ام لموره
اهلين فيك بينا والحمد لله مأجوره
وربي يخليها لك هيه واخوانها
...............

دلول...... حاولي انه يرضع بكميه اكبر لما توسعي له حلمة الرضاعه
انت تعطينه طبيعي ؟؟ مهم ترى انا حسافه من ربي جابه الحمد لله
قعدت كم يوم بعدين توقف الحليب
والله يابنات ماتخيلت للمسحيين عيون ينخاف منها تخيلوا لما كان ولدي عمر 4 او 5 ايام رحت علشان اسحب له حليب لنه لسا ماجبت اله
فجات ممرضه لما نزل الحليب وكان يدوب 60 ملي ناظرتني وقالت انا مستحيل يجي حليب كذا وربي يبنات خف حليب صدري بشكل عجيب الله يكفنيها بما شاء
ومن عمره شهر تركت الرضاعه الطبيعيه
...........

سبيعيه حبيبتي ..... نصيحه لا تغيري حليبهم بري نان الا لما يكملوا 6 اشهر
ان غيرته بدري وتلعوزت خليهم عليه مدام ماشيه امورهم

بشاير............ كيفك وكيف العروس
يارب يطمنا على بنت سمراء الغروب
يارب ياحي ياقيوم تطلع بالسلامه

الامل القادم

جزاك الله خير على النسخ وللعلم يا امهات ترى انا سويت طريقتي هذي

مع اولادي الكبار اللي عمرهم سنتين لانهم انولدو 3 كيلو وفي التاسع بس الثلاثي

الخدج صرت اخاف عليهم لدرجة انهم من الولاده الى الشهر الرابع ماعطيتهم

غير ( رضاعه طبيعي + رضعه او 2 صناعي + ماء تمر)

فقط لاغير ههههههههههه

ترى طريقة المهلبيه غيرتها لاني سمعت من طبيب أن الحليب الصناعي اذا انغلى على النار

يفقد جزء من فيتاميناته والله اعلم فصرت مؤخرا أسوي المهلبيه بالنشا والماء والسكر

واذا ثقلت وصارت جاهزه اقلل الرضعه بدال مااحط لهم 160 مل حليب

اخليها 60 مل أو 90 مل والباقي النشا لمطبوخ

واي استفسار من عيوني دعواتكم لي بالشفاء العاجل ياطيوبات

حبيبتي المشكله اني اخاف كل مايكبرون يتعودون عليه ويصير صعب تغييره مع ان ودي أغيره

لحليب نان1 لانه من نفس شركة بري نان تعرفين بعد اسبوع بيبدأ الدوام

طبعا راح اتركهم من الصباح لبعد الظهر وبتصير المربيه تعطيهم حليب صناعي اذا جاعو

لين ارجع :(

الله يعين ويسهل علي وعليهم









دلال

ماشاء الله صار رجال الله يحفظه ويبلغك بره

زيدي له الكميه حتى لو ماكملها بيجي يوم يشربها كلها بإذن الله

هلا قلبي سبوعه وربي احبك فالله ياشيخه
يارب تشافيها وتجعلها من عبادك المقبلين عندك
ويخليها لعيالها وتزوجين سارونه وتمللينها من النصايح بعيالها ...
خليهم على بري نان ممتاز بحيث يقدرون يرضعون مايحسون بجوع الين تجي من الدوام
بسئلك الثلاثي المرح متى اعطيتيهم فارليز وهل تقبلوه مثل اخوانهم ...
انا ولدي اعطيته من عمر 3 اشهر وصار يرضع وللله الحمد دوم وربي ادعيلك كل ما طبقت نصيحه اخذتها منك ربي يجزيك ولا انا بشر مراح اوفيك حقك فعلى الله جزائك ..

الامل القادم


هلا حبيبي انا تعبانه حدي جسووم ما ينام الا الفير واموت ابي بس انام والحين زوجي نايم بالمستشفى والظهر والعصر انا عنده يعني ما في مجال انااااااااااااام

جسوم طعمته تطعيمه الدرن والحمدلله ما صاح وايد والاسبوع الياي عندي تطعيمه الشهر ونص حق ولدي الكبير والله يعين

عطووور

ليش تعطينه اكل الحين ؟؟ توه صغير يا ربي

بعدين بكتب اسمي
هلا فيج بالملف جم وزن ولدج الحين وانتي ولدتي بأي اسبوع وليش ما خذيتي للطبيب

رقي

هههههههههههههههههههههههههههههه الله يعينج اذا سبحتيهم قوليلنا شسوويتي


نبض الشوق

حمدلله على سلامته وديري بالج عليه من البرد دفيه عدل وشوي شوي عليه بالرضاعه لان راح يكون بطيئ
والله يعينج يا رب

سمراء الغروب
يا ذا الجلال والاكرام يشفي بنتج ويردها لحضنج سالمه
يا ارحم الراحمين يشفي بنتج ويردها لحضنج سالمه


دلوله

انا ولدي بالاول كان يرجع بشكل مو طبيعي بس الحين خف شوووي واحسه بعد كبر وتبتب الحمدلله يا رب

بشووره
انا ما منعت ولدي عن احد كاهو قاعد معاي بالصاله والصاله فيها خالتي وعيال حماي وولدي الكبير ومتوكله على الله
ولما اروح ازور اهلي اخذه معاي ومرات لما انعزم مكان اوديه في بيت اهلي مع اخوه
وربج الحافظ


منى القلوب
هلا فيج يا الغاليه نورتي الملف وانا سمعت ان الخدج يكونون اطول واذكى من الطبيعين وما ادري عاد شنو المعلومه الصحيحه

الدانه النجديه
انا كنت استعمل سميلاك نيوشور وهو عجيب حق الوزن والنفخه بس ذبح ولدي امساك وغازات والطبيب غيره لي حق
نوفولاك اي تي 1 لحالات الامساك وهو مو مال خدج

الامل القادم
انا ولدي نفس الطريقه من الساعه 12 الى ثلاث او اربع الفير صياح وبجي مستمر وهو الحين ثلاث شهو وخمس ايام
ممكن يكون تسنين لووووووووووووووووووووووو


ام لموره الاموره

نورتي الملف يا الغاليه والله يخلي لج بنتج يا رب

اهلين عبقور سلامتك حبيبتي وسلامة ابو عيالك مايشوف شر
والله انا متأكده مش شاكه معه تسنين ... بس الحمد لله كل ماكبر ارتحت
الله يحفضهم بحفضه ..... كلها بتكون من الذكريات بحول الي ماتنام عينه
رقي وينك غايبه والله ما شاء الله عليك من كثر الملفات والتجمعات
لك بكل طريق صديق
عيني عليك بارده ...