امهات البزارين .. كل وحده تطل بغرفة نومها وتقول لي ...

هلا وسهلا ومسهلا ومرحبا

ادري ادري ... ادري اني قاطعه ولانيب اشارك واجد .. وادري انكم مشتاقين لي وما كفيتوا عن الصياح :icon33: <<< اقول ترا محدن جاب خبرتس اخلصي بس


انا واعوذ بلله من كلمة انا .. كنت عايشه حياتي مبسوطه مع رجلي واولادي .. واشوف رجلي ساكت واحسب انه مبسوط مثلي ( مير امحق بس ) << ممكن اترجمها لغير الناطقين باللغة الخرجاوية
الين جا هاك اليوم اللي تعب فيه اخو رجلي وصار ما يقدر يتحرك من السرير وراح رجلي يزوره في غرفة نومه هو وحرمته اللي هي سلفتي ، وشاف رجلي غرفة نومهم حلوه ومرتبه وريحتها دخون
وبعدين جاني وجهه اسود .. قلت وشفيك يا بغلي العزيز قصدي يا بعلي الجميل ؟؟

قال انا من اليوم ابطلع انام في المكتب .. وبحركه لا اراديه مني قلبت الموقف الى فلم هندي وقلت نهييييييييييييييييي << موتها ولا يطلع رجلها ينام برى الغرفه
قلت ليش بس ؟؟
قال : بلله هذي غرفة نوم اثنين متزوجين ؟
قلت : وشفيها
قال : روحي شوفيها وبعدين تعالي
قلت : انا اشوفها كل يوم وماله منها .. ما اشوف انها فيها شي غلط
قال : وهذي المصيبه

وراح وتركني وذهبت بخطوات رشيقه كالفراشه << الا قولي نعامه
ودخلت غرفة نومي وهذا اللي شفته وبكل صراحه
سريرين بزارين وفراش للبزر الثالث على الارض
الموكيت كله بقع استفراغ وانتم بكرامه ما طاعت تنغسل ولا بكلوركس
التسريحه عليها علبتين سيميلاك وكيسة بامبرز والعاب ومصاصه وكيس شيبس << قاعده اطالع التسريحه وانا اكتب خخخخخ من زود الامانه
الطاوله اللي جنب السرير عليها ادوية حراره وزكام للاطفال وغلاية رضاعات وشفاطة حليب
وتحت السرير شرابات بزارين والعاب
وعند مدخل الغرفه فيه مشايه
ثلاجة غرفة النوم فيها حليب للبزران وخضار مهروسه للصغير وادويه والعاب برضو خخخخ

اتوقع اني فهمت قصد زوجي << تتوقع بعد !! والله مافيه امل تفهمين

بس وش اسوي ؟؟؟ :( عيالي وش اسوي بهم ؟؟ انومهم بالشارع ؟؟ واعمارهم 5 شهور وسنتين و 4 سنوات << هذا له غرفه بس ما يطيع ينام فيها لو نموت

ويحوسون البيت حووووس وما عندي شغاله .. وبصراحه ما اقدر احط دخون وابخبخ عطورات في الغرفه لأن عيالي عندهم حساسيه
يعني وش اسوي انا اقطع عمري والا اذبح نفسي والا عيالي والا اهاجر واترك البلد باللي فيها :icon33: << تبيكم ترحمونها








طيب بكل صراحه وكل أمانه كذا .... كل وحده تطل في غرفة نومها وتقول لي هل هي تشبه غرفتي والا لا ؟؟؟؟؟؟؟؟؟؟؟
بصراااااااااحه يا امهات البزارين :30:

ابي بس امهات البزارين .... ما ابي وحده مالها الا كم يوم معرسه وتسريحتها كلها عطور وكريمات بنكهة الفواكه :16: <<< غيرانه خخخخخخخ



ارجوكم ابي احد في صفي :icon33: :icon33: :icon33: