مرحبا بنات كيفكم
تعبانة عندي اسهال وانتو بكرامه من امس
تعبااااااانة وجعاااااااااانة مو قادرة اكل شي بس اشرب مويه
لو اكلت حتي خبز لحاله ما معاه شي خلاص ماعاد اطلع من الحمام

الله يرضي عليكم دلوني مو قادرة خلاص لو كان صمت اهون عليا

العمل الصالح في عشرة ذي الحجة أحبُّ إلى الله عز وجل من العمل في سائر أيام السنة من غير استثناء، فإن فاتك الحج والاعتمار فلا يفوتنك الصوم والقيام وكثرة الذكر والاستغفار


سلامي للجميع وجزاكم الله خير كل من سال عني وافتقدني ودعى لولدي من جد يومين عصيبة لاكن الحمد لله انها جات على كذا وسلامت كل مريض والله يشفيك يامحمد ياولد ثناء بحق الايام الفضيلة وتحمي جميع اولادنا واولاد المسلمين يارب

ولدي فرفر في يد الممرضااااات من كثر مايغزغزوا فية ويدورولوا على عرق عشان يحطوا المغذي وابرتين في الوريد ماخلوا ولا وريد في يدوا اليمين ولا اليسار ولا وريد في ذراعوا واخرتها رجولوا الاثنين غزغزوها الا ماقال امين وفرفر من البكا وكان من الالم والخوف يقاوم الممرضات يرفس ويدفهم ويخربشهم ويقرصهم وثلاث ممرضات علية ويادوب من كثر ماكان متضايق ويقاومهم ومرة اتضايقت من انهم بيمسكوة بقوة ويثبتوة بقوة على السرير كانهم بي يصارعوة في حلبة مصارعة مع انهم بيهدوا علية ويكلموة ويغنولوا وهوا يطل فيا ويبكي ويستنجد ويقول ماماماما ويطل فيا بعيونوا و غرقانة دموع وحمرا ومنفخة مرة اتضاايقت من المنظر ويمد يدوا ليا كانوا بيقول انجديني وخديني بيدي انا مادد يدي ولا قدرت اسويلوا شي والممرضات مرة متمرسين لاكن ولدي مااداهم فرصة نزلت علية قوة ماشاء الله تبارك الله مع انوا مرة حالتو صعبة حتي الممرضة من كثر مابيقرصها باضافيروا ويخربشها معلم على يدها مو مصدقة ان دا ولدي الي كل من شافوا قال غلباااان ومازال بغزغزوا بالابرة ويظربوا ويخبطوا مكان العروق والاوردة الي ان حمرت وزرقت وخممت اطرافوا من قوة الضرب وغزغزة الابرة الي ان صار يبكي ويشهق من غير صووت ووجهوا احمر وهوا مازال مادد يدوا ليا و عينوا مانزلها من عليا وعينوا في عيني تستنجد بيا و تقول ساعديني شيليني مازلت مادد يدي لية يا ماما ماشلتيني؟؟ انا انخنقت من المنظر وعيونوا الي مانزلها من عليا كان نفسي اصرخ فيهم واقلهم خلاااااااااااااااااص ارحموة ما بقلوبكم رحمة لاكن غصيت بيها وكتمتها لان شغلهم ومابيسوا شي غلط لاكن انا ماتحملت منظروا على دا الحال يمكن ساعتين وبرضوا مو لاقين وريد عرقوا واوردتوا كلها ناشفة من الجفاف بسب النزلة وفي اليومين دي بس نزل كيلو ونص وذبل انا قلت خلاص مافي الا الوريد الا في رقبتوا والله يستر واستنى يروحوا لرقبتوا للوريد الكبير الواضح والبارز من كثر ماشهق وصاح ويحطوا فية ابرة المغذي وخلاص ينتهي الكابوس الي انا فية لاكن على اخر لحضة الحمد لله لقيوا عرق في رجلوا وحطولوا المغذي وابرتين في الوريد و جبيرة في رجلوا عشان مايحركها ويتحرك المغذي وجميع انوااع العذاب والشغالة تبكي وانا ماسكة نفسي قلتلها دحين انا اسكتك ولا اسكت الولد ولا اسكت انا واصبر نفسي وابوة الجباان مارضي يحضر الي سار قال انا برة المستشفى لما تحتاجي شي دقيلي مو قادر يشوف ايش يسير في ولدوا وانا الي شوفت كل شي وانا الي شلت التعب والهم لوحدي هوا بس حطنا ودفع تكاليف المستشفي وخرج جلس في السيارة يدعي وتصدق عنو بنية ان الله يشفية وبعد ماخلصوا دق عليا قلي ايش سار قلتلوا كذا كذا والان حمودي نايم قال حجي اشوفوا وجا وهوا نايم باس راسوا وقال خلاص مو قادر اتفرج اكثر من كذا اجبلك غدا قلتلوا مالي نفس وانا معايا هبوط لان خرجت بية على المستشفى من غير فطور وعامل دايت فجاني هبوط ودوخة راح اشترالي شكلاتة واكلتها وارتحت قال لازم تاكلي وراح جبلي فطاير تركية وورق عنب وشبس واكلت كاني هديت ودفيت كنت حموت من البرد والهبوط والرجفان والخفقان والدوخة والفجعة الي صابني و قال خلاص انا رايح شغلي واحط بشبش عند اخواتي واذا احتجتي شي كلميني ياربي رجال انانيين هموا شغلوا من جد حمااار كرف وصج راسي كل نص ساعة يتصل قلتلوا ماتجي احسن وتريحني وتريح نفسك من القلق الي انت عايشوا من جد ياصبر سيدنا ايوب علية السلااام
ولا تلوموني اني اكلتوا كبدة مسلوقة ومهروسة مع رز مصري ولدي ماشاء الله 10 شهور وطلعت اغلب اسنانوا واختوا التوام اكلت معاة والحمد لله ماسرلها شي لاكن هوا معدتوا على قدوا واثرت فية وسببتلوا نزلة معوية حاادة وارتفاع في درجة الحرارة ادت الي جفاف الحمد لله من قبل ومن بعد وانا من قبلها معايا قبضة بقلبي كاني حااسة ان حيسير شي ينكد عليا ولا قادرة اتجاوب معاكم بس من بعيد لبعيد لاكن الحمد لله انها جات على كذا ولا شي اكبر الي ان صار الي سار ومن بعدها كمان اتابعكم من بعيد لبعيد مابغى اكتب وافتكر الي سار لاكن الان الحمد لله هديت لاكن مازال الاسهال والاستفراغ مع ولدي قالت الدكتورة شوي شوي يخف وكل يومين مراجعة الي ان يروح كل شي وقالت لو رجع لحالتوا الاولي يستفرغ حتى الموية واسهالوا موية صافية جيبة على طول لطوارئ والان ولدي عايش على موية الرز المسلوق والحليب الخفيف الموية اكثر من مقدار الحليب ومحلول الجلكوز مخلوط مع سفن ومحلول الجفاف ومضاد وادوا السخونة وتحاميل الله يستر امهاااااااااااااااااااااات جاوبوني من تعرف دكتورة شاطر للاطفال اذا مااستقرت حالتوا اودية ليها يمدحوا دكتور ناسية اسموا لاكن لقبوا مساوة في جدة الوطني احد جربوا؟؟

