بنت الحمايل :

خواتي تحياتي لكم جميعا والله اني مو فاضييه احك راسي ولا امشطه من الضغط ولدي اللحين عنده مواعييد كل خميس في الرياض في مركز الدكتور خالد طيبه ونروح يوم الاربعاء علشان الوعد الخميس علشان جلسات تخاطب وبعد عناء حصلنا دكتور تخاطب يعطيه جلسات تخاطب يوميا ماعدا يومي الاربعاء والخميس حتى الجمعه يجي عندنا في البيت والحمدلله احسه انه مع ارشادات الدكتور على الاقل بدا يطلعنا لما نتكلم يلبس السماعه اكثر بس لما قلنا لاخصائي التخاطب اللي في الرياض انه ياخ\ جلسات تخاطب قال لا هو محتاج تعديل سلوك اكثر من التخاطب والله واحترتنا من وين انبوق مافيه دورنا وانا احسه عادي مادري خواتي انتو ا هم ركزوا على تعديل السلوك قبل التخاطب اختي نجزد نرحب فيك في التجمع وشكرا على المعلومات وفعلا انتي لازم تلقبين عميدة التجمع اختي بغيت اسالك مركز الشعلان اللي في الرياض عندهم اخصائي نفسي عشان يساعدنا في تعديل السلوك افيديني الله يرضي عليك والله خواتي انه ولدي يكسر خاطري ويقطع قلبي بس الحمد لله الله يشفي عيالنا جميعا

خواتي تحياتي لكم جميعا والله اني مو فاضييه احك راسي ولا امشطه من الضغط ولدي اللحين عنده مواعييد...

يالله الجنه :

تسلمون خواتي والله ياعمري عليها على حالها وبكرا الصباح أبوديها للمستشفى ما دخل اثمها ولا شي من يوم الجمعه لا تستهينين بالمويه تراها تضعف السمع بس من تتصرّف يرجع السمع وترا بعض الأطفال بسم الله عليهم يسمعون بس مزاجيين مايردّون كيف اكتشفت بنتي: كانت إذا قوّمت اختها للمدرسه ماتحس فينا إلا إذا ولّعنا اللمبات وغيره لأ وإذا بغت شي تصرخ وتصيح وإلا تضرب راسها في الرخام والتأشير إذا كان الشي قدّامها وكنت إذا جلّستها على رجليني وقعدنا نغنّي أغاني أطفال تبتسم بس ماتسوي شي يعني تحسينها كأنها تقول "وش تهببون" الله يعينكم على المشوار ويكفيكم شر الطريق أنا مجرّبه مركز خالد طيبه بس مع اختصاصيه غير "سافرت ألحين" فلسفتهم دخليها من إذن وطلعيها من إذن ثانيه عندهم وحده لتخطيط السمع اسمها "تالا" رائعه والباقي ماحولك أحد وكلامهم إنه محتاج تعديل سلوك ماعليك منهم هذي وظيفة أخصائي التخاطب وسلوكه لا تلومينه لأنه في عالم ثاني مايسمع بس إذا ركّز على سمعه بيتعدل كثير وبعدين طالما إنه مو محتاج تخاطب ليش يخليكم تجون للرياض؟ أنا بنتي كانت عصبيه درجه أولى وإذا عصّبت تشد شعرها وتضرب راسها في الجدار أو الأرض وإلا تضرب إلّي قدّامها أحيانا كف وأحيانا شد شعر وأحيانا بإلي في يدها (مركز خالد طيبه يشهد لها ذلك) ياعمري عليها الله يشفيها كان عمرها بالضبط 3سنوات وجبت لها كرسي للأدب وكان بحزام عشان أربطها وتتأدب استفدت من كتاب "سوبر ناني" ووقتها ماكان مترجم معي قاموس وأقرا ركن الأدب أروع شي طبقته عليها وعلى اختها ولازم تتأسف بأي طريقه سواء كلمه أو ضمه أو بوسه بس أهم شي مايطلع من الكرسي وهو يصرخ لازم ساكت وهادي إن شاء الله لو يجلس ساعه كامله<--- سوتها بنتي فيني مرّه وتذكري أهم شي الحزم والقوه اصبري وبتشوفين بس لا يدخلون في بالك تعديل سلوك مافي ولدك ولاشي مافيه إلا العافيه مركز الشعلان أسمع فيه بس مارحت له وفيه مركز تواصل على شارع التحليه لغاده الطويل يمدحونه بعد نصيحه جربي مركز الأمير سلطان في البحرين يمدحونه مره وأختصاصين فيه ممتازين حتى ممكن تروحين أيام في الأسبوع مو لازم كل يوم اختي معليش بهالكلمه بس كلّنا عيالنا يكسرون خاطرناتبين أضيق صدرك زود: احمدي ربك إنه ولد مو زيي بنت الولد إذا كبر مايعيبه شي بس البنت أنت أعرف <---- شفتي لو كذا تفكيرنا كان الدنيا سوده إنت فكري إنهم نعمه من ربنا وربنا يبي يرزقنا حسنات نقول لأ؟! إلا الحمدلله على عطاياه ويارب لك الحمد والشكر لا تحسسينه إن فيه فرق بينه وبين أخوانه ترا بيتعقد تحسبينه بيفرح! بالعكس بيكره أخوانه زوجي مميزها عن خواتها مايرضى أحد يقولها كلمه بصراحه ماصارت تهتم ولاتخاف منه وإذا بغت شي عن عدها إلا لازم تسويه وإنها ماتقدر تجاري اختها فأنت سوّه ماعلي منك بس أنا بصراحه ماميزتها بالعكس أشد عليها أكثر قسم بالله بلامبالغه مايبرد قلبي غيرها "نوني هاتي كذا" بسرعه تجيبه وأبوها منهبل يقول كيف؟ لأنه حسسها إنها غير الناس

تسلمون خواتي والله ياعمري عليها على حالها وبكرا الصباح أبوديها للمستشفى ما دخل اثمها ولا شي من...