امهات الاطفال (المبتلون )هل يزعجكم السؤال عنهم ام نسكت

جعلك ماتجربينه قولي آمين شوفي واسكتي وادعي له في ظهر الغيب وقولي دعاء من شاف مبتلى
يكفي ان الام طالعه تبي تغير جو وتنسى وانتي ترجعينها لاحزانها
انتبهي لاتسالين ترى سؤالك يفتح جروح والبعض مايحب يتكلم على عياله ويعتبرها تدخل في الخصوصيات

هى تختلف من ام لاام فيه امهات ماتحب احد يسال وخاصه اذا ماتعرفيها
وفيه امهات عادى
وفى الغالب الامهات مايحبو احد يدعى بصوت عال وخاصه كمان ماتعرفيها لان فيها شفقه واهالى ذوى الاحتياجات
مايحبو نظرة الشفقه

بس الكلمه الحلوه لها مفعول السحر سبحان الله مثل الله يخليه لك ويابختك بالجنه وغيره
وفيه امهات تتحسس من النظرات
انا امس كنت بالسياره وواقفه سياره بجنبى وفيها عايله اقسم بالله يالحرمه كانها شافت مخلوق غريب جلست تناظر بنتى وعيالها حولها
انا ناظرت فيها قلت يمكن تستحى وتشيل عينها ابد حتى زوجى هو اللى نبهنى وقال اسحبى البنت من عند الدريشه وظلت تشوف وتبحلق وشاده النقاب بيدها علشان تشوف زيين
مبحلقه عيونها ماستحت حتى من زوجى تشيل عينها الله المستعان وفى الاخير رفعت ا لقزاز واحنا اللى استحينا نطالع فيها حتى عيالى حقدو عليها
انا الحمد لله تجاوزت النظرات لاكن جلست اقول فى نفسى ليش التبحلق ذا كله والله بنتى مزيونه ولا فيها شى بس بسرعه قدرت اشيلها من تفكيرى الله يسامحها


بالنسبه لى فيه شى جدا يضايق هنا بالمنتدى مثلا وحده تكتب عن حالت طفلها وعن معاناتها
تجى وحده ترد الحمد لله الذى عافانى مما ابتلاك به
طيب مافيها شى بس تراها تحز بالنفس كثير يعنى ماتقدرى تقوليها بلسانك ماله داعى تكتبيها لها لاحولا ولا قوة الا بالله
هاذا شى بديهى اذا شفة مبتلاى ماسمعه كلام يحسسه بنقص

انا بصراحه اراعي مشاعر الناس وتاثرهم بس مو زياده عن اللزوم تبين انها حزنت شوي وتبكي

اما عن السؤال عنهم عادي وماحب احد يتجاهله بس بدون تدقيق بالتفاصيل اصل الحاله تشعبه وكبيرة وصعب شرحها
وما الشي الي فعلا يزعلني لما تجلس تعلمني اش اسوي مثلا ولدي مرررررة نحيف وتقولي اكلات اقولها ما ياكل على سوائل وبس تلف على نفس الموضوع هو جزاهم الله خير بس تخيلني تصير الجلسه كلها نصائح ن هذي وهذي

بالنسبه لي احب اللي يسالني عن حاله ولدي طبعا عشان الاقي دعوه اوكلمه تصبرني وعمري مافسرت نظره احد على انها شفقه بس السالفه اللي بتوصلني لاقصى درجات الكابه اذا قالولي هذا ولدك عقاب من الله لانك مااحسنتي الظن فيه طبعا لاني طول الحمل خايفه من الاعاقه بحكم وجودها بالعايله

انا تحرجني نظرات الناس بس السؤال عن حالتي ابدا مايزعجني لانه قد تكون الاخت الي تسال حالة ولدها اوبنتها تشبه حالتي وتبغى تستفيد من تجاربي الشخصية وانا بذات احب اجاوب الامهات الي اطفالهم صغار ويبغون يستفيدون مني لاني كبيرها واقدر افيدهم واكون سعييييييييييدة بذلك مررررررة