كوبونات الراقية تسجيل الدخول

$دلع مودي$
$دلع مودي$ •
اختي سوسا
دليني على مستشفى حكومي وكويس ومواعيده مافيها تأخير
الله يعين والله مررره مشتته مادري وين الاحسن؟
اكيد لو اروح مستشفى ثاني بيسوون لها تخطيط واختبارات السمع واحنا طفشششنا من كثر ماسويناها ودي ابدأ جلسات خلااااااص
طفلي رحمة لي
طفلي رحمة لي •
يالله الجنه يالله الجنه :
إذا مجرد سوائل خلف الطبله فالحمد لله الأمر سهل بيركبون لها تيوب قي الأذن يصرّف السوائل ويرجع لها سمعها بإذن الله وحده من قرايبي نفس الشي فجأه ولدها مايسمع ولما كشفوا عليه قالوا لها سوائل خلف الطبله ومن ركب التيوب إلي تصرف السوائل بسم الله عليه رجع سمعه زي أول وحسني نفسيتك واحمدي ربك واصبري لتؤجري
إذا مجرد سوائل خلف الطبله فالحمد لله الأمر سهل بيركبون لها تيوب قي الأذن يصرّف السوائل ويرجع لها...
السلام عليكم مشكورين

رجعت لكم من جديد ولقيت الموضوع في بداية الصفحة الاولى

حبيبتي ولدي بعد لقو عنده ماي وايد ورا الطبلة ولا كان كثيف بعد تقريبا مثل المخاط وسوو له تيوب بس قالو ماله شغل في السمع لانه الضعف اللي عنده عصبي مو توصيلي فلما يسوون تخطيط على الدماغ ويقولون سمعه ضعيف يعني ضعيف لانه يشوفون الاعصاب مب الاذن مثل التخطيط العادي
فارجو منش ما تحطي امل وايد على هالشغلة وتنصدمي مثلي
ارجو اني افدتش
طفلي رحمة لي
طفلي رحمة لي •
%ملاك% %ملاك% :
آمين يارب سوينا له تخطيط بعد الولاده وماعنده أي مشاكل هو عنده السمع تمام بس مشكلته في الفهم والنطق يمكن انا مشكله ولدي تختلف عن أولادكم بس حسيت ان موضوعكم مهم جدا وشاركت فيه لأن في أشياء نفس ولدي ويارب يحفظ أولادنا من كل شر
آمين يارب سوينا له تخطيط بعد الولاده وماعنده أي مشاكل هو عنده السمع تمام بس مشكلته في الفهم...
لا حبيبتي بالعكس نفس المشكلة لانهم يلبسون السماعات بس باقي مشكلة النطق و السلوك
حياش الله معانا
طفلي رحمة لي
طفلي رحمة لي •
بنات اقصد امهات من فيكم تشتغل او تدرس ؟؟؟؟
لاني حاسة مو قادرة اركز لاني ادرس في الجامعة الحين اول كورس لي
يعني لحين ما دخلنا في العميق الله يعين الكورسات الجاية
احس نفسي تعباااااااااااااااااااااااااااااااااااانه ارجع من الجامعة العصر دايخة واظل ادرسهم واثنينهم محتاجين لتدريس مكثف
يعني الولد يبي له تدريبات سمعية و لغوية والمفروض اكاديمي بعد لانه في السنة الرابعة بس صراحة هاملة هالجانب ما عندي وقت
فأركز على النطق و السمع بس ومثل الشي البنت كاسرة خاطري لانها ما شاء الله تحب تتعلم بس انا مركزة على اخوها أكثر
بس ما شاء الله عليها ذكية و شاطرة الحمدلله مو متعبتني وايد مثل اخوها
طبعا اقصد التعليم بس السلوك وااااااااااااااااااااه
احس قربت انجن منهم قولولي شسوي شلون ارتب وقتي بين دراستي ودراستهم و شغل البيت و زوجي و الخ
من وين اسرق وقت ؟؟؟


سامحوني طولت عليكم
%ملاك%
%ملاك% •
السلام عليكم ورحمة الله وبركاته
كيفكم ياأخواتي وكيف أولادكم وبناتكم ان شاء الله تحسنوا , طمنونا عنهم وعن التغييرات
انا ولدي الحين أحسه بدأ يتحسن ولله الحمد يحاول نطق بعض الحروف المتقطعه ولما يسمع أناشيد
يحاول يمشي مع اللحن او ينطق اول الانشودة اذا كانت تبدأ بحروف متقطعه وألاحظ عليه بعد انه يحاول يقوم بالمساعده
في ترتيب الاغراض او لبس شيء او وضع أي شيء في مكانه .
غدا ان شاء الله عنده ثاني موعد في عيادة التخاطب وان شاء الله يصير خير