هلا اختي ام روضه انا بنتي نفس حالة بنتك وماتستفيد شي من السماعه وقرورلها زراعة قوقعه واللي اعرفه انها افضل بكثير من السماعه بالنسبه لتعلم اللغه والكلام وياليت الأخوات اللي عندهم خبره في هالموضوع يفيدونا

مرحبا اختى ام روضه
انا بنتى تقول كلمات بس مو واضحه تماما و زرعة القوقعه هى الافضل اذ كان هناك تاهيل لذلك يجب درسه الموضوع من جميع النواحى قبل القدوم عليها
انا افكر انى اسو ى الى بنتى الصغيره زرعه قوقعه وطلبت من الدكتور تحويلها الى الرياض بس الاجراءت طويله جدا اهم اقوله لكى بحث عن التاهيل قبل الزرعه
الله المعين

هلا بنات رجعت لكم بعد غياب

الي شغلني هو ان عندي ضيوف في البيت ام زوجي واخته قاعدين عندي لين يخلصون بيتهم عاملين له صيانه وتجديد وما اتصورون اشقد انشغل لان يوميا البيت فيه اهل زوجي يجون علشان امهم والحمدلله تجمع الاطفال جاء في مصلحة بنتي صارت اشوي اشوي تصدر اصوات مثلهم بس الكلام لين الحين نفس الكلمات

وعلى فكره ابدوا مع اطفالكم في البدايه باصدار اصوات الحيوانات مع الصور

اول شي الصوت تدريجيا وبعدين سبحان الله من نفسهم راح يتطورون وبيحاولون يتكلمون وهذه طريقة اخصائي التخاطب اللي يدرس بنتي والحمدلله مرات تتجاوب ومرات اتطنش على حسب المزاج بس انتوا حاولوا معاهم يوميا

اخواتي انا في شي امتعبني واماثر علي (زوجي صار يفكر في بنتي كثير ويوسوس ويقول ليش هي ما تتتكلم نفس الباقي ونفسيته تعبانه واماثره علي ) الله يعيني

واخيرا اهلا بالاخوات الجدد معانا ( ام روضه ترا انا من قطر بعد وترا عندنا قسم تخاطب رائع في رميله الحمدلله مليون مره)

خواتي شرايكم في مدينة الملك فهد الطبيه بالرياض اعالج بنتي عندهم
الحين هي تأهيل ماقبل الزراعه.
"مافي احد منكم مسوي زراعة قوقعه حق ولده ياليت تشاركونا"

soosa2005:

تسلمين إختي سوسا 2005، والله فرحت بردج والله يشفي عيالنا إن شاء الله. ولدج الثاني كم عمره؟ وإيش كثر هي نسبة ضعف السمع عنده؟ وهل في الوقت الحالي يراجع ويحضر جلسات تخاطب؟ وشنهي نوع السماعات اللي يستخدمونه أولادج الأثنين؟ الله يخليهم لج ويحفظهم إختي.

نوره القموره:

هلا إختي نورة .. الله يخلي لج بنتج ويشفيها إن شاء الله ... بغيت أسإلج عن عمر بنتج؟ ونسبة ضعف السمع عندها؟ وشنهي السماعات اللي تستخدمها؟ وهل مدخلتها في برنامج تأهيل (جلسات نطق وتخاطب) في هالفترة قبل العملية؟ أنا بنتي كلش ما تخلي السماعات في أذونها ... على طول تشيلهم ومصيرهم في الحلج (الفم)!! خخ ... الله يهديهم ويشفيهم ... في ناس نعرفهم مسوين لبنتهم زراعة قوقعة يوم عمرها سنة ونص وألحين البنت عمرها 3 سنين. أبوها يقول إنها تنطق كلمات بسيطة لكن مش واضحة ... وصعب تسمع حروف الهمس (س، ش، ص). ولبس الجهاز الخارجي وايد أحسن من السماعات وما تنزعج منه .. ويقول إنها أول ما تصحى من النوم تطلب من أمها تلبسها الجهاز ... ما شاء الله عليها ... ويقول إن بنته تقوله شنهي الأصوات اللي تسمعها عدل وشنهي الأصوات اللي صعب عليها تسمعها ... يعني ... الموضوع محتاج طولة بال وملاحظة ومتابعة. الله المستعان ... إذا بغيتي أية مساعدة أنا حاضرة ... وناوية في الأيام الجاية أزور والدة الطفلة اللي قلت لج عنها وباستفسر منها عن تفاصيل أدق ...

رموز الكيمياء:

الله يعينج إختي ويشفي لج بناتج إن شاء الله .. زراعة القوقعة الإلكترونية هي الحل الأفضل إذا كان الطفل ما يستفيد من السماعات ونسبة الضعف عنده فوق الـ 70 ديسيبل. وطبعا مثل ما تفضلتي، في اعتبارات أخرى وأهمها برنامج التأهيل بعد العملية .. إللي عليها يعتمد نجاح العملية. رحنا أنا وأبو روضة للرياض للاستشارة حول العملية عند الدكتور/ عبد الرحمن حجر إذا سمعتي عنه، في عيادة سليمان الحبيب. وصى الدكتور بالعملية بالنسبة لحالة بنتي وشدد على أهمية التأهيل. الله يعينج وييسر لج أختي.

موزه24:

هلا والله بأهل قطر ... الله يشفي لج بنتج ويعينكم على المواعيد .. سبحان الله، كلنا نتوقع إعيال صاحيين ما فيهم أي عيب ... لكن الحمد لله على كل حال، الحمد لله إن الخلل عندهم في السمع مش في البصر أو الاستيعاب أو الحركة ... الله المستعان. أختي موزة .. أنا حاليا أتابع جلسات التخاطب في عيادة السمع والتوازن .. العيادة تابعة لمستشفى الرميلة، لكن المبنى عندهم في مكان ثاني. أخصائي التخاطب الحمد لله ممتاز .. أذكر من الردود السابقة إن بنتج تعاني من ماي خلف الطبلة أو شي جذي ... هل في هالحالة بنتج تلبس السماعات؟ أو ما تحتاج لهم؟ إذا عندج أي استفسار أنا حاضرة ... والله ييسر لكم ويحفظلكم بنتكم ...