الحمد لله اكثر اللي اعرفهم ماشا الله عندهم شغالات وعندهم بنات الله يبارك فيهم ويرزقهم برهن ومن خلال عشرتي معاهم عرفت انه الام تربي بنتها وهي صغيره على تحمل المسؤليه وشوي شوي تمسكها مهام اكبر مع التشجيع والمتابعه والصبر على اي خطأ تقع فيه لانها في اولى التجارب,وتتفق مع الخادمه انها ماتسوي لها اشياء معينه كترتيب غرفتها ودولاب ملابسها ولو تقدر على كوي ملابسها وكنس غرفتها وتحضير وجباتها الخفيفه ,وتحاول الام ان ترسل البنت في احظار اي شي ترغبه منها ككأس ماء او ان تساعدها في تحضير السفره للغداء او العشاء ,,بمعنى ان تعودها على الخدمه كلما سنحت الفرصه ,,واذا كبرت شوي تعلمها الطبخ , ودائما بدايه الشي صعبه بس في النهايه تجنين ثمارها ,,والحمد لله انا اتبع هالطريقه مع بنتي ومبسوطه من النتائج

وبالنسبه لتنويم الاطفال بدري حاولي انه تكونين حازمه معهم وابدا لاتتساهلين والطفل اذا مااحترم كلمه امه وانه الان وقت النوم فممكن هي ماوصلت المعلومه زين لطفلها او انها تساهلت في تحديد وقت نومهم ,,او انهم يأكلون اشياء تنشطهم قبل النوم كالشكولاته او التشبس
او انها ماتهئ البيت لنومهم بأن تخفف من ازعاج الضوضاء وتخفيف النور ليسود الهدوء وينام الاطفال,,

من البداية ,,, ومن صغرهم


اذا بغيت اطلع من بيتي اشرط على عيالي ما نطلع الا البيت نظيف
وهم يرتبون غرفتهم وحوستهم والعابهم

فتلقينهم يحرصون لان الدعوة فيها طلعة

او اوعدهم بشي يحبونه شوكولاته او العاب ...... هذا لانهم صغااااار لكن اذا كبروا كلن يتحمل نفسه ملابسه وغرفته


وما انكر انه فيه عناااااد وتعب وصراااااااااخ
بس لااااابد وش تسوين
صعبة الاتكالية والفوضى والرفالة


خصوصا للي ما عنده خادمة

بنتي 6 سنوات طبعا بالهواش ترتب معي طبعا على هيئه سباق او لعب المهم ترتب
وبعض الاحيان تزعل:mad: تقول انتي وبابا جالسين وانا ارتب اغراضي ههههههههههههه
مرررره صعبه هالبنت تعبت منها :icon33:ولكن >>مازلت اكافح

انا بناتي 3 ماشاء الله كلهم صغار بس احاول اخليهم يعتمدون على انفسهم مثل الملابس الوسخه في سلة الغسيل اذا اكلوا شي يشيلونه اذا لعبوا وخلصوا يلمون العابهم بس صراحه بناتي يعتمدون عليا في كل شي اختيار ملابسهم وبكلاتهم وحل واجباتهم يعني لو ما اجلس معهم واشوف ايش عندهم واجبات يطنشون ولايحلون بنتي الكبيره سنه ثانيه ولا تسوي اي عمل من اعمال الفنيه والعلوم الا في البيت عشان انا اسويها اذا قلت لها ليش ماتسوين في المدرسه مع صديقاتك والابله تقول لا ما اعرف وهذي مشكله اعاني منها واسفه على الاطاله واعتذر من صاحبت الموضوع اذا خرجت عنه

إنتي تقولين أخواتك عندهم شغالات وبناتهم كذا
أنا ما عندي شغالة ...وعيالي زي عيال أخواتك
من صغرهم كنت آخليهم يعاونوني بكل شئ تقريبا...بس من كبرو تغيروا
ولا ...يبغون شغالة كمان
تعبت معاهم..لا الطق ينفع ولا الصراخ ولا العقاب...حتى لما ولدت في بنوتي الأخيرة...
بينت لبنتي الكبيرة إنها الحين مسؤولة عني ولازم تسوي وتسوي وتسوي...ولما ولدت إسبوع تقريبا إتبعت نصايحي
وبعدين...كل الكلام والنصايح إلي علمتها...رااااحت
تعبت...أتمنى يفيدونا الأخوات