مشكورين خواتي على نصايحكم بس اليوم انا رحت لدكتورة نساء وولادة وكتبت لي على حليب تكميلي علشان يكثر الحليب بصدري واسمه ليدي ميل وافكر بالحلبة اشربها كل يوم بس خايفه يقولون تخلي ريحة الجسم كريهة اش رايكم ؟ طيب احد عنده وصفات لزيادة الحليب ؟
انا اشفط باليوم 5 مرات كل مرة تقريبا نص ساعة ويالله يطلع شي وبستمر لاني متفائلة ان بنتي ترضع مني اذا طلعت

يامدام عليكي بالحلاوة الطحينيه او الحلاوة الشاميه من حلواني كليهابالعافيه من هنا وحتشرشري حليب بطريقه ماتتخيليها سوري عالملافظ اذا غير مفهومه للبعض

السلام عليكم

بنات امس رحت حق الطبيب وقالي ان ولدي الحمدلله ما في اي شي فحص الاذن والبطن وقالي كل شي سليم قلت له
ليش الصراخ هذا والبجي بهستره قالي عادي عليه
انا راح اعطيج دوا في حال استعسر عليج عطيه منه وبعدين سألته على الفيتامينات وعطاني دوا عباره
عن غرشه كبيره مكتوب عليها كالسيوم و تسع فيتامينات ما ادري اذا تعرفونه وقالي 5 مل بالرضاعه مع الحليب
بس المشكله مرات ولدي ما يكمل الحليب كله فحرام الفيتامين جذي يروح عليه
انتو شلون تعطون الفيتامين حق عيالكم ؟؟؟

دلوعه ابوها 23

مبروك على سلامه عيالج وعادي حبوبه استخدمي بامبرز نيو بورن كلنا استخدمنا ما في بامبرز للخدج
وبعدين يكبرون ويصير زين عليهم لا تستعجلين والنيوشور الحلو فيه ان ينفخ ويمتن بسرعه بس الله يعين
على المغص والامساك والغازات

طول اليوم اكل في هالسمسم بدل حلاوة الطحينية وبجرب هاليومين ازيد كمية التشفيط ويارب سهل
عبقرية الحمد لله ان الله طمنج على ولدج وعقبال بنتي

مشكوره حبيبتي عبقرية كويتيه
وواحدة من البنات قالت لي طريقة اني اسفط البامبرز من فوق واسكره عليه
وبشوف اذا ما لقيت بامبرز خدج سويت طريقتها
والله يحفظك

وايش اسم الفيتامينات اللي كتبها الدكتور حق ولدك؟؟
انا مجربة لعيالي بوليفيزول مرررره ممتازة