الي سهران زي ركعتين قيام الليل الله الان نازل السماء الدنيا واحنا في ايام وشهر فضيل

احلى قطه 0000 سلامتك بس ياليت تاخذين شي يوقف الإسهال او تروحين للطبيبه لأن على حسب علمي الإسهال مو زين للحامل

رفاال 00ياعمري 0الحمد لله على سلامته 00مايشوف شر ان شاء الله 00 ياعمري تعبوه وحسروه 00ان شاء الله اخر الأحزان

بلسوم 00الحقيني عطيني مقادير عجينتك 00كانت عندي في الجوال ومدري وين راحت 00 تكفين لاتتأخرين بسوي فطاير لولدي العصر

ريفال

انا لما صار كدا فابني و اضطرينا ننومه في المستشفى و جو يحطوله المغذي صار نفس الشي و الظاهر انه هو زيي عروقه مرة صغيرة و يقعدو يدورو ساعه على مايلاقو وريد و برضو كدا قعد يبكي بكا صوته لآخر المستشفى بس لما شفته تعب من البكا وقفتهم و قلت لهم استنو شوي عليه يروق اصلا و هو ستريس كدا و معصب كل العروق حتكون مشدوده معاه و صعب يلاقو و بالفعل اخدته الغرفه و قعدنا انا وهو نلعب سوا و أضمه و كأنه عادي مافي شي و بعد ما هدي رجعت تاني للممرضات و قلت لهم يلا تعالو

