لى عوده ****لله لما افضا
يالله الجنه صيحتينى بس ما تعتبر بنتك ضعف شديد ولا كم مقياس سمعها بالسماعه
يالله الجنه صيحتينى بس ما تعتبر بنتك ضعف شديد ولا كم مقياس سمعها بالسماعه
لى عوده ****لله لما افضا يالله الجنه صيحتينى بس ما تعتبر بنتك ضعف شديد ولا كم مقياس سمعها بالسماعهلى عوده ****لله لما افضا يالله الجنه صيحتينى بس ما تعتبر بنتك ضعف شديد ولا كم مقياس سمعها...
بنتي قياسها بالسمّاعه 95 أظن كذا
تدرين أنا لمّا أتذكر هالمغامره وخصوصا بالليل إذا جت الهواجيس أصيح وأقول ليت وليت بسسسس "عمر ليت ماتعمّر بيت"
ونستنّى قصتك
تدرين أنا لمّا أتذكر هالمغامره وخصوصا بالليل إذا جت الهواجيس أصيح وأقول ليت وليت بسسسس "عمر ليت ماتعمّر بيت"
ونستنّى قصتك
الصفحة الأخيرة
أنا بنتي مولوده قبل وقتها "تقريبا بداية السابع" جلست في الحضانه 3 شهور وكانت طبيعيه حتى تخطيط السمع عندها كان ok
كانت تنطق كلمات خفيفه "دادا-لا-هاته-اسم اختها" وماكان مبين عليها كنّا لمانصرخ عليها سواء لعب أو لخطأ مسويته تفز وتخاف
ولما كنت أقول للدكتور تأخرت في الكلام كان يقول "البنت خديجه استنّوا عليها كمان"
لما كملت 3 سنوات وكان يوم "9-محرم-1427هـ" وكنت صايمه بعد "يوم تاسوعا" رحت بها لمركز رجال الأعمال في مستشفى الحرس وسويت لها تخطيط ABR وكان إلي مسويه واحد اسمه عبدالله (الله يذكره بالخير) وطبعاً لازم تكون سهرانه ومانامت لمدة 12 ساعه عشان تنام وقت التخطيط وسويته وطلع ضعف "متوسط مائل للشدّه" بصراحه وقتها الدنيه دارت فيني بس ماتكلّمت ولا شي بس أردد "لا إله إلا أنت سبحانك إنّي كنت من الظالمين" وأبوها أول ماركبنا السيّاره كلم دكتور بنتي وعلّمه الحكايه من إلى هو نصحنا نروح لواحد في الحبيب اسمه "أحمد العمّار" بس زوجي يعرف دكتور ثاني كلّمه وقاله تعال لي ألحين زوجي كانت عيونه تدمع ويقول لي من حرارة الشمس بس أنا كنت أضم بنتي وأحوقل
رحنا لمركز الحبيب وقرا الدكتور التخطيط وقال بنعيده بعد بكرا بس كان أسلوبه راقي ويتكلم بهدوء المهم أخذنا موعد وطلعنا وكان يأذن العشا وأنا لا فكّيت صيامي ولا شي المهم ركبنا السياره وجلست أصييييح والله يابنات بدون تفكير بس أصيح
وبعد يومين عدنا التخطيط ونفس الكلام "ضعف متوسط مائل للشدّه" ولازم نروح لمركز السمعيّات عشان نشتري سمّاعه وطبعا رحنا وشرح طويل عريض لأنواع السمّاعات واستقريّنا على وحده وقالوا تعالوا بعد كم يوم
أنا أعرف وحده بنتها كبيره عمرها "20سنه" عندها صمم تام كلّمتها (مع إنها ما تقرب لي مرّه)
أنا: السلام عليكم
هي:وعليكم السلام
أنا: أم ..... كيف الحال أخبارك
هي: هلا وسهلا أخبارك وأخبار بناتك
أنا: :icon33: :icon33: أم .... ودّي أشوفك لأن بنتي عندها ضعف سمعي وأبغى أشوفك
هي: ولا يهمّك حبيبتي عطيني 10 دقايق وأرد عليك
أنا: ماشي
سكرت السمّاعه وبدون مبالغه في أقل من 10 دقايق دقت وقالت أنا ابستنّاك السّاعه 7 في الكوفي تعالي لي (في نفس اليوم الله يجزاها خير رحت ويسخر لها زوجها وعيالها يارب ياكريم)
رحت لها وكان معها بنتها وجلسنا إلى الساعه 12 في الليل طبعا طلّعت إلي في خاطري كلّه من الصياحوهي علّمتني أشياء كثيره منها:
1- ما استنى الناس يجون يسألون "ايش فيها" لا أنا مفروض اتكلم عشان ما تكثر الأسئله والاستفسارات خلاص إنت افتحي الموضوع وسكريه
2-لا تناظرين اعاقتها بس عندها جوانب ثانيه ركزي عليها وقوّيها "مثلا بنتي تحب الألوان والرسم" وحنووونه فجبت لها عرايس تلعب فيهم كأنها أمهم تغيّر وتلبس وترضع ووو
3- ابحثي لها عن أفضل المدارس لا تقولين هالمدرسه والسلام لأ عشان لما تكبر ماتحس بالفرق بينها وبين غيرها
