكن علشان ماعند احد بس انا واياه قالت لالا ولدك ماهو طبيعي لازم تعرضينه على دكتور انتي باين عليك صغيره وماعندك خبره ومن بعدها وانا اراجع فيه لكن لا فايده وديته مستشفى حكومي حنا تبعه وقالو عنده صمم شديد في كلا الاذنين ويحتاج سماعه شرينا له سماعه وعانيت من مواعيدهم الطوييله وعدم الاهتماام
والحين وديناه مدينه الملك فهد ورفضوه وقلبي يتقطع علييه

طيب يا اختي انتي يعني تبغي تاهيل له بعد لبس السماعة والا السماعة ما استجاب معاها وتبغيني زراعة قوقعة وانتي زوجك عسكري يعني تقدري تراجعي في العسكري او لا

اام اروى

ياقلبي ولدك وين كان قبل تروحين مدينة الملك فهد الطبيه باي مستشفى
روحي مسشفى الملك عبد العزيز الجامعي
انا كنت ارجع فيه من يوم عمر ولد ي2 سنه واللحين الحمد لله
سوينا زراعه قوقعه .. بعد عناء
انتي لاتفقدين الامل راجعي فيه عندهم وان شاء الله هم يسرعوون باالاجراءات علشان عمره تأخر
الله يفرج لك ..