دلوعة أبوها23 :

صايد المها لا تخافين يا قلبي انا ولدي عبودي الله يحفظه كانوا بيطلعونه وبعدين فجأة نزل الاكسجين وقالوا تعالي بكره خذيه هو يصير عادي للخدج فلاتخافين واذا طلع لازم المستشفى يعلمونك اسعافات اوليه للرضع او شوفيها بالنت موجوده والله يحفظها لك ويطلعها بالسلامة ياخوفي من المكتوب لاتخافين على بنوتك انا اولادي كانوا كذا وكان يدوب يرضع الواحد 20 مل وعلى شوي شوي تحسنوا في الرضاعة لكن اول فترة هي اصعب شي لحد ما تتعودين عليها بعدين بكتب اسمي انا اشوف مستشفى العيون افضل وممكن تطلبين يحولونك للرياض وقت العملية لأن اللي هنا ماشاء الله تبارك الرحمن متمكنين مررره والله يحفظ ولدك ويقومه بالسلامة lovely mama اي مستشفى هذي؟؟؟ تصدقين رخيصة انا المركز التخصصي الطبي قالوا لي اليوم ب4 والحمادي ب6 من غير ادوية والحمد لله رحت ولدت في حكومي افضل وما يستخسرون الادوية في الاطفال ومو كل شوي لازم موافقه منك انصحك لو بالرياض روحي لمدينة الملك فهد الطبية اولدي عندهم اعرف عاقلة ولكن وسبيعية كلهم والدين هناك واولادهم جلسوا في الحاضنة ويمدحونها مره والله يقومك انتي والبيبي بالسلامة

صايد المها لا تخافين يا قلبي انا ولدي عبودي الله يحفظه كانوا بيطلعونه وبعدين فجأة نزل الاكسجين...

بعدين بكتب اسمي :

مراحب خواتي بشائر الطيف +دلولة + دلوعة مشكورين على دعواتكم انا كنت اتابع المتابعة العادية وكان طبيعي عيونه ظلت سليمة خمسة اشهر يعني مافيها شي ومضبوطة بس لما لاحظت عليه انه بدا يلفها وديته لطبيب العيون وقال انه فيه طول نظر وفيه انحراف على فكرة انا بالشرقية وعندنا هنا مستشفى العيون التخصصي وهو فرع من مستشفى الملك خالد للعيون بالرياض بس انا لازلت محتارة بينه وبين المغربي الي جنب المواساة مدري مين افضل لا تنسون تدعون لولدي واللي عندها اي فكرة عن مستشفيات العيون بالشرقية خصوصا المستشفيين اللي ذكرتهم لا تبخل علي شاكرة لكم وان شاء الله تتطمنون على عيالكم واطمنكم على ولدي يارب ياكريم

مراحب خواتي بشائر الطيف +دلولة + دلوعة مشكورين على دعواتكم انا كنت اتابع المتابعة العادية...

Lovely Mama :

اهلا أمهات ... الله يجزيكم خير على التعب والصبر. عندي سؤال محرج وسابق لأوانه.. انا لي الحين حامل ، والدكتور قال لي بولد ولادة مبكرة يمكن الأسبوع 32 لكن كل الي اشوفهم والدين مبكر .. لازم يحطونهم في حضانة .. ولما سألت عن الحضانة قالوا تكلف للطفل الواحد من ألف ريال إلى 3 آلاف ريال في اليوم .. يعني اذا شهر من 30 ألف إلى 90 ألف للطفل الواحد ... انتوا بعد قالوا لكم هذي الأسعار ؟ انا خايفة أني بعد الولادة اوديهم مستشفيات حكومة لأني اخاف انهم مايهتمون فيهم عدل ويصير فيهم شي:( أو نقلهم من مستشفى إلى مستشفى يصير فيهم شي بالطريق ادري بتقولون بدري التفكير بهالمواضيع بس والله كثير متعبني التفكير فيهم. شغلة ثانية انتوا ترضعوهم طبيعي في الحضانة؟ واذا مو مسموح لكم .. مايوقف الحليب عندكم اذا شهر كامل البيبي مارضع آسفة عورت راسكم بس والله ماعندي غيركم يشاركني خوفي

اهلا أمهات ... الله يجزيكم خير على التعب والصبر. عندي سؤال محرج وسابق لأوانه.. انا لي الحين...