4- طلّعيها للناس وافتخري فيها ولا تعزلينها بالعكس "بنتك خلقها ربي كذا لازم تتقبّلينها بعيوبها ومزاياها"
5- حاولي تتكلّمين معاها كثير
6- الأطفال سبحان الله أذكياء فلا تبينين لها إنك ترحمينها أو تميزينها أكثر عن باقي أخواتها لأنها راح تعرف وياتتأثر نفسيتها أو تبي تتدلّع أكثر
7- اختها إلي أكبر منها لازم تعرف عن اعاقة اختها ويكون لها دور (اختك إذنها تعبانه شوي وماتقدر تسمع زيّنا فإحنا بنلبسها سمّاعه عشان تسمع زين بس انت لازم تنتبهين لاختك)
8- الأطفال الثانين لازم يشوفون السمّاعه ويلمسونها عشان مايخافون منها وتتعب نفسية البنت
الخطوه الأولى كانت لازم جدّتها "أم أبوها تعرف المشكله" وبحكم إنها حرمه كبيره في السن تضايقت وبكت ولا مو معقول واحنا قلنا لها "الحمد لله على كل حال من كان يتوقّع إنها بتعيش"
والخطوه الثانيه أهلي والحمدلله أمي وأبوي كانوا معاي من أول الخبر وساعدوني الله يجزاهم بالجنّه وعلّمت الباقين بالتدريج يعني ما عطيت أحد فرصه يستكشف أنا أبقّها على طول :22:
بعد فتره رحنا نركب السمّاعه طبعا وهم يلبسونها أنا :icon33: طبعا ماتقبلتها ورمتها رحنا للبيت وكانت الساعه 9 في الليل البنت رافضه تماما تلبسها تركتها على جنب ومن بكرا الصبح لبستها شوي وترميها ولمّا لبستها المره الثانيه كان تقريبا وقت أذان العصر لما أذن صارت تأشر على إذنها وتناظرني "كنّها تقول أنا أسمع شي" وقتها صحت وكلّمت أبوها في المكتب وجلسنا نصيح وبنتي الكبيره تقول "ماما افرحي اختي تسمع"
الفتره هذي كثّفت عليها ألعاب الأصوات كل شي له صوت اشتريه
طبعا كل من سألته ايش الخطوه الثانيه كان يقول أنت دربيها بس اشتركت في الجمعيه السعوديه للاعاقه "على النت" وسألتهم وقالوا لا لازم اخصّائيي تخاطب
أبوها طبعا حسّ إن دوره انتهى بمجرّد مالبسها السمّاعه وكل ماقلت له شي قال "أنا أمّها أنت دربيها" قلت طيّب أوريك وصرت أكلم بالتلفون على المراكز وطبعا الحرمه إلي ساعدتني في الأول ماقصّرت "هذا لا تروحين له روحي لهذا وشوفي كذا ووو"
استقرّ رأيي على مركز في التخصصي وعند وحده حرمه أسهل لي في التعامل طبعاً الجلسه الأولى كانت عذاااب بنتي مو متقبله الوضع وتضرب الأخصّائيه والله إنها تحلتها بإلي في يدها وأنا جالسه في ركن ولا كأني أشوف شي تعبت معاه الله يصلحها في البدايه وبما إنها كانت عنيده كنّا نروح يوم ورى يوم لين تعودت على الأخصائيه وصرت أجلس في غرفة الانتظار وبنتي من تسمع اسمها تروح للغرفه وتسكر الباب وإذا خلصت جت وقالت "بح" <--- يعني خلّصنا
جلست فتره وطبعا راكضت لها لين جبت تحويل للتخصصي وصارت مراجعات التخطيط والقياس وتعديل السمع فيها
والحمد لله أمورنا ماشيه ومازلنا نبحث عن مدرسه رائعه تضم بنتي لها بصراحه أنا التعليم عندي مهم
تكلمت واجد بس ابختصرها بــــ:
1- مصلحة طفلك اهم شي عندك اسمعي الكلام إلي تحسينه لمصلحته والباقي طنشيييه
2- الأم دائما أحن من الأبو لا تنتظرين منه يسوي شي إنت ابحثي واسألي بعدين علميه لا تستنين منه شي يكفيه الشغل وقرفه
3-وقت درس الأخصائيه خليك حازمه ولا تلينين أبد
4- بسم الله عليهم أذكياء انتبهي لهالنقطه وكوني معهم حازمه في وقت ولينه في وقت ثاني "بنتي ماتخاف إلا مني فمعلمتها وأبوها يهددونها فيني وتتعدل"
5 من ناحية التربيه عامليه كطفل طبيعي من ناحية العقاب والثواب (أنا استخدم "تايم آوت" ركن الأدب)
هذا إلي أتذكره ألحين طولت عليكم اختصرت لكم حكاية سنتين في هالسطور يمكن أكون أغفلت جوانب بس إلي حابه تستفسر أنا حاضره وانتظر قصصكم