كوبونات الراقية تسجيل الدخول

أمة الرزاق
أمة الرزاق •
دينا11 دينا11 :
والله اعرف وحده فيها شلل دماغي وبنتها الحين ماشاءالله ماينقصها شي الا النطق عندها ركيك شوي مع انها كانت ماتمشي ويدينها متعكفه وفيها تناحه عجيبه وكل هذا بفضل الله ثم بفضل امها تعبت عليها ماخلت مركز الا راحتله ماخلت كتاب الاقرته والحين تدرس بمدارس التعليم العام صعوبات تعلم رفضت امها تخليها تربيه خاصه لانه التربيه الخاصه ضايعه عندنا
والله اعرف وحده فيها شلل دماغي وبنتها الحين ماشاءالله ماينقصها شي الا النطق عندها ركيك شوي مع...
صادقة .. انا شفت بام عيني حالات شفيت ولا تحتاج احد يساعدها في احتياجاتها الخاصه بالذات الحمام
الله يفرحنا جميعا بعافيتهم
والله يكتب اجرك على هالمعلومة
أمة الرزاق
أمة الرزاق •
amiritaa amiritaa :
حبيبتى اللولى ...السلام عليكم و رحمه الله و بركاته...شفا الله ابنك و عفاة هو بنتى و اللى مثلهم اجمعين و لله ما تياسين ابدا مع ابنك اى شئ بتعمليه معاة خطوة للامام ...اى علاج طبيعى او اى اهتمام هو خطوة سوف تلاقى نتائجها ان شاء الله....انا بنتى بعملها علاج طبيعى و بتاخد ادويه و الله الشافى و احب اوصيكى باشياء وصانى الدكتور فيها انقعى 7 من حبات الزبيب + 1/2 تمره فى حليب و فى الصباح اضربيه فى الخلاط و صفيه و ضعى عليه معلقه عسل ...دة بيقوى المناعه و بينشط خلايا المخ تانى شئ ...تجيبى عين الجمل و تطحنيه (باودر) و ضعيه على الاكل و ان شاء الله تجدى له مفعول السحر على تنشيط الخلايا و اهتمى بالفيتامينات و لو عندكو مركز للبحوث ...هتلاقى فيه قسم للاطفال المتاخرين مثل اولادنا ...د من مميزاتهم انهم متطلعين على ما هو جديد فى المخ و الاعصاب و سوف يوجهونك الى الجهات و الخطوات السليمه التى سوف تتبيعيها مه ابنك و اود ان انصحك بالحجامه بس يكون عند دكتور متخصص علشان يعملها فى المناطق الصحيحه و طبعا هتجيب نتيجه كويسه باذن الله ...و ربنا يشفى ابنك و بنتى و كل اطفال الملف ياااااااااااااااااااااااااااااااااااااااااااااااا رب
حبيبتى اللولى ...السلام عليكم و رحمه الله و بركاته...شفا الله ابنك و عفاة هو بنتى و اللى مثلهم...
الله يسلم ويكتب اجرك



مشكورة حبيبتي على المداخلة المفيدة
هالمعلومة تستاهل موضوع منفرد علشان الكل يشوفها
حطيه لنا قبل ما اتليقف واحطة انا :42:

الله يفرحك بعافية بنتك اللهم امين
أمة الرزاق
أمة الرزاق •
خواتي
وصلنا للمحطة الاخيرة
وهي كيف نقضي مشاويرنا معها او بدونها

يوم كانت صغيرة كانت الامور اسهل نشلها معانا على عربية للاطفال
كبرت شوي ضاقت فيها عربية الاطفال
ولا لقينا في السوق الا كرسي متحرك اكبر منها .. يعني ما ينفع لها بتطيح
طبعا كان فيه محلات طبيه توفر لك على مقاس الطفل واحتياجاته
وكان فيه صيدليات متخصصه باحتبجات المعاقين
بس ما كان عندنا خلفية عنها الا تالي
لاني في اسرة الحاله هذي جديده عليها ومجتمعي ما عنده خلفية بتاتا عن هالامور
المهم
اشترينا اكبر منها واستخدمنا خداديات تضيق عليها الكرسي شوي
بحيث انها تثبت ما تميل

