امهات الاطفال انقذوني النجده

قفلي المطبخ قفلي المجالس قفلي دواليبهم ... عاقبيهم .. جهزي لهم وجبات في علب ياكلوها لما يصحو و انتي نايمه اما تخلي كل شي مفتوح و ما تجهزي اكل طبيعي بيصير كذا و اكثر

افرشي السيراميك مغبر عذاب وقفلي علاهم المجالس

الله يعينك صراحه انا ٢ واحس بيتي ازعاج ومكركب كيف انتي مالك الا الشغاله

الله يمدّك بالصحة و العافية
و يقر عينك بصلاحهم يارب
طيب بما إن عندك كبار يهتمون بالصغار فترة راحتك
و إذا يمديك ما تنامين إلا منوّمة الصغار معك أو قبلك يكون أفضل
اقصد لو عندك من عمر ثلاث سنوات و أقل يكونوا مسؤوليتك لأن عليهم خطر لو تركتيهم خاصة إنه أبناءك مو متعودين على تحمل المسؤولية للآن
لكن بعد ثلاث سنوات بإمكانهم يفهموا الله يحفظهم
أصلًا من عمر سنتين الطفل تقدري تعلميه يرتب ألعابه ، وً يمسح الطاولة اللي لعب عليها أو أكل عليها بمنشفة صغيرة مع بخة ماء مثلًا ،، المقصد حلو تربين الكل على التعاون معك
و إذا تعبتي تكلمي مع الكبار ، قولي أنا تعبت من الترتيب بالبيت ياليت تتعاونوا معي إنتم ماشاء الله تقدرون تساعدوني أنا بأرتاح و إذا احتجتوا للمطبخ أو غيره أهم شيء أحصله نظيف مثل ما تركته ..
و كوني حازمة شوي ببعض الأمور
و امدحي و شجعي
و الله يحفظهم لك
إذا عندك قدرة تشتري غسالة أطباق اشتري و علميهم يرصون أطباقهم ،،
الخلاصة ؛ مهم يتعاونوا معك حتى لو شغلهم مو مرة تمام لكن عوّديهم من اليوم ،، المهم لا تسبّين أو تتكلمين عليهم
لا فقط اطلبي مساعدة و كوني حااازمة بطلبك للمساعدة و التعاون ، و وضحي تعبك و بعدها ... اظهري تقديرك لجهدهم و مساعدتهم و ادعي لهم

عمر ٤ سنوات واصغر ينامو معك اجباري عشان مايزعجوك
والكبار اذا خبصو عاقبيهم
المطبخ والمجالس قفليها
خليهم وجبات بصحون بلاستيك عشان الحوسة