امهات الطلاب والطالبات المستجديين افيدوني ؟؟

لا تشدي عليه ، مع الايام راح يتعلم من كثرة التكرار

الوقت المناسب وقت ماتشوفيه رايق ومتقبل يذاكر
طووووولي بالك عليه،، أهم شي علميه الطريقة الصحيحه لكتابة الحرف في اول ووسط واخر الكلمه وعلميه الحركات هذي مبدأيا،، وتراهم يطولوا يجلسوا بالحرف الواحد اسبوعين تقريبا..
اشتري له سي دي الاسطوره روعه وبتدعين لي خليه يجلس عليه ع اللاب وبيستفيد كثير واشتري له كتاب فيه الحروف اللي مكتوبه بشكل تقاط وهو يكرر عليها هذا احسه مهم لان التكرار يسهل له الحرف .. وفي حال أخذ حرف من الحروف المتشابهه مثل خ ح ج على طول اربطيه بالحروف اللي تشببه هذا يسهل عليك كثير.. ومن اول حرف اشرحي له ال الشمسيه والقمريه ووريه قصتها في اليوتيوب لها قصه بشكل مبسط وكل حرف ياخذه علميه هو قمري او شمسي وكل مرره ذكريه فيها هذا يسهل عليك لاحقا في كتابة الكلمات اللي تحتوي على ال.... ان شاءالله مانسيت شي
ولدي العام كان سنه اولى ومعلمه زي الزفت مايشرح لهم واغلب الحصص مايعطيهم شي وبعدين يراكم الدروس ب*** او حصتين وانا اللي اسست ولدي وكنت وراه تعبت معاه وعانيت بالذات في الاملاء لكن نفعني بعد الله سي دي الاسطوره
وحاولي تمليه كلمات من ثلاث حروف،،
القرآن سهل يكرروا السوره اسبوع كامل وفي البيت خليه يكررها يوميا عشر مرات ومايجي نهاية الاسبوع الا وهو حافظها..
التوحيد والفقه والعلوم حضري له الدروس قبل ماياخذها والاشياء الحفظ انتي قوليها بصوت عالي وخليه يردد معاك الين تحسينه حفظها وتراهم يتعبون بيكرر وهو يلعب او يتسدح هههه عادي ماعليك اهم شي يكرر ..
الله يصلحه ويحفظه لك..

اولا انا بعد زيك عندي مستجد السنه هذي
بس عندي ولد برابع الي برابع ماشاءالله ماشيل همه جرئ ومايخاف يدبر اموره
بس هذا المستجد يستحي ويخاف ولا هو جرئ بس العام دخلته روضه دخلته عشان يتجرا مو عشان يستفيد ويتعلم صراحه
والحمدلله احس بدى يفك شوي وبدا يتشجع ع الدراسه انتي شجعيه واشتريله اغراض يحبها من المكتبه او حلويات ياخذ معه المدرسه
بالنسبه للتدريس اهم شي اسسي الحروف الهجائيه عنده كتابة وقراءه طبعا كل فتره ياخذون حرف عاد استلمو حرف حرف وعلميه يتقنه
افضل وقت للدراسه بعد الغدا بس برتاح شوي او على العصر
بس انا مااحب ااخر التدريس للعصر والمغرب احس بيكسل ويجيه النوم درسين وهو بقمة نشاطه
الله يوفقه ويوفق وليدي وعيال المسلمين

الافضل التدريس يوميا حتى لو ماخذ شي جديد استرجعي القديم معه
بالنسبه للحفظ القران رددي معاه او جيبيله لابتوب بابا سلام يسمع ويردد

مشكورين

ليه تشيلين هم هالكثر لا تصيرين متوترة كلنا سلكنا ومشينا كل يوم ذاكري له المغرب وتابعي دفتر الواجبات عشان ملاحظات الاستاذ وباذن الله بيسلك بنتي مستجدة صياحة وحساسة وغيورة وبطنها يمغصها ولاتعرف تدبر نفسها وش اسوي زيها زي البقية بدرسها بقدر استطاعتي وشوي شوي ويسلكون ويندمجون بس اصبري عليه وساعديه ينام بدري ويفطر الصباح عشان يستوعب ويصير نشيط