اهلين بنات
انا بعد والله خايفة من نقص الاكسجين وفكرت انا وزوجي اذا ان شاء الله طلعت لنا بالسلامة نجهز لها غرفة ونحط بها جهاز الاكسجين ونسأل الدكتور عن افضل جهاز ونشري منقي هواء الي عند ساكو
الله يخليهم لنا ويشفيهم وان شاء الله مايحتجونه
اختيMoooon انت نفس وضعي انا جبت بنتي بنهاية السادس وكان وزنه 600والحين لها بالحضانة شهرين وزنه الحمدلله صار كيلو وعندها التهاب
انت كيف وزن بنتك الحين وش المشاكل الي عندها الله يشفيها

أهلين العنود
بنتي وزنها 900 غرام الحين ومابعد زادت لأنهم مازالوا يغذونها على الوريد.. وأنا ماأسألهم كثير عن مشاكلها. كلما اتصلت عليهم اسالهم هي تبكي وإلا نايمة إذا قالوا تبكي اسكر السماعة وأقعد أصيح!! وأنا مقدر ازورها كل يوم لأني عملية ولي اليوم 19 يوم وأنت خابرة البرد والمشاوير الطويلة ماتنفع للجرح..

طيب يالعنود تعرفين احد يستخدم جهاز اكسجين؟؟ لاني مرة قد سألت الصيدلي وقال مافيه إلا حق الربو اللي يوسع الشعب الهوائية لكن حق الاكسجين ماتلقونه إلا بالمستشفيات ماينفع استخدامه بالبيت! ولا ادري هو صادق والا ماعنده سالفة..

mooon .....العنود....مانجو حلوه ....ام عبد الرحمن ...الحلا الخالد ....ام مصطفى ....راي حر
.......................................................
كيفكم بنات وكيف عصفيركم يارب بصحه وسلامه ...ومن ناحية الاكسجين خلوا اتكالكم على الله هو الي خلقهم في ضلمات ثلاث
بلا حول منا وقوه قادر يحفظهم يقر عيونا فيهم ..وأكيد مافي مانع من العمل بلاسباب...اسئلوا الاطباء عن كل صغيره وكبيره عن كل وارده وشارده ..وطبقوا المفيد لهم ربي يسعد قلوبكم فيهم ويبرونكم ..جعل والدينا بالجنه ..

بنت الشمس البعيده ...ابشرك انا الحين تمام لشفت اعيالي يرتاح قلبي يارب لك الحمد ..الله يطمن قلبك على ولدك وطمنينا عليه ..
عاقله ولكن .............يوه وينك ياشيخه فاقدينك ربي يسعدك....... طولين بالغيبه
الاكتئاب كذا جاني بدون اي مقدمات وربي يعوضني باحلى ثلاث اولاد قادر يا كريم ..
ربي يديم علينا النعم ...ونشوف اعيالنا بارين ومطبقين للشريعه ونسعد بشبابهم قادر يارحيم

الأمل القادم
فعلا أنت بلسم لهذا الملف لا يمكن الإستغناء عنه

الله يعوض عليك ويخلي لك عيالك ويشفيهم ويرزقك برهم ونفعهم ياااااارب..

ياهلا ويامرحبا

انا الحمد لله تمام وولدي ابشركم ياربي لك الحمد ابتدوا يعلمونه على الرضاعه وكلموني يقولون لازم تجين تتعلمين كيف رضاعته لانها صعبه بجد
والله يخوف يوم سميت بسم الله وبديت ارضعه الا سمعت صوت زي البلغم وانتم بكرامه......يوم سألت الممرضه قالت لانك مارضعتيه زين دخل الحليب بالرئتين وصار وجهه ازرق وقامت الاجهزة المركبه عليه تدق قالت شوفي بهاالحاله هذي على طول طلعي الرضاعه واقلبيه والله اني خفت وقمت ارجف ورميت الولد عليها

وبالنسبه للاكسجين وربي صادقات اخواتي
طيب اذا قل الاكسجين عندهم يعرفون من خلال الاجهزة لكن انا بالبيت كيف اعرف انه مايتنفس ماعندي اجهزه ولاشي
قالت لي الممرضه اذا صار وجهه ازرق اعرفي انه مايتنفس.......ساعته وش ابسوي ياقلبي قلباااااااااه بس.


الله يردهم لنا بالسلامه يارب.....

**الأمل القادم بشريني عنك ان شاءالله احسن الحين.......وعندي لك رأي...وش رأيك تجيبين لك سدر (خلطة الرومي)وتحممي فيه كل يوم مع الصدقه ولو بريال..لمدة سبع ايام وماتشوفين الا العافيه ان شاءالله.

**العنود.......**MOOOON
الله يقر عيونكم بعيالكم يارب وتلمونهم باحضانكم بالسلامه وتشوفونهم معاريس يارب