الحين هي كبرت شوي ... ثقلت شوي .. يعني حتى حملها من كرسيها المتحرك الى السيارة اللي ما ياخذ ثواني كان يقطم ظهر ابوها او الخدامة الله يعينهم
غير ان السيارة صغيرة
والكرسي شغلته شغله يصفط .. يحطونه في الدبه .. ينزلونه من الدبه .. وتكرر عند العودة
طبعا انا موجودة بس اتبهذل معها بسبب العباية فأكتفي بهم وامد يد المساعدة لهم اذا احتاجوني
ساعات المشوار ما يستاهل انها تروح معنا
مراجعة خاصة فيني ... سوق في وقت ضيق مثل قبل العيد بيومين او قبل المدارس بكم يوم
طبعا طالما اني بتركها
فلازم اعجل في مشواري واخلص اموري بسرعة علشان ارجع لها بسرعة
وفي يوم من الايام كنت متضايقة من حالتها
فاقترحت على ابوها انه يودينا عمره انا وياها واغسلها بزمزم ... وهي كانت تسمعنا وتعرف شنهي العمرة من التلفزيون
وصورة لكعبة المشرفة وقت كل اذان وتشوفها شلون هي زحمة
المهم تونا فتحنا الموضوع ما سمعتها الا وهي تصارخ وتبكي وتردد لا لا لا لا وعلقت على كلمة لا
حنا تروعنا وشفيها شلي جرا فجأة صراخ
سألناها اشفيك عسى ما شر وهي بس تأشر على لابتوب صغير فيه آيات شارينه لها وعليه صورة الكعبة
انا بيني وبينكم جاني امل ان صياح من القران اللي كانت تسمعه وانه مجرد مس وبتشفي منه اذا ارقيناها
قعدنا نحقق معها محنا مرعوبين
لين عرفنا السبب
أمة الرزاق
أمة الرزاق •
الاخت ماتبي تروح عمره :09: .. تقول بتخلوني وبضيع او بيسرقوني في الحرم
طبعا هذا من سوالفنا عندها : اللي انخطف ولده واللي اقطعوا اطرافه واللي ضاع ولقوه
ما حسبنا حساب هالموقف

وحتى الملاهي حارمتنا تقول بتتركوني اضيع
كنها هالسنه تشجعت شوي بعد ما فاجاها عمها بمرة من المرات ووداها مع عياله الله يكتب اجره

يعني يا خواتي سبحان الله كل معاناة ولها حل
ولها نهاية بعد
اول نهايتها ان الله ينزل علينا الطمئنينه ويرضيتا باللي حنا فيه

خواتي
انتهيت من الكتابه و ترا في جعبتي الكثير الكثير
بس الكتابة مسؤوليه
ساعات اتعب من الكتابه بس يوم اقرا ردودكم اتحمس واكتب
غير كذا النت يمكن ينقطع او يمكن انشغل وما اقدر اكمل
وكذا فيه اللي بيعذر وفيه اللي ما يعذر
علشان ما اربطكم فيني


الله يجلي همكم ويفرحكم بعافية مرضاكم
وكلمة اخذوها من اللي اكبر منكم في التجربة

طاوعوا الدكاترة في الشي اللي تجهلونه ( انا طلعت بنتي على مسؤوليتي وندمت بس اخوانها الخديجين طعتهم اللي قعد شهر كامل واللي اقعدت شهرين الا شوي )
والحمد لله طيبين وبخير ما شاء الله
لا تفرطون بالعلاج الطبيعي ابدا الا اذا عاكست الظروف الله يعينكم ويفرج همكم
تذكروا عيالكم الحين صغار مقدور على بعض الامور مثل الشيل والحط والعضلات اللي لسا ما تشوهت ولا تلفت من الاهمال ولا هم مستوعبين انهم اقل من غيرهم بشي طفل بس يبي يلعب وياكل بس بعد ما يكبر بحس بالنقص
وبتمنون لو انه بس يمشي او بس يأكل روحه او بس يروح للحمام بروحه
تحملوا
ترا الحلوى مثل الحلوى البحرينية تاخذ وقت طويل وهي تطبخ ( وهذا صبرنا وكفاحنا) والنتيجة حلوى حلوة طويلة الاجل
والجلي بعد حلو وياخذ وقت قصير لكن قصير الاجل ويبي له مكان بارد ولا ساح يعني نتيجته مؤقته

اعتقد كلامي واضح
والله يجلي همي وهمكم
ان حصل لي فرصة كملت بعض الامور لكم
وان ما حصل سامحوني
واي استفسار انا جاهزة
وبيض الله وجيهكم وحياكم الله


انتهيت
ومع السلامة
ليان عمر
ليان عمر •
ربي يلطف بك وياجرك ويصبر قلبك ياااااااااااااااااااااارب