المهم
نجي لمرحلة حمام البنت المريضة الله يشافيها ويشافي مرضى الحضور جميعا
في بداية عمرها كانت على بامبرز
بعدها ادخلت البنت في عمر 5 سنوات وضاقت البامبرز عليها
وصارت تعلم على اوراكها ولا كان عندي خلفية ان فيه احجام للمعاقين
فكانت معاناة طول اليوم تبديل وتهويه اتركها فترة وانا اراقبها
وساعات يفلت من يدي زمام الامور وهلمي تنظيف واستحمام وندب حظ
ويوم نحضر عزيمة او زيارة او طلعت سوق
كنت اتفاجأ فيها في موقف بااااااااااااااايخ اعتقد فاهميني
وحتى لو كنا في الطريق داخل السيارة
المهم زادت هالنقطة من معاناتي وقللت من طلعاتي علشان اتحاشى هالموقف لا يحصل
وكانت مسألة البامبرز اللي ضاق عليها فاتحة فرج علي وعليها
قررت فجأة انها تتعود على الحمام والحفاظ يكون عند النوم فقط للضرورة
بكمل لكم بعدين
صدقوني بنات يوم اريح من الكتابة
اصير اكثر دقة في حديثي معكم
ويوم ارهق نفسي اضطر الى الاختصار
علشان اوصل للنهاية
علشان كذا
حبايبي لا تضيقون من كلمة
عجزت
يتبع
في إنتظااااااااااااارك الله يشفيها ويشفي أطفالنا جميعا الحمد لله أنها تفهم وتحبي ترا هذي نعمه
عزيزتي كله اجر ان شاء الله فكري بالاجر الي ينتظرك على صبرك وتحملك الله يفرحك ببنتك ويجزاك خير الجزاء
الصفحة الأخيرة
اني صرت بين نارين
بنتي المريضة وبنتي الثانية اللي ظلمتها من يوم خليت وضعهم واحد مع ان ظروفهم ما هي سوا
وتحسفت على قد شعر راسي اني ساويت بينهم
بدت بنتي الصغيرة تحس بالضيق من اختها اللي هي سبب معاناتها
وتحس بالنقص مقارنة ببنات جيلها
وكانت حجتي الوحيدة لبنتي :
البنات عيب يروحون بروحهم
او البنت ما تسير بمعنى ماتروح للزيارت
طبعا حجج ركيكة بس شسوي كنت احاول اهون على الصغيرة وان اختها ما هي سببها
كبروا البنات
والسالفة هي هياها
والحساسية زادت بينهم
المريضة تنهار اعصابها وتظل تصارخ باعلى صوتها ودموعها تغسل وجها بس علشان
اختها الصغيرة : بققت عيونها عليها او نظرت لها نظرة استحقار
تنقهر المسكينه ودها تضرب بس ما تطول هي تحبي بس والصغيرة تجري
ودها تسب وتشتم بس لسانها ما يخدمها فالحل الوحيد انها تصرخ وتنهار الى ان اتدخل انا واضطر
مجبرة لضرب الصغيرة علشان تسكت الكبيرة
وياله ياله تهدى