وش ذا الخوف عندكم
وشلون تاخذين راحتك في غرفتك لما (..........................)
وبعدين اربع سنوات شايب
فيه جهاز تحطينه في غرفتك وغرفتهم وتسمعين منه حتى تنفسهم من دقته
معقوله امهات ولا تعرفونه احس الكل يعرفه ومريح مرررررررررررررررره
كاجو
•
هههههههههههههههههههههههههههههههههه
بصراحه نعسانه ونصي نوم
بس ما قدرت امسك نفسي وارد عليك
ذكرتيني بعادل امام في مسرحية شاهد ما شفش حاجه
لما قال ( انتم نايمين في اوضه وسايبين باقي الشقه )
لي رجعه بكرا ان شاء الله
بصراحه نعسانه ونصي نوم
بس ما قدرت امسك نفسي وارد عليك
ذكرتيني بعادل امام في مسرحية شاهد ما شفش حاجه
لما قال ( انتم نايمين في اوضه وسايبين باقي الشقه )
لي رجعه بكرا ان شاء الله
أم ميثا
•
والله مشكلة العيال ...
أول ما عرست كانت غرفة نومي روعة من روائع ألف ليلة وليلة وكل ليلة مفاجأة وأضيف لمسات تجديد خاصة وأني أموت في شي اسمه ديكور؟,,
لكن يبت الولد الأول وانقلب الوضع
التسريحة القيقة المشعة بالأنوثة والجمال تحولت إلى خزانه مطبخ عجوز وعليها دلال (ترامس) الماي واليانسون.. المراضع..علبة الحليب.. شفاطة الحليب لا تستغربون كل شي كان في المتناول السريع وجريب عشان ما يصيح الياهل ونطول عليه
الكوميدينو طفح من الألعاب والمصاصات والعضاضات للتسنين 4 حبات بامبرز للتغيير في الليل وفوطة للتنشيف وأحياناً أدول ومنبه عشان أوعى لتغيير البامبرز
فراش السرير كان ساعات يتوصخ وأنا أغير البامبرز وأحصل لي هزبة من بو العيال....
يوم كبر شوي بدا ياكل لقمة وحدة و10 على الأرض والبسكوت ينثره في كل مكان والنمل عاد حدث ولا حرج
يقطع أشجار الزينة وينشح السماد
يفتح الأدراج ويطلع كل اللي فيها فلزقتها بالتيب
المرآة يرسم لوحات ضبابية عليها ببواقي الأكل والحليب يرشه على السراميك كأنه يرش بالمرش
وزي العسل على قلبي لأن الحمدلله عندي بشكارة تنظف وراه أول بأول
ولكن كل هذا كوم وتحفي وصوري ديكوراتي اللي صادرتها لأسباب أمنية وقمت أصفي الأثاث والأدوات في الغرفة والصالة لين ما يلسنا على بساط الفقر
تميت على هالحال فترة وبصراحة مليت ولدي عمره سنة و10 شهور وبنتي عمرها 10 شهور يعني أطفال رضع والمشوار لين ما يكبرون طووووووووووووووووووووووووووووويل فما فيه أمل أطلعهم من غرفتي
قمت أنا وطلعت منها
انتقلت وياهم في غرفتهم أيلس وياهم فيها طول اليوم ونبات فيها أنا وزوجي عالأرض طبعاً بس مرتاحة غرفة خاليه ما فيها إلا ألعابهم وسرايرهم وكبت وتلفزيون وكل شي فيها آمن أنسدح أطالع التلفزيون وهم يلعبون ويتعبون وينامون
ويوم أتوله على غرفتي أسير أطل طلة وأردلهم وبنتم على هالحال لين يكبرون
أول ما عرست كانت غرفة نومي روعة من روائع ألف ليلة وليلة وكل ليلة مفاجأة وأضيف لمسات تجديد خاصة وأني أموت في شي اسمه ديكور؟,,
لكن يبت الولد الأول وانقلب الوضع
التسريحة القيقة المشعة بالأنوثة والجمال تحولت إلى خزانه مطبخ عجوز وعليها دلال (ترامس) الماي واليانسون.. المراضع..علبة الحليب.. شفاطة الحليب لا تستغربون كل شي كان في المتناول السريع وجريب عشان ما يصيح الياهل ونطول عليه
الكوميدينو طفح من الألعاب والمصاصات والعضاضات للتسنين 4 حبات بامبرز للتغيير في الليل وفوطة للتنشيف وأحياناً أدول ومنبه عشان أوعى لتغيير البامبرز
فراش السرير كان ساعات يتوصخ وأنا أغير البامبرز وأحصل لي هزبة من بو العيال....
يوم كبر شوي بدا ياكل لقمة وحدة و10 على الأرض والبسكوت ينثره في كل مكان والنمل عاد حدث ولا حرج
يقطع أشجار الزينة وينشح السماد
يفتح الأدراج ويطلع كل اللي فيها فلزقتها بالتيب
المرآة يرسم لوحات ضبابية عليها ببواقي الأكل والحليب يرشه على السراميك كأنه يرش بالمرش
وزي العسل على قلبي لأن الحمدلله عندي بشكارة تنظف وراه أول بأول
ولكن كل هذا كوم وتحفي وصوري ديكوراتي اللي صادرتها لأسباب أمنية وقمت أصفي الأثاث والأدوات في الغرفة والصالة لين ما يلسنا على بساط الفقر
تميت على هالحال فترة وبصراحة مليت ولدي عمره سنة و10 شهور وبنتي عمرها 10 شهور يعني أطفال رضع والمشوار لين ما يكبرون طووووووووووووووووووووووووووووويل فما فيه أمل أطلعهم من غرفتي
قمت أنا وطلعت منها
انتقلت وياهم في غرفتهم أيلس وياهم فيها طول اليوم ونبات فيها أنا وزوجي عالأرض طبعاً بس مرتاحة غرفة خاليه ما فيها إلا ألعابهم وسرايرهم وكبت وتلفزيون وكل شي فيها آمن أنسدح أطالع التلفزيون وهم يلعبون ويتعبون وينامون
ويوم أتوله على غرفتي أسير أطل طلة وأردلهم وبنتم على هالحال لين يكبرون
الصفحة الأخيرة
وبعدين انا مستغربة من اللي ينومون عيالهم برااا؟؟؟؟ ماشاء الله عليكم شلووووون؟؟؟ والله
مااصبر اخليهم لحالهم...( عندي ولدين: 4 سنوات وسنة ونص) وواحد سريره جنب ابوه والثاني جنبي...
وبعدين فرضأ لاسمح الله واحد منهم تعبان وقام يبكي وماسمعتيه ولا استفرغ بالليل( الله
يكرمكم) وانتي ولا داريه...يمممممه والله مايطاوعني قلبي بس بقعد احاتي ويروح ليلي وانا رايحة وجايه...الوحدة بس تخليهم عندها لما يبلغون خمس سنوات وبعدين تفكر تبعدهم بالذات اللي ماعندها عيال كبار ينامون مع اخوانهم...
وبالنسبة لغرفتي الحمدلله احسن ترتيب مافيها شي يدل ان فيها اطفال الا السرير......>>بالذات الكريمات اللي بريحة الفواكة...( وحدة بتقهرك)