اخواتي الغاليات جميعا و اخص بالذكر .... الامل القادم ... ام ريما .... عطوووور

اشكركن جميعا من كل قلبي على ردودك والله يفرحكم باولادكم يارب و يعوضكم خيررررررررررر

وانتظر من البقية ردود تشرح الصدر و خبرات ونصائح

بصراحة في موضوع نفسي اسأل عنه بس حتى بيني وبين نفسي اتهرب من مجرد التفكير فيه ...اكيد راح تقولو اني انسانة قلقة و بافكر بالجانب السلبي ...لكن هاد قلق الام واعذروني عليه لانه مش بايدي
الموضوع
اكيد الخدج بيتأخرو في كل تطوراتهم ....لكن متى نعتبرهم اطفال عاديين و ما نحس بفرق بينهم مبين اللي في عمرهم ؟؟؟؟؟ يعني من واقع تجربتكم متى الخدج بتكتمل كل تطوراتهم و بيكونو متوافقين مع اقرانهم ؟
والشي اللي باخاف منه وقلقانة كتير منه اني باسمع كتير عن خدج ما بيكبرو !!!!!!! يعني مثلا عمرهم سنة و وزنهم 6 كيلو و حجمهم حجم طفل عمره 4 شهور ولا بيحبو ولا بيسننو !!!!!! الله يعافي اولادنا جميعا ويكبرو و نفرح فيهم
طيب هاد لما بيصير شو بيكون سببه و هل بيضلو هيك طول عمرهم وما الهم علاج وكيف بدنا نعرف الاعراض

اكيد حاسين من كلامي قديش انا قلقانة و خايفة ......... ارجوكم طمنوني
واحكولي عن خبراتكم

والله حاسه فيج اختي




أنا ولدت في الأسبوع 35 ... وكان وزن ولدي كيلو و600 غرام

الحين عمره 10 شهور مطلع 4 ضروس ما يحبي ولا يمشي عنجد قلقانه عليه :16:في اطفال اصغر منه بشهور ماشاء الله بداو يحبون و ابني لسى

ووزنه الحين6كيلو

شوفي ياختي انا ولدي الحين عمره سنه وثلاث اشهر ولسا مامشي لكن في عمر عشر اشهر ماكان يحبي يعني يدوب يحاول ولا كان يوقف واعطيته زيت كبد الحوت وتحسن كثير الحين ابيه يمشي بس مشكلته خواف ومن صار عمره سنه مثل الي بعمره مافي فرق كبير ..
وحده قريبتنا جابت ولدها بداية السابع والحين سنه وثمان اشهر بسم الله ماشاء الله احلى طفل شفته خفيف دمه و يمشي وطبيعي جدا .... انت طولي بالك وادعيله بالصلاح والهديه ربي يجعلهم بارين فينا انه قادر على ذلك وولي النعم سبحانه ..

السلام عليكم
اختي الاماني ما تضايقي كل الطفال بيختلفوا عن بعض حتى الخدج بيختلفوا
انا كمان ولدت في نهاية السابع وكانوا كل الناس يقولولي رح يضل ضعيف ما رح يكبر ما رح يصير منيح رح يتأخر بكل شي
بس الحمد الله وزنه منيح صار وزنه 6.5 وهو عمره 4 شهور وكنت ما بتوقع انه يناغي او يتفاعل او ينتبه للناس لانه اتأخر بس الحمد الله هلأ بيجنن صار ما بيفرق عن بنت اخو زوجي الي انولدت طبيعي بل بالعكس وزنه احسن من وزنها
انتي وكلي امرك لربنا وادعيله وسمي بالله قبل كل وجبة وان شاء الله بتشوفي صحته منيحة

اه انسيت اقولك ابن حماتي برضه مولود سباعي وهلأ رجال ما شاء الله عنه وبالعكس طبيعي جدا فما تقلقي بالمرة
كيف حالكم يا امهات بشور وعطور وانثي وكيف اطفالكم
بشور كيف حملك ان شاء الله بخير