بس قالو لازم دكتور اللي يلاقي الوريد لانه عروقه مرة صغيره <<<<< زيي انا مايقدرو الممرضات يلاقو في عروق ولازم دكتور والله مشكله بعاني منها من وانا صغيره


وجا الدكتور و حط له على السقف العاب اطفال و بسرعه لقي وريد و زبط الحمدلله و لما وصلنا الغرفه وكلها ساعتين و الابره تخرج من الوريد من نحف عروقه و يحاولو يزبطوها ومافي فايدة و نرجع تاني للحكاية من اولها و تنعاد كم مرة

بس انا مكانك ما اقدر اتحمل هالنظرات و هو متآلم وبيستنجد في يعني كان لازم تقولي لهم يستنو شوي بس يهدى حبيبي وضميه و روقيه وبعدين يرجعو اما كدا مرة حرام عليكي تسيبيه تحت اياديهم او اطلبي دكتور بمجرد شفتيهم مو عارفين

وأبدا أبدا أبدا لاتخليهم يدخلو الابره لو ماهم متأكدين انه في وريد اما حكاية يدخلو الابره ويقعدو يلفلفوها جوا يدورو عالوريد دي ابدا ماتخليهم يعملوها و لو عملوها اعرفي انه الممرضات دول مايعرفو شي فالتمريض واطلبي دكتور مباشرة <<<< مدري من فين جبتي قوة القلب حرام عليكي جننتيني وانا اقرا ردك وكلامك وانتي عارفه غلاوته فقلبي لحمودي حبيبي و ألف سلامه عليه يارب

وبالنسبه للدكتور حق الاطفال انا مرة ما انصحك بالحريم يارفوله ترا والله مشاكلهم وحياتهم الشخصية بتأثر عليهم وعلى عملهم اما الرجال ربي خلقهم ماهم عاطفيين و يقدرو يفصلو حياتهم عن عملهم والدليل زوجك و تصرفه و هو ابنه قاعد في المستشفى
وانا لما كان راكان صغير وكان يبكي بالساعات يوميا يوميا ومايسكت على نغمه و وتيرة وحدة لفيت كل دكاترة الاطفال بس ماحد عرف له الا دكتور مصري شاطر جدا والله في مستشفى عرفان اسمه مصطفى عزت
وكل ما أغير عنه أندم و أرجع له لانه بجد بجد وبشهادة الجميع شاطر ماشاء الله عليه

و كمان دكتور عصام هاشم في ابراج البدرية عاد دا الدكتور مايحتاج ابدا احكيكي عنه و عن خبرته وعلمه ماشاء الله عنده مركز طبي وكله عيادات اطفال من نفسية وطهور و اسنان و كلى و باطني وكل كل الاختصاصات وكلهم بس للاطفال وما يروحو له الا اهل البلد اللي مره مره هاي كلاس لانه كشفيته غالية شوي بس الكل يقولو انه يده فيها البركه وبمجرد مايفحص الولد بس ترجعي فيه البيت على طول بيتحسن و والله انا اشهد لاني شفت بعيني لما خرجت سلطان من المستشفى واخدته مباشرة عليه وحكيته الحكاية و ما اعطاني ولا دوا بس سحب له دم عشان يعمل له تحليل معين وقللي تعالي بكرة بيكون طلعت النتيجه بس الحمدلله اني ما احتجت ارجع له لانه الولد قام بعدها مافيه شي

ليدوو
والله مادري عنها من زمان


رفول
حياتي
الله يشافي ولدج
احنا بالمستشفيات عندنا مايرضون الام تدخل مع يهالها


بلوره
حبيبتي ليش الهم
لبسيها حفاظه وفكي روحج
انتو تحبون الشقا
يعني وناسه الحين كل يوم بول ونياسه وانتي لا خدامه ولا شي
والجو صقعه وتقعدين تغسلين
لو عندج خدامه مي خالف
بس المشكله انتي بروحج



ثنو
الله يشافي ولدج
واجر وعافيه