خواتي العزيزات ايش اخباركم واخبار عيالكم احنا تونا راجعين من الرياض علشان جلسات التاهيل والحمدلله صار ابوه يدخل معاه وصار يتقبل الاخصائيه

انا قلت لها عطيني رقمه علشان ولدي بس ودي انتظر الشهر هذا واشوف وصار على ولدها الله يشفيه ويشفي اولادنا اجمعين

اختي بنت الحمايل ايش اخبارك واخبار ولدك انتي سجلتي ولدك في مركز سعد وايش صار عليه الله يشفيه

خواتي العزيزات ارجوا انه ماحد يتحسس ولا يزعل من الكلام اللي باقوله واحنا مسوين هالتجمع على انه النتدي رافض يسميه تجمع او حتى يثبته رغم اهميته
المهم خواتي احنا خواتي نبغى نستفيد من بعض وكل واحده تطرح اسئلتها وتجربتها من الناحيه اللي تفيد الاخرين وترفع معنوياتنا وتحسسنا بالامل والله مو ناقصيين كل واحده فيها احباط وهم قد الجبل والحمدلله الف مررره على ماقدر خواتي انا غبت عنكم كم يوم وقريت الردود وجاني اكتاب مع احترامي الشديد لكم وادري انه من حر مافيكم بس صدقوني انا واحده منك واعاني بس ماحب اعرض معاناتي علشان ماحبط ناس كثيير
خواتي اتمنى يكون تجمعنا تجمع للافاده وعرض التجارب اللي تفيدنا جميعا بمعنى اللي تودي ولدها او بنتها لاخصائي تخاطب تقول لنا ايش يعلمه وكيف يتعامل معاه ومامدى استفادة ولدها واستجابته وبعد كم شهراستفاد
خواتي اتمنى ماحد يزعل بس صدقوني انا ادخل بالغصب علشان اعرف تطورات عيالكم واستفيد منها والله مو ناقصه احباط خواتي فيه امور مسلم فيها واحنا مانقدر نقدر نغيرها الشكوى لله
خواتي انا من قبل قلت لكم انا مستعده اعرض لكم تجربة ولدي مع اخصائيين التخاطب بس احس بعض الامهات جزاهم الله خير مو مستعدين يطبقون رقم انه كل واحده منا ممكن تكون اخصائية تخاطب من خلال جلساتها مع الاخصائيين وغالبا الاخصائيين راح يمشون على خطه معينه فترة مو قصيره يطبق كل جسه نفس الجلسه السابقه انا تعرفت على وحده جزاه الله الف خير ماتودي عيالها الا مرره واحده في الاسبوع او الشهر بس ماشاء الله هي تشتغل عليهم بالبيت وتطبق نفس اللي تسويه الاخصائيه وفعلا انا لي اللحين ست جلسات نفس الجلسات اللهم تغيرات خفيفه جدا

مشكورره اختي بنت الجود على السؤال الحمدلله تم قبوله بمركز سعد ولله الفضل والمنه واختي انصحك تركي هالشخص عنك وفكري بتطوير ولدكترا ماورهم الا الخرابيط خاصه اللحين عطله فرصه