امهات سؤال ع الطاير جاوبوني اذا ممكن

مرحبا اختي

والله انا اشوف ان بنتج في عمر المفروض ما تعتمد على الحليب 100%

في هذا العمر المفروض بدأت تآكل لأن جسمها يحتاج لأكثر من الحليب علشان تنمو .. ما ادري انتي وش رايج

بس لو حابة اعلمج بعض الشغلات اللي ممكن تبدأين فيها انا حاضرة

وبالنسبة للحليب هذا ما عندي خبرة فيه .. بس نصيحة ما تستخدمين اي شي ما تعرفين عنه لأن الاطفال في هالعمر ما يتحملون اي شي ويختلف من طفل الى طفل

تحياتي

حبيبتي نفس عمر بنتي بس اعطيها صناعي والحين المفروض ماتعتمد على صدرك بس لازم تاكليه من اكلكم وتضيفي على كل وجبة تعطيها جبن اوبيض وبين كل وجبة زبادي مهلبية اي شي فية حليب وان شاء **** اكون افدتك

بحريبنيه .. لوجن . الله يجزاكم الجنه ع الرد واهي ترفض الاكل يعني بالقووه تاكل لقمه لقمتين بعدين ترفض مره عنيده مع اني معودتها ع الاكل بس ماتتقبله ودها بصدر بس اختي بحرينيه افيدني الله يجزاك الجنه

حـاضرين اختي

انا بكتب لج بعض الوجبات اللي احضرها ...

سوي لها مثلاً رز مع خضار (جزر ، فاصوليا خضرا ، كوسا ) قطعي الخضار وحطيهم مع الرز على النار بس خليه ناضج يزيادة علشان تتعود عليه وممكن تهرسينه بالخلاط الاحظ الاطفال يحبونه


ممكن تهرسين لها موووز


او تحطين بماء مغلي كمثرى او تفاح وبعد تهرسينه


اذا ما عندها حساسية من البيض ممكن تسوين لها بيض بعد ما تغلينه وتقشرينه وتقطيعنه تعطينها اياه بروحه أوممكن تحطينه مع رز ناضج بزيادة

الزبادي لاحظت بعد انه مررغوب عند الاطفال في هذا العمر

حتى الكاسترد اللي يجي بالجمعيات (دانيت) بعد الاطفال يحبوونه لأن فيه سكر بزيادة


عصير البرتقال الطبيعي مفيييد ومغذي حاولي تعطينها مرة باليوم ( اعصري برتقالة وضيفي لها كمية بسيطة من الماء وقليل من سكر الجلكوز )


اعطيها في يدها بسكويت الاطفال لما تحسينها بدت تجوع ممكن تعضض فيه وتتعود انها تترك الحليب وتآكل اكثر


وفي نقطة مهمة لما ترفض الاكل لا تستسلمين لها وتعطينها حليب على طول اتركيها شووي لما تجوع راح تقبل تآكل بسس لا تتركينها وايد اخاف تكون بنتج عنييييدة .. يعني خليها وهي جوعانة نص ساعة اوو ساعة واعطيها وجبتها ممكن تقبلها بسبب الجوع ولو شفتيها ما تقبلت الاكل اعطيها حليب

هذا اللي تذكرته الحين .. ان شاء الله ينفع مع بنتج

وان شاء الله لي عووودة

تحياتي