كوبونات الراقية تسجيل الدخول

عطر فراوله
عطر فراوله •
تسلمي يالغلا ع الموضوع
بنتي 11 سنه
واحسها تعاند وتصارخ
وانا احاول اني احتويها
لانها غيورة من اخوانها اصغر منها 6و5 سنوات
وتقول ماتحبوني زيهم
واحاول اتقرب منها واصارحها
الله يعين ويهديهم
أسماء
أسماء •
عطر فراوله عطر فراوله :
تسلمي يالغلا ع الموضوع بنتي 11 سنه واحسها تعاند وتصارخ وانا احاول اني احتويها لانها غيورة من اخوانها اصغر منها 6و5 سنوات وتقول ماتحبوني زيهم واحاول اتقرب منها واصارحها الله يعين ويهديهم
تسلمي يالغلا ع الموضوع بنتي 11 سنه واحسها تعاند وتصارخ وانا احاول اني احتويها لانها غيورة من...
تسلمين اختي على النصيحه الرائعه .,

شوفي الغاليه اذا بنتج في سن ال9 سنوات او 8 فهذا طبيعي ..انا مثلج ولدي بهالعمر وجنني ..ومره بالصدفه سمعت دكتور يتكلم عن هالمرحله السنيه وقال انها مرحله ينتقل فيها الطفل من الطفوله الى المراهقه ويحاول يبني شخصيته من خلال العناد وما يسمع الكلام ..فدورج انج ما تعاندينه او تصارخين عليه لا ..ممكن العقاب بانج نحرمينها من الاشياء اللي تحبها لفتره معينه حتى تسمع الكلام واذا حبيتي تسوي شيء مثل الواجبات او الصلاه او شو ما كان امدحيها باسلوب يعني مثلا الصلاه ..ياسلام منو اليوم بياخذ درجات من رب العالمين ووبتكون افضل وحده بين صديقاتها ..أكيد القمر انتي ..للواجب ..اصلا محد يقدر يجيب علامات عاليه احسن منج لانج تذاكرين وتكتبين واجباتج دايما ..انتي البطل .ومن هالكلام .صدقيني بتنج معاج مثل ما نفعت معاي ..والله يساعدنا

جربي هالشي وعطيني النتائج ..

دخليها في كل شيء يخص اخوانها الصغار يعني خليها هي تختار معاج ملابسهم ونوع العابهم واكلهم ..يعني خليها تستوي ام ثانيه معاج ..حتى اذا سوى واحد منهم مشكله لو بسيطه ولا تكاد تذكر انتي كلميها عنها يعني ..اووه اخوج اليوم تعبني تخيلي كسر كوب ..شو اسوي ..شرايك انتي ..
وخلي زوجج ياخذ الالولاد لمكان وانتي اطلعي مع البنت لمكان تحبه مثل التسوق واقضي معاها يوم واحد لوحدكم في الاسبوع او روحوا مطعم ..وكلميها عن اي شيء ما يخص الاولاد فيه .
عطر فراوله
عطر فراوله •
مشكووورة يااسماء ياقلبي الله يعطيك العافية
وذلحين احس قربت على البلوغ
واحس اني خايفة مادري ليه
رغم اني دايم اذكرها واعطيها نصايح
وافهمها انه عادي
بس انا احس اني قلقانه من ذي الناحية
اخاف تجيها بوقت مو مناسب
مثلا في المدرسة
وكمان احس نفسيتها مو متقبلة هالشئ
احسها محبطة انها بتصير كبيرة
لانها تموت باللعب والخرجات عند قريباتها
مادري يمكن انا شايله همها ومكبرة الموضوع
لانها الكبيرة عندي
واحس الموقف صعب
ياريت تفيدونا بتجاربكم
مع الشكر الجزيل لصاحبة التجمع
أسماء
أسماء •
والله عندي نفس القلق يا عطر الفراوله ..سن البلوغ وسالفه الدوره ..مع ان بنتي الحمدلله احس انها متقبله الموضوع نوعا واحس تى قلقنا احنا ينعكس عليهم فخليج كووول على قولتهم .
وبعد اللي افكر فيه هي كيف انعلمهم على الحلاوه للمناطق الابط وغيرها ..ما ادري واايد الموضوع رابكني ..هل الحلاوه او مكينه
أبتداء المشوار
أبتداء المشوار •
رفع للفائده