بنت يا زوزو

كدا تكتبي لي نص الكلام حق ابو زوجك و تروحي

بس علقتيني بالحكاية

طمنيني ايش صار بعدين

حسبي الله على هالسوريات اللي راميين نفسهم وبايعينها بس على فكرة السوريات اللي بيكونو بنات عوايل و من الناس الكلاس مايعطو بناتهم اي احد لو بيموتو بس البدويات اللي من القرى بيرمو بناتهم لأي واحد ان شاءالله على حافة الموت بس المهم انه يكون مريش ومعاه فلوس وعاد الناس ماخده فكرة انه اهل الخليج وخاصة السعوديين بينامو على سبايك دهب و هو دا اللي مخليهم يرضو بأي شي

و صدقيني ماتقدر تطول معاه


الله يكسفهم شوهو منظر السوريات قدام الناس والناس صارت تقول السوريات و السوريات راميين نفسهم رمي على الرجال بس عشان الفلوس



بلورة

الحمدلله عسلامتك ولا تتأخري علينا ياقمر

و يلا حاولي تتقابلي مع زوزو عشان تسحبيها هنا بس تجي هي جدة



بلسومة

والله قلبي معاكي وكل مااحد جاب سيرة الحج اتذكرك واقول ياترى خلصت اشيائها وتحضيراتها

و ربي يتقبل منك يارب و من كل المسلمين والحمدلله اهم شي انه الجو حلو و برد شوي اهون من الحج في الحر دا انتي بنعمة




بنات

حانجلط رسمي


ام زوجي شافت صور سلطان و راكان و اخدت منهم 10 صور لها

والصور دي هدية من المصورة من يوم حفلتهم لسلطان و راكان و زوجي سكت لها قمت قلت له اذا ما رجعت الصور انا حطلب منها غيرهم على حسابك

بلسومة بالله ادعي لي ربي يشفيني و احمل طبيعي في القريب العاجل واجيب بنوتة و ربي يزيد و يبارك في خلفتي و في ذريتي من البنات و الاولاد


و ربي يتقبل منك يارب و يسهل عليكي كل خطوة في دربك و تروحي و توصلي و ترجعي بالسلامة يارب لاولادك و لاهلك و اهل زوجك ان شاءالله

حج مبرور و سعي مشكور



ام بودي

بجد بجد بجد توقيعك ماشاءالله بيجنن و مرة مرة حلو


خلاني ادخل جو الحج

ربي يجعله من نصيبي السنة الجاية يارب

لانه انا للآن ماحجيت تخيلو عاد

والله كمان صارلي سنتين مارحت الحرم و لا جبت عمره بس ربي يغفر لي يارب لانه مع الاولاد كان رمضان صعب
و زوجي مدري ايش صاير عليه مرة متهاون في هالاشياء حتى اني كل ما اقلله ابغى اصوم بكرة يقللي لا بلاش صومي بعده و هو من يوم ماتزوجته لا بيصوم ال6 البيض ولا ولا ولا شي غير رمضان فقط لالاغير و لا حتى بيشجعني او انه بيتشجع لما انا اصوم القضا

الله يهديه يارب

نونه
الله يهدي زوجك ويصلحه ويكرمك بالحج المبرور والحمل الطبيعي


خلاص جهزت الشنطه وبروح انام

تصبحون على خير ولاتنسون الشفع والوتر

ام بودي
سلمي لي على نداء الله يسعدك

بلسومة ... الله يتقبل منك ويحفظلك عيالك واسرتك فى غيابك ويذكرك بينا علشان تدعى لنا ادعى لى زى ما قلت لك وكمان زى دعوة نونة بس طبعا بدل البنوتة ولد .. لسة بنوتى الكبيرة كات بتلعب مع اخواتها وقالت لى مامى عيزة اتنين اخوات تانى زى لوجى ومرمور
قلت لها ليه هو انا حفتح مدرسة بنات ولا ايه

بنات ياثقل دمكم وييييييييييينكم سايرين باردين ولا هاجدين مع البرد:(