اللهم رب الناس اذهب الباس عن زوج اختنا في الله عبقريه كويتيه واشفه انت الشافي لاشفاء الاشفئك شفاء لايغادر سقما

طمنينا عليه

اسأل الله العظيم الكريم أنه يمن عليه بالشفاء والعافيه وهوارحم الراحمين أختي الصدقه لا تنسينها (( داوو مرضاكم بالصدقه ))

وي عبقريه شفيه ريلج
الله يشافيه
هو ماقلتي لنا
الله يطلعه من الشر
يارب يشافيه ويعافيه ولا يحرمكم الاجر يارب

السلام عليكم 00

اعلين اخوات 00كيف حالكم 00وحال عيالكم00

معليش ما ادري عن اخباركم جميعا 0ما اقدر اقرا كل الصفحات
بس قريت الصفحات الأخيرة

وكأني قريت ان بنت اختنا سمراء تعبانة وولد نونه
الله يشفيهم جميعا ومرضى المسلمين 00ويخليهم لأهلهم يارب

والله مشتاقة لكم 00بس انشغلت مع عيالي تعبانين صغارا وكبار00مع ذا البرد الله يعين

ودخلت ذاك اليوم وكتبت رد وجات بنتي تمشي الله لايعمينا وفصلت السلك
وانقهرت ورحت انوم

الموهييييييييييييييييم00

اختي عبقرية 00اسأل الله ان يشفي زوجك شفاء لايغادر سقما 0ويخليه لكم ولا يحرمكم منه
يارب

بشاير 00 انا احسب لهم عادي من عمر ولادتهم بس الدكتور يقول احسبي لهم من ولادتهم المفروضة 00 يعني من ناحية الحركات والإستجابة يقول لاتستعجلين عليهم تقولين وش فيه ولدي ماانقلب او جلس يقول لأنه خديج راح يتأخر عن الأطفال الكاملين اللي في نفس عمره

شلوونكم بنات

للحين ريلي بالعنايه المركزه واليوم بعد انقلوو حقه دم جيس يروح وجيس يرجع والطبيب يقول ليش ان
صار معاه نزيف بالعمليه وهو محتاج الحين الدم وللحين ما يتكلم معاي وايد بس بالهمس يسولف وياي
يالله انك تشفيه وتعافيه يا رب اول مره اشوف ريلي منكسر وتعبان للدرجه هذه حتى يوم السستر تيي تقولي طلعي هذه عنايه مركزه مو جناح
ريلي يطالعني جنه يقول لا تروحين وانا اتم قاعده واليوم الطبيب يقول انتي ما تروحين البيت كل ما ادخل عنده الاقيج قلت له شنو اسوي
ما ابي اخليه بروحه اخاف عليه

ان شاء الله يطلع من العنايه المركزة وارتاح يا رب الحين ولدي الصغير ما ادري عنه موجود عند مرت ابووي
والله بس ادق عليها تلفون اسالها عنه طول الوقت بالمستشفى عند ريلي

الحمد والشكر لك يا رب على كل شي

الدانه النجديه

مشكوره يا الغاليه على الدعاء وهو لغايه الحين بالعنايه ما ادري متى ينقلونه للجناج


عاقله ولكن
ان شاء الله باجر بشوف اي هندي من الي يشتغلون بالمستشفى واعطيهم صدقه عن صحه ريلي


رقي
مشكوره على الدعاء يا حياتي
ريلي الله يسلمج نزل 50 كيلو فجأه وكل ما نروح حق المستشفى يقولون هذا قولون المهم صار ما يشتهي الاكل من كثر ما يرجع ويطلعه
وحتى الماي ما يقعد ببطنه على طول يرجعه يوم رحنا المستشفى وقلت للطبيب يبا الريال نزل 50 كيلو جسمه صار يخرع صار هزيل حيل
قام سوا اشعه مقطعيه جان يطلع في ورم فوق البنكرياس وهو يضغط على المعده ويخليها تطلع الاكل برا يعني ريلي ما كان يستفيد من الاكل خير شر
والورم هذا طالع منه جيسين صغار بعد يعني على قولتهم مفرخ :( والعمليه انهم يبطون الجياس هذه ويطلعون اللي فيها
والطبيب قال ان العمليه صعبه وانا وقعت على ورقه الهاي ريسك وتخيلي من الساعه 12 للساعه 4 بالعمليات
الله يعييييييييييييييييييييييييييييييييييييييييييين

بنت عبد العزيز

مشكوره يا الغاليه على الدعاء