امهات العيال اللي توهم كانو في سنة اولى ابتدائي ابغى نصايحكم وتوجيهاتكم

السلام عليكم
طبعا سنة اولى اول سنة للطفل
لو عدت عليه بكل سلام وسلاسة راح يحب المدرسة والدراسة عموما
اما لو صارت مشكلة او اتنين واتكهرب الجوو وخاصة لو كان الاستاذ غير تربوي اسلوبه ومايعرف للاطفال راح يكره الدراسة عموما وسيرتها ويتعقد خاصة لو كان الولد حساس او ضعيف شخصية
او الاب اصلا مو مهتم ولا يتابع ولا يسأل المهم دا الهدف من طلبي
فيالام والأخت الي عيالكم العام لسه من شهرين نجحو من اولي ايش توجيهاتكم ليا
فيما يخص اهم اهم المهارات التعليمية اللي لازم يتقنوها في اولى .والي راح يمديني دحين في كم يوم ديه اعلمهم هيا او ادربهم عليهم
المهارات الاجتماعية فيما يخص اكتساب الاصدقاء وكيفية الدفاع عن النفس
وهل الصفوف الدنيا يختطلو مع الصفوف العليا
اكتر شي اخاف منه التحرش تقولو ثقفي ولدك وفهميه طيب لو غصبه احد هنا صعب واحد اكبر من ب5سنوات مثلا او من برة المدرسة اصلا
فيما يخص السلامة والامان
فيما يخص كل شي
وانا املي في الدنيا ديه كلها عيالي لا زوج ولا ام ولا اب ولا اخوات
اللهم صح في اخ اصغر مني بس ما بيده شي
فانا عايشة لاولادي فقط
فاتمنى تتفهموني
ودعواتكم الله يشفيهم من المس
ويعلي مراتبهم دنيا واخرة
ويجعلهم من حفظة كتابه
وبارين بيا ويخافو علي بعض لاني عانيت من التفكك الاسري والعدواة بين للاخوة والاخوات المهم
ولكم جزيل الشكر مقدما